നെടുമ്പാശ്ശേരി കള്ളനോട്ട്​ കേസ്​; ഒന്നാം പ്രതി കുറ്റക്കാരൻ, മൂന്നുപേരെ വെറുതെ വിട്ടു

കൊച്ചി: നെടുമ്പാശ്ശേരി കള്ളനോട്ട് കേസിൽ വിചാരണ നേരിട്ട ഒന്നാം പ്രതി മലപ്പുറം കാളികാവ് നീലഞ്ചേരി സ്വദേശി ആബിദ് ചുള്ളികുളവൻ കുറ്റക്കാരനാണെന്ന്​ എറണാകുളം പ്രത്യേക എൻ.​െഎ.എ കോടതി കണ്ടെത്തി. ഇന്ത്യൻ ശിക്ഷനിയമം 489 ബി പ്രകാരം കള്ളനോട്ടുകൾ യഥാർഥമെന്ന രീതിയിൽ ഉപയോഗിക്കുക, 489 സി പ്രകാരം കള്ളനോട്ടുകൾ കൈവശം വെക്കുക എന്നീ കുറ്റങ്ങൾ പ്രതി ചെയ്​തതായാണ്​ കണ്ടെത്തിയത്​.

ഇയാൾക്കുള്ള ശിക്ഷ ജഡ്​ജി എം. നന്ദകുമാർ ശനിയാഴ്​ച പ്രഖ്യാപിക്കും. അതേസമയം, കേസിൽ വിചാരണ നേരിട്ട മറ്റ്​ ​മൂന്നുപ്രതികളെ തെളിവുകളുടെ അഭാവത്തിൽ കോടതി വെറുതെവിട്ടു.കൊടുങ്ങല്ലൂർ പെരിഞ്ഞനം പുതുവീട്ടിൽ മുഹമ്മദ് ഹനീഫ, മലപ്പുറം വണ്ടൂർ കരുവാരക്കുണ്ട് നീലഞ്ചേരി തെക്കേതിൽ പൊടി സലാം എന്ന അബ്​ദുൽ സലാം, പുതുച്ചേരി സ്വദേശി ആൻറണി ദാസ് എന്നിവരെയാണ്​ തെളിവില്ലാത്തതിനാൽ വിട്ടയച്ചത്​.

2013 ജനുവരി 26നാണ്​ നെടുമ്പാശ്ശേരി വിമാനത്താവളം വഴി 9,75,000 രൂപയുടെ കള്ളനോട്ടുമായി ആബിദ് ചുള്ളികുളവൻ എത്തിയത്​. കേസിൽ ഒളിവിൽ കഴിയുന്ന മുഖ്യപ്രതിയും ദാവൂദ്​ ഇബ്രാഹിമി​​​​െൻറ വലംകൈയുമായ അഫ്​താബ്​ ബട്​കിയാണ്​ പണം കൈമാറിയതെന്നാണ്​ എൻ.​െഎ.എയുടെ കണ്ടെത്തൽ. എന്നാൽ, ഇയാളെ കണ്ടെത്താൻ എൻ.​െഎ.എക്ക്​ കഴിഞ്ഞിട്ടില്ല.

ഇതോടെ ഇയാളെ ഒഴിവാക്കി മറ്റ്​ പ്രതികൾക്കെതിരെ വിചാരണ നടത്തുകയായിരുന്നു. ഇയാളെ പിടികൂടുന്ന മുറക്ക്​ പിന്നീട്​ വിചാരണ നടക്കും. അഫ്​താബ്​ ബട്​കിയുടെ കേസി​െല പ​േങ്കാടെ നോട്ടുകൾ പാകിസ്​താനിൽ അച്ചടിച്ച്​ ദുബൈയിൽ എത്തിച്ചതാണെന്ന്​ സ്ഥിരീകരിച്ച എൻ.​െഎ.എ നിയമവിരുദ്ധ പ്രവർത്തനം തടയൽ അടക്കമുള്ള കുറ്റങ്ങൾ പ്രതികൾക്കെതിരെ ചുമത്തിയിരുന്നു. എന്നാൽ, സംഭവം നടക്കു​േമ്പാൾ എൻ.​െഎ.എ ആക്​ട്​ നിലവിൽ വന്നിട്ടില്ലെന്ന്​ കണ്ടെത്തിയതിനെത്തുടർന്ന്​ ഹൈകോടതി യു.എ.പി.എ കുറ്റങ്ങൾ എടുത്തുകളഞ്ഞിരുന്നു.

ആദ്യം വിചാരണ നടത്തിയ ജഡ്​ജി സർവിസിൽനിന്ന്​ വിരമിച്ചതിനാൽ വീണ്ടും വിചാരണ നടത്തിയാണ്​ കോടതി വിധി പറഞ്ഞത്​. കേസിൽ പ്രതിസ്ഥാനത്തുണ്ടായിരുന്ന കുഞ്ഞുട്ടി എന്ന കുഞ്ഞുമുഹമ്മദിനെ എൻ.​െഎ.എ നേരത്തേ മാപ്പുസാക്ഷിയാക്കിയിരുന്നു. കുറ്റക്കാരനായി കണ്ടെത്തിയ ആബിദിനെ റിമാൻഡ്​​ ചെയ്​ത്​ കാക്കനാട്​ ജില്ല ജയിലിൽ​ അയച്ചു. ശനിയാഴ്​ച വീണ്ടും ഹാജരാക്കിയാവും ഇയാളുടെ ശിക്ഷ പ്രഖ്യാപിക്കുക.