നാവികസേന സ്വയം നവീകരിക്കണം-​ രാഷ്ട്രപതി

കൊ​ച്ചി: നാ​വി​ക​സേ​ന സാ​ങ്കേ​തി​ക മു​ന്നേ​റ്റ​ങ്ങ​ളെ അ​റി​യു​ന്ന​തി​നൊ​പ്പം സ​മു​ദ്ര​മേ​ഖ​ല​യി​ലെ ച​ല​നാ​ത്മ​ക​ത​ മ​ന​സ്സി​ലാ​ക്കി സ്വ​യം ന​വീ​ക​രി​ക്ക​ണ​മെ​ന്ന്​ രാ​ഷ്ട്ര​പ​തി ദ്രൗ​പ​ദി മു​ർ​മു. നാ​വി​ക​സേ​ന​യു​ടെ പ​രി​ശീ​ല​ന കേ​ന്ദ്ര​മാ​യ ഐ.​എ​ൻ.​എ​സ്​ ദ്രോ​ണാ​ചാ​ര്യ​ക്ക്​ പ്ര​സി​ഡ​ന്‍റ്​​​സ് ക​ള​ര്‍ (പ്ര​ത്യേ​ക നാ​വി​ക പ​താ​ക) ബ​ഹു​മ​തി സ​മ്മാ​നി​ച്ച്​ സം​സാ​രി​ക്കു​ക​യാ​യി​രു​ന്നു അ​വ​ർ. മൂ​ന്ന്​ ദി​വ​സ​ത്തെ സ​ന്ദ​ർ​ശ​ന​ത്തി​ന്​ കേ​ര​ള​ത്തി​ലെ​ത്തി​യ രാ​ഷ്​​ട്ര​പ​തി, ഫോ​ർ​ട്ട്​​കൊ​ച്ചി​യി​ലെ നാ​വി​ക കേന്ദ്രത്തിൽ ന​ട​ന്ന ച​ട​ങ്ങി​ലാ​ണ്​ പ്ര​സി​ഡ​ന്‍റ്​​സ്​​ ക​ള​ർ സ​മ്മാ​നി​ച്ച​ത്.

ലെ​ഫ്റ്റ​ന​ന്‍റ്​ ക​മാ​ൻ​ഡ​ന്‍റ്​ ദീ​പ​ക് സ്ക​റി​യ ബ​ഹു​മ​തി ഏ​റ്റു​വാ​ങ്ങി. യു​ദ്ധ​ത്തി​ലും സ​മാ​ധാ​ന​ത്തി​ലും രാ​ജ്യ​ത്തി​ന് ന​ൽ​കി​യ അ​സാ​ധാ​ര​ണ സേ​വ​ന​ത്തി​നു​ള്ള അം​ഗീ​കാ​ര​മാ​ണി​തെ​ന്ന്​ അ​വ​ർ പ​റ​ഞ്ഞു. സം​സ്ഥാ​ന​ത്ത്​ ആ​ദ്യ സ​ന്ദ​ര്‍ശ​ന​ത്തി​നെ​ത്തി​യ രാ​ഷ്ട്ര​പ​തി ദ്രൗ​പ​ദി മു​ര്‍മു​വി​ന് ഉ​ജ്ജ്വ​ല സ്വീ​ക​ര​ണ​മാ​ണ്​ ന​ൽ​കി​യ​ത്.

ഉ​ച്ച​ക്ക്​ 1.45ന്​ ​നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ലെ​ത്തി​യ രാ​ഷ്​​ട്ര​പ​തി​യെ ഗ​വ​ര്‍ണ​ര്‍ ആ​രി​ഫ് മു​ഹ​മ്മ​ദ് ഖാ​ന്‍, മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ എ​ന്നി​വ​ര​ട​ങ്ങി​യ സം​ഘം സ്വീ​ക​രി​ച്ചു. തു​ട​ർ​ന്ന്​ ​ ത​ദ്ദേ​ശീ​യ​മാ​യി നി​ര്‍മി​ച്ച ആ​ദ്യ വി​മാ​ന​വാ​ഹി​നി ക​പ്പ​ല്‍ ഐ.​എ​ന്‍.​എ​സ് വി​ക്രാ​ന്ത് സ​ന്ദ​ർ​ശി​ച്ചു. വി​ക്രാ​ന്ത് യാ​ഥാ​ർ​ഥ്യ​മാ​ക്കു​ന്ന​തി​ൽ സ​ഹ​ക​രി​ച്ച എ​ല്ലാ​വ​രെ​യും അ​ഭി​ന​ന്ദി​ക്കു​ന്ന​താ​യി രാ​ഷ്ട്ര​പ​തി പ​റ​ഞ്ഞു. ഐ.​എ​ന്‍.​എ​സ് ദ്രോ​ണാ​ചാ​ര്യ​യി​ൽ ​ തു​റ​ന്ന​വാ​ഹ​ന​ത്തി​ൽ സ​ഞ്ച​രി​ച്ച്​ നാ​വി​ക​സേ​ന​യു​ടെ ഗാ​ർ​ഡ് ഓ​ഫ് ഓ​ണ​റും രാ​ഷ്ട്ര​പ​തി സ്വീ​ക​രി​ച്ചു.

പ്ര​സി​ഡ​ന്‍റ്​​സ് ക​ള​ര്‍ ബ​ഹു​മ​തി സ​മ്മാ​നി​ക്കു​ന്ന​തി​നോ​ട​നു​ബ​ന്ധി​ച്ച് ത​പാ​ൽ വ​കു​പ്പ് ത​യാ​റാ​ക്കി​യ സ്പെ​ഷ​ൽ ക​വ​ർ രാ​ഷ്ട്ര​പ​തി പു​റ​ത്തി​റ​ക്കി. ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ, മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, നാ​വി​ക​സേ​ന മേ​ധാ​വി അ​ഡ്മി​റ​ൽ ആ​ർ. ഹ​രി​കു​മാ​ർ എ​ന്നി​വ​ർ ച​ട​ങ്ങി​ൽ സം​ബ​ന്ധി​ച്ചു.