എ.കെ. ശശീന്ദ്രൻ മന്ത്രിസഭയിൽ തിരിച്ചെത്തും -​ടി.പി. പീതാംബരൻ

കോട്ടയം: എ.കെ. ശശീന്ദ്രൻ മന്ത്രിസഭയിൽ തിരിച്ചെത്തുമെന്ന്​ എൻ.സി.പി സംസ്ഥാന പ്രസിഡൻറ്​ ടി.പി. പീതാംബരൻ. കോടതി അദ്ദേഹത്തെ കുറ്റവിമുക്തനാക്കിയസ്ഥിതിക്ക്  മന്ത്രിയാകുന്നതിന്​ തടസ്സമില്ല. പാർട്ടിയിൽ ഇക്കാര്യത്തിൽ ഭിന്നതയില്ല. എൻ.സി.പി ദേശീയ നേതൃത്വം ഇക്കാര്യം ഉടൻ എൽ.ഡി.എഫിനെ അറിയിക്കുമെന്നും അദ്ദേഹം കോട്ടയത്ത്​ മാധ്യമപ്രവർത്തകരോട്​ പറഞ്ഞു.

ശശീന്ദ്രനെ കുറ്റവിമുക്തനാക്കിയതിൽ സന്തോഷമുണ്ട്​. സംസ്ഥാനനേതൃത്വം ഇക്കാര്യങ്ങൾ ശരത്​ പവാർ അടക്കമുള്ള ദേശീയ നേതാക്കളെ അറിയിക്കും. ഞായറാഴ്​ച ഇവരുമായി കൂടിക്കാഴ്​ച നടത്തും. തുടർന്ന്​ ഒൗദ്യോഗികമായി മുഖ്യമന്ത്രി പിണറായി വിജയനെയും എൽ.ഡി.എഫ്​ നേതൃത്വത്തെയും അറിയിക്കും. പാർട്ടിക്കുള്ളിൽ ഇക്കാര്യത്തിൽ അഭിപ്രായവ്യത്യാസമില്ല. ആദ്യം കുറ്റവിമുക്തനാകുന്നയാൾ മന്ത്രിയാകുമെന്ന്​ നേര​േത്ത പാർട്ടി പ്രഖ്യാപിച്ചിരുന്നതാണ്​. അതിനാൽ  ആശയക്കുഴപ്പത്തിന്​ സ്ഥാനമില്ല. ഊഴം ​െവച്ച് മന്ത്രിപദവി വീതം െവക്കുന്നത്​ തൽക്കാലം പരിഗണനയിലില്ലെന്നും അദ്ദേഹം വ്യക്തമാക്കി.