നാഷനൽ ജനതാദൾ രാഷ്ട്രീയ ജനതാദളിൽ ലയിച്ചു

കൊച്ചി: യു.ഡി.എഫ് ഘടകകക്ഷിയായ ഭാരതീയ നാഷനൽ ജനതാദൾ പാർട്ടി രാഷ്ട്രീയ ജനതാദളിൽ ലയിച്ചു. എറണാകുളം ടൗൺഹാളിൽ നടന്ന സമ്മേളനം ആർ.ജെ.ഡി ദേശീയ ജനറൽ സെക്രട്ടറി സന്തോഷ് ജയ്സ്വാൾ ഉദ്ഘാടനം ചെയ്തു. ആർ.ജെ.ഡി ദേശീയ ജനറൽ സെക്രട്ടറി അനു ചാക്കോ ലയനപ്രഖ്യാപനം നടത്തി. ഫാഷിസ്റ്റുകളുമായി സന്ധി ചെയ്യാത്ത പ്രസ്ഥാനമാണ് രാഷ്ട്രീയ ജനതാദൾ എന്ന് അവർ പറഞ്ഞു.

അഡ്വ. ജോൺ ജോൺ അധ്യക്ഷത വഹിച്ചു. ആർ.ജെ.ഡി ദേശീയ സെക്രട്ടറി ആനന്ദ് നായിഡു, വിവിധ സംസ്ഥാന ഘടകങ്ങളുടെ പ്രസിഡന്‍റുമാരായ ജി. യാക്കൂബ് (കർണാടക), വേണുഗോപാൽ തെലാജ്രി(ആന്ധ്രപ്രദേശ്), ഗൗരി ശങ്കർ (തമിഴ്നാട്), ബാലമുരുകൻ (പുതുച്ചേരി), ശോഭാ യാദവ് (തെലങ്കാന), ആർ.ജെ.ഡി സംസ്ഥാന ജനറൽ സെക്രട്ടറി ബിനു പഴയചിറ തുടങ്ങിയവർ സംസാരിച്ചു.