നുവാൽസിലെ നിയമനം പി.എസ്​.സിക്ക്​ വിട്ടത്​ പിൻവലിക്കും; കരട്​ ഭേദഗതി ഓർഡിനൻസിന്​ മന്ത്രിസഭ അംഗീകാരം

തി​രു​വ​ന​ന്ത​പു​രം: കൊ​ച്ചി​യി​ലെ നാ​ഷ​ന​ൽ യൂ​നി​വേ​ഴ്​​സി​റ്റി ഓ​ഫ്​ അ​ഡ്വാ​ൻ​സ്​​ഡ്​ ലീ​ഗ​ൽ സ്റ്റ​ഡീ​സി​ലെ (നു​വാ​ൽ​സ്) അ​ന​ധ്യാ​പ​ക നി​യ​മ​ന​ങ്ങ​ൾ പി.​എ​സ്.​സി​ക്ക്​ വി​ട്ട​ത്​ പി​ൻ​വ​ലി​ക്കാ​ൻ മ​ന്ത്രി​സ​ഭ തീ​രു​മാ​നം. ഇ​തി​നാ​യി 2016ലെ ​കേ​ര​ള പ​ബ്ലി​ക് സ​ർ​വി​സ് ക​മീ​ഷ​ന്‍ (സ​ർ​വ​ക​ലാ​ശാ​ല​ക​ളു​ടെ കീ​ഴി​ലു​ള്ള സ​ർ​വി​സു​ക​ളെ സം​ബ​ന്ധി​ച്ച കൂ​ടു​ത​ല്‍ ചു​മ​ത​ല​ക​ള്‍) ആ​ക്ടി​ന്‍റെ പ​രി​ധി​യി​ല്‍ ഉ​ള്‍പ്പെ​ട്ടി​രു​ന്ന നു​വാ​ൽ​സി​നെ ആ​ക്ടി​ന്‍റെ പ​രി​ധി​യി​ല്‍നി​ന്ന് ഒ​ഴി​വാ​ക്കു​ന്ന​തി​നു​ള്ള ഭേ​ദ​ഗ​തി ഓ​ര്‍ഡി​ന​ന്‍സി​ന്‍റെ ക​ര​ടി​ന്​ മ​ന്ത്രി​സ​ഭ യോ​ഗം അം​ഗീ​കാ​രം ന​ൽ​കി.

ഓ​ര്‍ഡി​ന​ന്‍സ് വി​ളം​ബ​ര​പ്പെ​ടു​ത്താ​ന്‍ ഗ​വ​ര്‍ണ​റോ​ട് ശി​പാ​ര്‍ശ ചെ​യ്യാ​നും തീ​രു​മാ​നി​ച്ചു. ഇ​ത​ര സ​ർ​വ​ക​ലാ​ശാ​ല​ക​ളി​ലെ അ​ന​ധ്യാ​പ​ക നി​യ​മ​നം പി.​എ​സ്.​സി​ക്ക്​ വി​ടാ​ൻ കൊ​ണ്ടു​വ​ന്ന നി​യ​മ​ത്തി​ന്‍റെ പ​രി​ധി​യി​ൽ നി​യ​മ സ​ർ​വ​ക​ലാ​ശാ​ല​യാ​യ നു​വാ​ൽ​സി​നെ ഉ​ൾ​പ്പെ​ടു​ത്തി​യ​ത്​ സം​ബ​ന്ധി​ച്ച്​ നേ​ര​ത്തെ ത​ന്നെ പ​രാ​തി ഉ​യ​ർ​ന്നി​രു​ന്നു.

