തീവ്രവാദ ഭീഷണി: നെടു​മ്പാശ്ശേരിയിൽ പരിശോധന കർക്കശമാക്കി

നെടുമ്പാശ്ശേരി: ജെയ്​ഷെ മുഹമ്മദ് എന്ന തീവ്രവാദ സംഘടന വിമാനം തട്ടിക്കൊണ്ടു പോകുമെന്ന് ഭീഷണിമുഴക്കിയ പശ്ചാ ത്തലത്തിൽ കൊച്ചി അന്താരാഷ്​ട്ര വിമാനത്താവളത്തിൽ സുരക്ഷ പരിശോധന കൂടുതൽ കർക്കശമാക്കി. മുംബൈയിലാണ് ഭീഷണിയുയ ർന്നതെങ്കിലും ഡൽഹി, ബംഗളൂരു, നാഗ്പുർ, ഹൈദരാബാദ് എന്നീ വിമാനത്താവളങ്ങളിൽ നിന്നും വിമാനം തട്ടിക്കൊണ്ടു പോകാൻ സാധ്യതയുണ്ടെന്നാണ് ഇൻറലിജൻസ്​ റിപ്പോർട്ട്.

വൈകിയെത്തുന്ന യാത്രക്കാരെ കൂടുതൽ പരിശോധനകൾക്ക് വിധേയമാക്കും. യന്ത്ര സംവിധാനത്തിലെ പരിശോധനകൾക്ക് ശേഷം വീണ്ടും കൈ കൊണ്ടുള്ള ദേഹപരിശോധന നടത്തും. ലഗേജുകളെല്ലാം ശക്തമായ പരിശോധനകൾക്ക് വിധേയമാക്കുന്നുണ്ട്. സ്​ഫോടക വസ്​തുക്കൾ മണത്തറിയുന്ന നായ്​ക്കളും ഇടയ്ക്കിടെ പരിശോധന നടത്തുന്നുണ്ട്. സ്​ത്രീകളെയും കുട്ടിക​െളയും വരെ കർശന പരിശോധനകൾക്ക് വിധേയമാക്കുന്നുണ്ട്.