Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightനാട്ടുകാർ മന്തി...

നാട്ടുകാർ മന്തി കഴിക്കും; അനീസിന് ജീവിതം നൽകാൻ

text_fields
bookmark_border
നാട്ടുകാർ മന്തി കഴിക്കും; അനീസിന് ജീവിതം നൽകാൻ
cancel
camera_alt

 മുഹമ്മദ് അനീസ്

കരുവാരകുണ്ട്: 24കാരന് ജീവിതം തിരികെ നൽകാൻ 360ഓളം കുടുംബങ്ങൾ ശനിയാഴ്​ച സ്നേഹച്ചെമ്പിൽ വെന്ത മന്തി വിളമ്പും. അരിമണൽ ഉലുവാൻ മുഹമ്മദ് അനീസി​െൻറ വൃക്ക മാറ്റിവെക്കൽ ചികിത്സക്ക് പണം കണ്ടെത്താനാണ് വിദ്യാർഥി കൂട്ടായ്മ അറേബ്യൻ വിഭവമായ ചിക്കൻ മന്തി വീടുകളിലെ തീൻമേശകളിലെത്തിക്കുന്നത്.

അരിമണൽ ചെമ്മലപ്പടിയിലെ ഉലുവാൻ അശ്റഫി​െൻറ മകൻ അനീസി​െൻറ ഒരു വൃക്ക പതിനാലാം വയസ്സിൽ തകരാറിലായിരുന്നു. മൂത്രാശയ രോഗം വന്നതോടെ ഇപ്പോൾ രണ്ടാമത്തേതും പ്രവർത്തനരഹിതമായി.

തലചായ്ക്കാൻ സുരക്ഷിതമായ വീടുപോലുമില്ലാത്ത കൂലിവേലക്കാരനായ അശ്റഫി​െൻറ കുടുംബത്തിന് ചികിത്സക്കു വേണ്ട കാൽക്കോടി രൂപ സ്വപ്നം മാത്രമാണ്. ഇതിനായി ഗ്രാമപഞ്ചായത്ത് അംഗം കുര്യച്ചൻ ഫ്രാൻസിസ് ചെയർമാനും മഠത്തിൽ അംജദ് കൺവീനറുമായി ജനകീയ ചികിത്സ സമിതി ഉണ്ടാക്കിയിരിക്കുകയാണ് നാട്ടുകാർ.

ഈ ഫണ്ടിലേക്ക് തുക കണ്ടെത്താൻ എം.എസ്.എഫ് പഞ്ചായത്ത് കമ്മിറ്റിയാണ് 'സ്നേഹച്ചെമ്പ്' എന്ന പേരിൽ മന്തിച്ചോറ് ഉണ്ടാക്കി ചെറിയ വില നിശ്ചയിച്ച് വീടുകളിലെത്തിച്ച് നൽകുന്നത്.

രണ്ട് ലക്ഷം രൂപയെങ്കിലും കണ്ടെത്തലാണ് ലക്ഷ്യമെന്ന് പ്രസിഡൻറ്​ ആദിൽ ജഹാൻ പറഞ്ഞു. സമിതിയുടെ പേരിൽ ഫെഡറൽ ബാങ്ക് കരുവാരകുണ്ട് ശാഖയിൽ അക്കൗണ്ട് തുടങ്ങിയിട്ടുണ്ട്. അക്കൗണ്ട്​ നമ്പർ:16300100114624. ഐ.എഫ്​.എസ്​ കോഡ്​: FDRL0001630. ഫോൺ: 9446 294 413.na

Show Full Article
TAGS:muhammed anees kidney transplantation mandhi challenge 
Next Story