സ്വാ​ശ്ര​യ സ്വ​ഭാ​വ​ത്തി​ൽ പ്ര​വ​ർ​ത്തി​ക്കു​ന്ന നു​വാ​ൽ​സി​ൽ ഇ​ത​ര സ​ർ​വ​ക​ലാ​ശാ​ല​ക​ളു​ടെ രീ​തി​യി​ല​ല്ല ജീ​വ​ന​ക്കാ​രു​ടെ നി​യ​മ​നം. ക​രാ​ർ സ്വ​ഭാ​വ​ത്തി​ൽ നി​യ​മ​നം ന​ട​ത്തു​ന്ന ജീ​വ​ന​ക്കാ​ർ​ക്ക്​ പെ​ൻ​ഷ​ൻ ഉ​ൾ​പ്പെ​ടെ​യു​ള്ള ആ​നു​കൂ​ല്യ​ങ്ങ​ളു​മി​ല്ല. മ​റ്റ്​ സ​ർ​വ​ക​ലാ​ശാ​ല​ക​ളി​ലെ ജീ​വ​ന​ക്കാ​ർ​ക്ക്​ ബാ​ധ​ക​മാ​യ ശ​മ്പ​ള സ്​​കെ​യി​ലും സേ​വ​ന-​വേ​ത​ന വ്യ​വ​സ്ഥ​ക​ളും നു​വാ​ൽ​സി​ൽ ബാ​ധ​ക​മ​ല്ല. ഈ ​സാ​ഹ​ച​ര്യ​ത്തി​ൽ പി.​എ​സ്.​സി റാ​ങ്ക്​ പ​ട്ടി​ക വ​ഴി നി​യ​മി​ക്ക​പ്പെ​ടു​ന്ന ജീ​വ​ന​ക്കാ​ർ​ക്ക് അ​ർ​ഹ​ത​പ്പെ​ട്ട ശ​മ്പ​ള​വും​ പെ​ൻ​ഷ​ൻ ഉ​ൾ​പ്പെ​ടെ​യു​ള്ള ആ​നു​കൂ​ല്യ​ങ്ങ​ളും ല​ഭി​ക്കാ​ത്ത സാ​ഹ​ച​ര്യ​മാ​ണ്.

നി​ല​വി​ൽ പി.​എ​സ്.​സി റാ​ങ്ക്​ പ​ട്ടി​ക വ​ഴി നി​യ​മി​ക്ക​പ്പെ​ട്ട ഏ​ഴ്​ അ​സി​സ്റ്റ​ന്‍റു​മാ​ർ നു​വാ​ൽ​സി​ൽ ജോ​ലി ചെ​യ്യു​ന്നു​ണ്ട്. ഇ​വ​ർ ഉ​ൾ​പ്പെ​ടെ​യു​ള്ള ജീ​വ​ന​ക്കാ​രും സ​ർ​വ​ക​ലാ​ശാ​ല ര​ജി​സ്​​ട്രാ​റും ഇ​ക്കാ​ര്യം സ​ർ​ക്കാ​റി​നെ അ​റി​യി​ച്ചി​രു​ന്നു. ഈ ​സാ​ഹ​ച​ര്യ​ത്തി​ലാ​ണ് നി​യ​മ​വ​കു​പ്പി​ന്‍റെ ഉ​ൾ​പ്പെ​ടെ അ​ഭി​പ്രാ​യം തേ​ടി, സ​ർ​വ​ക​ലാ​ശാ​ല​ നി​യ​മ​ന​ങ്ങ​ൾ പി.​എ​സ്.​സി​ക്ക്​ വി​ടാ​ൻ വ്യ​വ​സ്ഥ ചെ​യ്യു​ന്ന നി​യ​മ​ത്തി​ന്‍റെ പ​രി​ധി​യി​ൽ​നി​ന്ന്​ നു​വാ​ൽ​സി​നെ ഒ​ഴി​വാ​ക്കാ​ൻ ഭേ​ദ​ഗ​തി ഓ​ർ​ഡി​ന​ൻ​സ്​ പു​റ​പ്പെ​ടു​വി​ക്കാ​ൻ മ​ന്ത്രി​സ​ഭ തീ​രു​മാ​നി​ച്ച​ത്. പി.​എ​സ്.​സി വ​ഴി നു​വാ​ൽ​സി​ൽ നി​യ​മ​നം ല​ഭി​ച്ച ജീ​വ​ന​ക്കാ​ർ​ക്ക്​ മ​റ്റ്​ സ​ർ​വ​ക​ലാ​ശാ​ല​ക​ളി​ലേ​ക്ക്​ മാ​റാ​ൻ അ​വ​സ​രം ന​ൽ​കും.