എൻ.സി.പി പിളർപ്പിലേക്ക്​; കാപ്പൻ പാലായിൽ യു.ഡി.എഫ്​ സ്ഥാനാർഥിയാകും

കോട്ടയം: പാലാസീറ്റിനെ ചൊല്ലിയുള്ള തർക്കത്തിൽ എൻ.സി.പി പിളർപ്പിലേക്ക്​. എൻ.സി.പി നേതാവ്​ പ്രഫുൽ ​പ​േട്ടലുമായി നടത്തിയ ഫോൺ സംഭാഷണത്തിൽ പാലാ നൽകില്ലെന്നും കുട്ടനാട്ടിൽ മത്സരിക്കാമെന്നും മുഖ്യമന്ത്രി പിണറായി വിജയൻ നിലപാട്​ അറിയിച്ചിരുന്നു. ഇതോടെയാണ്​ മാണി സി. കാപ്പൻ, ടി.പി പീതാംബരൻ മാസ്റ്റർ എന്നിവരടക്കമുള്ളവർ ഇടത്​ മുന്നണി വിടാനുള്ള സാധ്യതയേറിയത്​. അതേ സമയം എ.കെ ശശീന്ദ്രൻ വിഭാഗം ഇടത്​ മുന്നണിൽ തുട​രും. ഞായറാഴ്ച രമേശ് ചെന്നിത്തലയുടെ ഐശ്വര്യ കേരള യാത്ര കോട്ടയത്തെത്തുമ്പോള്‍ വേദി പങ്കിടാന്‍ എന്‍.സി.പി നേതാക്കളുമുണ്ടാകും എന്നാണ്​ കരുതുന്നത്​.

വിഷയത്തിലുള്ള അന്തിമ തീരുമാനം ഇന്ന്​ ശരത്​ പവാറുമായുള്ള ചർച്ചക്ക്​ ശേഷം മാണി സി കാപ്പൻ പ്രഖ്യാപിക്കും. കെ.എം മാണിയുടെ മരണശേഷം 2019ൽ നടന്ന ഉപതെരഞ്ഞെടുപ്പിൽ യു.ഡി.എഫ്​ സ്ഥാനാർഥിയായിരുന്ന ​ജോസ്​ ടോമിനെ 2943 വോട്ടിനാണ്​ മാണി.സി.കാപ്പൻ പരാജയപ്പെടുത്തിയത്​. അന്ന്​ കേരള കോൺഗ്രസ്​ യു.ഡി.എഫിനൊപ്പമായിരുന്നു. മണ്ഡലത്തിൽ ദീർഘകാലമായി മത്സരിക്കുന്ന കാപ്പൻ തന്‍റെ വ്യക്തി ബന്ധങ്ങളുടെയും കോൺഗ്രസ്​ വോട്ടുകളുടെയും ബലത്തിൽ പാലായിൽ നിന്നും ജയിച്ചുകയറാമെന്നാണ്​ ​പ്രതീക്ഷിക്കുന്നത്​.