വിദ്വേഷം ലോകത്തെ അറിയിക്കുന്നവർ അറസ്‌റ്റിലാകുന്ന കാലം -റാണ അയൂബ്

തിരുവനന്തപുരം: വിദ്വേഷ പ്രസംഗം നടത്തുന്നവരെയല്ല അത്തരം സംഭവങ്ങൾ ലോകത്തെ അറിയിക്കുന്നവരെ അറസ്‌റ്റ്‌ ചെയ്യുന്ന കാലത്താണ്‌ നാം ജീവിക്കുന്നതെന്ന്‌ മാധ്യമപ്രവർത്തക റാണ അയൂബ്‌. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് സംസ്‌ഥാന പത്രപ്രവർത്തക യൂനിയന്റെ സഹകരണത്തോടെ സംഘടിപ്പിച്ച ദേശീയ വനിത മാധ്യമപ്രവർത്തക കോൺക്ലേവിലെ ചാറ്റ്‌ സെഷനിൽ സംസാരിക്കുകയായിരുന്നു അവർ.

ഗുജറാത്ത് കലാപത്തിന്റെ പിന്നാമ്പുറങ്ങൾ വ്യക്തമാക്കുന്ന തന്റെ പുസ്തകമായ ‘ഗുജറാത്ത് ഫയൽസ്; അനാട്ടമി ഓഫ് എ കവർ അപ്പി’ന്റെ രചനയുമായി ബന്ധപ്പെട്ട് താൻ കടന്നുപോയ ഭയംനിറഞ്ഞ നാളുകളെകുറിച്ച് അവർ വിവരിച്ചു. മുസ്ലിമായതിന്റെ പേരിൽ നിരവധി തവണ പരിശോധനകൾക്ക്‌ വിധേയയായി.

കഴിഞ്ഞ വർഷം മണിപ്പൂരിൽ പോയപ്പോൾ ഇന്റലിജൻസ്‌ ബ്യൂറോ ഉദ്യോഗസ്‌ഥർ നിഴൽപോലെ എന്റെ പിന്നാലെയുണ്ടായിരുന്നു. ഒടുവിൽ പാഡ്‌ മാറ്റണമെന്ന്‌ പറഞ്ഞപ്പോഴാണ്‌ റെസ്‌റ്റ്‌ റൂമിന്‌ മുന്നിൽനിന്ന്‌ മാറാൻ അവർ തയാറായത്‌. മുസ്ലിം ആയതിൽ അഭിമാനിക്കുന്നു. അത്‌ എങ്ങനെയാണ്‌ തന്റെ ജോലിയെ ബാധിക്കുകയെന്ന്‌ മനസ്സിലാകുന്നില്ല. തന്റെ ദേശീയത എന്നും ചോദ്യചിഹ്‌നമാണ്‌. അന്വേഷണാത്മക മാധ്യമപ്രവര്‍ത്തനത്തിലേക്ക് കൂടുതല്‍ വനിത മാധ്യമപ്രവര്‍ത്തകര്‍ കടന്നുവരണമെന്നും അവർ കൂട്ടിച്ചേർത്തു. ദ ഹിന്ദു ദിനപത്രം ഡെപ്യൂട്ടി എഡിറ്റർ സരസ്വതി നാഗരാജൻ ചാറ്റ് സെഷന്‍ നയിച്ചു.

നി​ർ​ഭ​യ മാ​ധ്യ​മ​പ്ര​വ​ർ​ത്ത​നം അ​ന്യ​മാ​കു​ന്നു –അ​നി​ത പ്ര​താ​പ്

തി​രു​വ​ന​ന്ത​പു​രം: സ്വ​ത​ന്ത്ര​വും നി​ർ​ഭ​യ​വു​മാ​യ മാ​ധ്യ​മ​പ്ര​വ​ർ​ത്ത​നം അ​പ​ക​ട​ക​ര​മാ​യ കാ​ല​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​തെ​ന്ന് മാ​ധ്യ​മ​പ്ര​വ​ർ​ത്ത​ക അ​നി​ത പ്ര​താ​പ്. കോ​ർ​പ​റേ​റ്റ്‌ വ​ത്‌​ക​ര​ണം വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ൽ സ്വ​ത​ന്ത്ര മാ​ധ്യ​മ​പ്ര​വ​ർ​ത്ത​ന​ത്തി​ന് അ​തി​ജീ​വി​ക്കാ​നാ​വി​ല്ല. അ​ധി​കാ​ര​വും സ​മ്പ​ത്തും ഒ​ന്നി​ക്കു​മ്പോ​ൾ നി​ർ​ഭ​യ മാ​ധ്യ​മ​പ്ര​വ​ർ​ത്ത​നം സാ​ധ്യ​മാ​കി​ല്ലെ​ന്നും അ​വ​ർ കൂ​ട്ടി​ച്ചേ​ർ​ത്തു. പി.​ആ​ർ.​ഡി​യും കെ.​യു.​ഡ​ബ്ല്യു.​ജെ​യും സം​യു​ക്‌​ത​മാ​യി സം​ഘ​ടി​പ്പി​ച്ച ദേ​ശീ​യ വ​നി​ത മാ​ധ്യ​മ​പ്ര​വ​ർ​ത്ത​ക കോ​ൺ​ക്ലേ​വി​ലെ ചാ​റ്റ് സെ​ഷ​നി​ൽ സം​സാ​രി​ക്കു​ക​യാ​യി​രു​ന്നു അ​വ​ർ.

ദേശീയ വനിത മാധ്യമ പ്രവർത്തക കോൺക്ലേവിൽ നടന്ന ചാറ്റ് സെഷനിൽ മാധ്യമ പ്രവർത്തക റാണ അയൂബ് സംസാരിക്കുന്നു