Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകേരളത്തിൽ നടക്കുന്നത്​ ...

കേരളത്തിൽ നടക്കുന്നത്​ ലവ്​ ജിഹാദല്ല, നിർബന്ധിത മതംമാറ്റം -ദേശീയ വനിത കമീഷൻ അധ്യക്ഷ

text_fields
bookmark_border
കേരളത്തിൽ നടക്കുന്നത്​ ലവ്​ ജിഹാദല്ല, നിർബന്ധിത മതംമാറ്റം -ദേശീയ വനിത കമീഷൻ അധ്യക്ഷ
cancel

വൈക്കം: കേരളത്തിൽ നടക്കുന്നത്​ ലവ്​ ജിഹാദല്ലെന്നും നിർബന്ധിത മതപരിവർത്തനമാണെന്നും ദേശീയ വനിത കമീഷൻ അധ്യക്ഷ രേഖ ശർമ. മതംമാറി വിവാഹം കഴിച്ചതിനെത്തുടർന്ന്​ വീട്ടുതടങ്കലിൽ കഴിയുന്ന ഹാദിയയെ ​ൈവക്കത്തെ വസതിയിൽ സന്ദർശിച്ച ശേഷം മാധ്യമങ്ങളോട്​ സംസാരിക്കുകയായിരുന്നു അവർ. വിഷയം സുപ്രീംകോടതിയുടെ പരിഗണനയിലായതിനാൽ ഇതുസംബന്ധിച്ച്​ കൂടുതൽ കാര്യങ്ങൾ പറയുന്നില്ല. ഹാദിയ വീട്ടിൽ സുരക്ഷിതയാണ്​. ഒരു സുരക്ഷാഭീഷണിയും നേരിടുന്നില്ല. ഇപ്പോൾ സ​േന്താഷവതിയാണ്​. ഇൗമാസം 27ന്​ സുപ്രീം കോടതിയിൽ പോകാനുള്ള തയാറെടുപ്പിലാണ്​ ഹാദിയയെന്നും രേഖ ശർമ പറഞ്ഞു. ഹാദിയക്ക്​ നൽകാൻ ബൊക്കെയുമായാണ്​ അവർ എത്തിയത്​. സന്ദർശനവേളയിൽ മൊബൈലിൽ എടുത്ത ഹാദിയയുടെ ചിത്രവും അവർ മാധ്യമങ്ങളെ കാണിച്ചു. ഹാദിയ വിഷയത്തിൽ മനുഷ്യാവകാശ ലംഘനങ്ങളൊന്നും നടക്കുന്നില്ല. ഹാദിയയുടെ നിലപാട്​ സംബന്ധിച്ച കാര്യങ്ങളൊന്നും ചർച്ച ചെയ്​തില്ലെന്നും കോടതിയിൽ ഹാദിയ സ്വന്തം നിലപാട്​ വ്യക്തമാക്കുമെന്നും അവർ അറിയിച്ചു. 

ഹാദിയ സംഭവത്തിന്​ സമാനമായ മറ്റ്​ കേസുകളും പരാതികളും കേരളത്തിലുണ്ട്​. അവരെയും രക്ഷിതാക്കളെയും കാണും.​ െഎ.എസ്​ കെണിയിൽ കുടുങ്ങി സിറിയയിലേക്ക്​ പോയെന്ന്​ കരുതുന്ന നിമിഷ ഫാത്തിമയുടെ മാതാവിനെയും കാണുന്നുണ്ട്​. എന്നാൽ, വിവാദ മതപരിവർത്തന കേന്ദ്രങ്ങൾ സന്ദർശിക്കില്ല. ചൊവ്വാഴ്​ച​ അവർ കോഴിക്കോട്ട്​ സന്ദർശിക്കും. ബുധനാഴ്​ച തിരുവനന്തപുരത്തും എത്തും. അന്ന്​ സംസ്ഥാന പൊലീസ്​ മേധാവിയുമായും കൂടിക്കാഴ്​ച നടത്തും. അതിനു​ ശേഷം വ്യക്തമായ റിപ്പോർട്ട്​ സമർപ്പിക്കും. ഒരുമണിക്കൂറോളം നീണ്ട സന്ദർശനത്തിനിടെ 40 മിനിറ്റിലധികം അവർ ഹാദിയയുമായി സംസാരിച്ചു. ആദ്യം വീടിനടുത്തുള്ള ഹാദിയയുടെ ബന്ധുവീട്ടിൽ എത്തി മാതാപിതാക്കളുമായി ചർച്ചനടത്തിയ ശേഷമാണ്​ ഹാദിയയുടെ അടുക്കലേക്ക്​ രേഖ ശർമ എത്തിയത്​. മാധ്യമ പ്രവർത്തകർക്ക്​ പ്രവേശനം അനുവദിച്ചിരുന്നില്ല. വൈക്കം ഡിവൈ.എസ്​.പിയുടെ നേതൃത്വത്തിൽ പൊലീസ്​ വൻസു​രക്ഷയൊരുക്കിയിരുന്നു.


 

Show Full Article
TAGS:hadiya national womens commission Rekha sharma kerala news malayalam news 
News Summary - National womens commision-Kerala news
Next Story