You are here

നെടുങ്കണ്ടം കസ്റ്റഡി മരണം; ഇടുക്കി മജിസ്ട്രേറ്റിന് വീഴ്ച പറ്റിയെന്ന് റിപ്പോര്‍ട്ട്

13:47 PM
21/08/2019

കൊച്ചി: നെടുങ്കണ്ടം കസ്റ്റഡി മരണക്കേസില്‍ ഇടുക്കി മജിസ്ട്രേറ്റിന് വീഴ്ച സംഭവിച്ചതായി തൊടുപുഴ സി.ജെ.എമ്മിൻെറ അന്വേഷണ റിപ്പോർട്ട്. ഇടുക്കി മജിസ്ട്രേറ്റ് രശ്മി രവീന്ദ്രന്‍ രാജ്​കുമാറി​​െൻറ കേസിൽ നിയമപരമായ നടപടി ക്രമങ്ങൾ പാലിച്ചില്ലെന്നാണ്​ റിപ്പോര്‍ട്ടില്‍ വിമര്‍ശനം.

രാജ്കുമാറി​നെ ഡോക്​ടറെ കാണിച്ചതി​​െൻറ മെഡിക്കൽ രേഖകൾ മജിസ്​ട്രേറ്റ്​ പരിശോധിച്ചില്ല.വാഹനത്തിലെത്തി രാജ്കുമാറിനെ  പ്രതിയെ പരിശോധിച്ചതിനാൽ ശരീരത്തിലെ അടയാളങ്ങള്‍ കണ്ടെത്താന്‍ കഴിഞ്ഞില്ലെന്നും റിപ്പോർട്ടിൽ പറയുന്നു.  

അറസ്റ്റ് രേഖപ്പെടുത്തി 24 മണിക്കൂറിലധികം കസ്റ്റഡിയില്‍ സൂക്ഷിച്ചശേഷമാണ് മജിസ്‌ട്രേറ്റിന് മുന്നില്‍ ഹാജരാക്കിയത്. എന്നാല്‍ ഇക്കാര്യത്തിൽ മജിസ്​ട്രേറ്റ്​ പൊലീസിനോട്​ വിശദീകരണം ചോദിച്ചില്ലെന്ന​ും സി.ജെ.എം ചൂണ്ടിക്കാട്ടുന്നു. 
മജിസ്​ട്രേറ്റ്​ രശ്മി രവീന്ദ്ര​​െൻറ ഭാഗത്തുനിന്ന് ഇതിനു മുമ്പും സമാന വീഴ്ചയുണ്ടായിട്ടുണ്ടെന്ന്​ ആരോപണമുയർന്നിട്ടുണ്ട്​. 

Loading...
COMMENTS