നെടുങ്കണ്ടം കസ്റ്റഡി മരണം: ജുഡീഷ്യൽ അന്വേഷണം പ്രഖ്യാപിച്ചു

തിരുവനന്തപുരം: നെടുങ്കണ്ടം കസ്​റ്റഡിമരണത്തിൽ​ സർക്കാർ ജുഡീഷ്യൽ അന്വേഷണം പ്രഖ്യാപിച്ചു. റിട്ട. ഹൈകോടതി ജഡ്​ ജി ജസ്​റ്റിസ്​ നാരായണക്കുറുപ്പാണ്​ അന്വേഷണ കമീഷൻ. ആറുമാസത്തിനകം റിപ്പോർട്ട്​ നൽകാൻ നിർദേശിക്കുമെന്ന്​​ മന ്ത്രിസഭയോഗശേഷം മുഖ്യമ​ന്ത്രി പിണറായി വിജയൻ വാർത്തസമ്മേളനത്തിൽ അറിയിച്ചു.

പൊലീസ്​ അന്വേഷണത്തിന്​ പുറമ െയാകും ജുഡീഷ്യൽ അന്വേഷണം. പൊലീസ്​ അന്വേഷണം തുടരുന്നത്​ ജുഡീഷ്യൽ അന്വേഷണത്തിന്​​ തടസ്സമ​ല്ല. കസ്​റ്റഡി മരണം എങ്ങനെ ഉണ്ടായി, എന്താണ്​​ ഇടയാക്കിയത്​, സംഭവങ്ങൾ എ​ന്തൊക്കെ​, മറ്റ്​ നടപടികൾ, കസ്​റ്റഡിമരണം തടയൽ തുടങ്ങിയ കാര്യങ്ങളിൽ ജുഡീഷ്യൽ അ​േന്വഷണത്തിലൂടെയേ ശിപാർശകൾ നൽകാനാകൂ. പൊലീസ്​ അന്വേഷണത്തിൽ നടപടിയേ ഉണ്ടാകൂ. ഇടുക്കി എസ്.പിക്കെതിരെ പല പരാതികളും ഉണ്ട്​. അവ​ പരിശോധിച്ചുകൊണ്ടിരിക്കുകയാണ്​. മുഖ്യമന്ത്രി പറഞ്ഞു.

പൊലീസിനകത്ത്​ ക്രിമിനലുകളുണ്ടോയെന്ന​ ചോദ്യത്തിന്​ ‘ഇത്തരം ചില ആളുകൾ ഉണ്ട്​ എന്നതാണ്​ നെടുങ്കണ്ടം സംഭവം കാണിക്കുന്ന​ത്​ എന്നായിരുന്നു മറുപടി. നെടുങ്കണ്ടം സംഭവത്തിന്​ ഒരു​ ന്യായീകരണവുമില്ല. സി.ബി.​െഎ അന്വേഷണം ആവശ്യമില്ല. നന്നായി അന്വേഷണം നടക്കുന്നു. രാജ്​കുമാറി​​െൻറ കുടുംബം വന്ന്​ കണ്ടപ്പോഴും അന്വേഷണത്തിൽ തൃപ്​തി രേഖപ്പെടുത്തിയിരുന്നു. അവരുടെ നിവേദനത്തിൽ സി.ബി.​െഎ ​അന്വേഷണം ആവശ്യപ്പെട്ടിരുന്നു. എന്നാൽ ഫലപ്രദ അന്വേഷണവും നടപടിയും ഉണ്ടാകുമെന്നും ആശങ്ക വേണ്ടെന്നും പറഞ്ഞപ്പോൾ യോജിക്കുകയായിരുന്നു. രാജ്​കുമാർ കുഴപ്പക്കാരന​ാണെന്ന്​​ മന്ത്രി എം.എം. മണി പറഞ്ഞതായി തനിക്കറിയില്ല. പറഞ്ഞിട്ടില്ല എന്നാണ്​ മനസ്സിലാക്കുന്നത്​.

ആഭ്യന്തരവകുപ്പിന്​ വീഴ്​ചയുണ്ടോ എന്ന മാധ്യമപ്രവർത്തകരുടെ ചോദ്യത്തിന്​ ഇത്തരം സംഭവങ്ങളിൽ ഒരാൾ തെറ്റ്​ ചെയ്​താലും ആളുകൾ ആഭ്യന്തരവകുപ്പിനെയാണ്​ കാണുന്ന​െതന്ന്​ മുഖ്യമന്ത്രി പറഞ്ഞു. നടപടി എടുക്കുന്നില്ലെങ്കിലാണ്​ ആഭ്യന്തരവകുപ്പ്​ കുറ്റക്കാരാവുക. അറസ്​റ്റടക്കം നടപടി വന്നു. എ.വി. ജോർജിനെ കോഴിക്കോട്​ കമീഷണറാക്കിയതിനെക്കുറി​ച്ച ചോദ്യത്തിന്​ ഒരാളോട്​ ചിലർക്കുള്ള വിരോധം തീർക്കാൻ ആഭ്യന്തരവകുപ്പ്​ നിന്നുകൊടുക്കില്ലെന്നായിരുന്നു മറുപടി. കുറ്റക്കാരാണെങ്കിൽ നടപടി എടുക്കും. കൃത്യമായി കാര്യങ്ങൾ ചെയ്​തുപോകുന്നവരെ ക്രൂശിക്കില്ല. പൊലീസിലെ ക്രിമിനലുകൾക്കെതിരെ നടപടി സ്വീകരിച്ചിട്ടു​ണ്ടെന്നും മുഖ്യമന്ത്രി കൂട്ടിച്ചേർത്തു.