Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഡോ. വന്ദനയുടെ...

ഡോ. വന്ദനയുടെ കൊലപാതകം: അന്വേഷണം തൃപ്തികരമല്ല -ദേശീയ വനിത കമീഷൻ

text_fields
bookmark_border
Dr vandana
cancel
camera_alt

പ്രതി സന്ദീപ്, ഡോ. വന്ദന ദാസ്

കൊച്ചി: കൊട്ടാരക്കര താലൂക്ക് ആശുപത്രിയിൽ ഡോ. വന്ദന ദാസ് കൊല്ലപ്പെട്ട സംഭവത്തിൽ പൊലീസിനെയടക്കം രൂക്ഷമായി വിമർശിച്ച് ദേശീയ വനിത കമീഷൻ അധ്യക്ഷ രേഖ ശർമ. പൊലീസും വന്ദനയുടെ സഹപ്രവർത്തകരും ആശുപത്രിയിലുണ്ടായിരുന്നവരുമെല്ലാം നിഷ്​ക്രിയരായതാണ്​ ഒഴിവാക്കാമായിരുന്ന ദുരന്തം സംഭവിക്കാൻ കാരണമെന്ന് രേഖ ശർമ വിമർശിച്ചു.

വന്ദനയെ രക്ഷിക്കാൻ ഒരുശ്രമവും ആരുടെയും ഭാഗത്തുനിന്നും ഉണ്ടായില്ല. നിലവിലെ അന്വേഷണത്തിൽ തൃപ്തിയി​ല്ലെന്ന്​ ഡോ. വന്ദനയുടെ മാതാപിതാക്കൾ വ്യക്​തമാക്കിയിട്ടുണ്ട്​. സി.ബി.ഐ അന്വേഷണമാണ്​ അവർ ആവശ്യപ്പെടുന്നതെന്ന്​ രേഖ ശർമ വാർത്ത സമ്മേളനത്തിൽ പറഞ്ഞു. വന്ദനയുടെ മാതാപിതാക്കളെ സന്ദർശിച്ച ശേഷമാണ്​ ​ദേശീയ വനിത കമീഷൻ അധ്യക്ഷ കൊച്ചിയിലെത്തിയത്​.

പൊലീസിന്‍റെയും ആശുപത്രി അധികൃതരുടെയും വിശദീകരണങ്ങൾ തൃപ്തികരമല്ല. ശരാശരി ശാരീരികക്ഷമതയുള്ള രണ്ടുപേർക്ക്​ നിസ്സാരമായി കീഴ്​പ്പെടുത്താമായിരുന്ന പരിക്കേറ്റ്​ നടക്കാൻ ബുദ്ധിമുട്ടുന്ന ഒരാളാണ്​ കുറ്റകൃത്യം ചെയ്തത്​. കൃത്യം നടത്തിയശേഷം പോലും അയാളെ കീഴ്​പ്പെടുത്താൻ ശ്രമമുണ്ടായില്ല​. അവിടെ വന്ദനക്ക്​ പ്രാഥമിക ശുശ്രൂഷ പോലും നൽകിയില്ല. രണ്ടുകിലോമീറ്റർ അപ്പുറമുള്ള ആശുപത്രിയിലേക്ക്​ കൊണ്ടുപോകുകയാണ്​ ചെയ്തത്​. തുടർന്ന്​ തിരുവനന്തപുരത്തേക്കും.

രണ്ടര മണിക്കൂർ യാത്രാദൈർഘ്യമുള്ള അങ്ങോട്ട്​ കൊണ്ടുപോകാൻ ആരാണ്​ തീരുമാനമെടുത്തത്​. മാതാപിതാക്ക​ളെ വിവരം അറിയിക്കുകയും ചെയ്തില്ല. ഒരു ജീവൻ നഷ്ടമായ ശേഷമായിരുന്നില്ല ക്രിമിനൽ കേസ്​ പ്രതികളുടെ പരിശോധനക്ക്​ പ്രോട്ടോകോൾ കൊണ്ടുവരുന്ന കാര്യം സർക്കാർ ആലോചിക്കേണ്ടിയിരുന്നത്​. ഒരു കോടി നഷ്ടപരിഹാരം ആവശ്യപ്പെട്ടെന്ന രീതിയിൽ വ്യാജ വാർത്തകൾ പ്രചരിക്കുന്നത്​ വന്ദനയുടെ കുടുംബത്തെ വേദനിപ്പിക്കുന്നുണ്ടെന്നും രേഖ ശർമ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Womens CommissionDr Vandana das murder
News Summary - National Womens Commissin about Dr Vandana Murder
Next Story