സം​സ്ഥാ​ന​ത്ത് ദേ​ശീ​യ​പാ​ത വി​ക​സ​ന പ്ര​വൃ​ത്തി എ​ണ്ണ​യി​ട്ട യ​ന്ത്രം പോ​ലെ -മ​ന്ത്രി മു​ഹ​മ്മ​ദ് റി​യാ​സ്

വാ​ടാ​ന​പ്പ​ള്ളി: മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ൽ സം​സ്ഥാ​ന​ത്ത് ദേ​ശീ​യ​പാ​ത വി​ക​സ​ന പ്ര​വൃ​ത്തി​ക​ൾ എ​ണ്ണ​യി​ട്ട യ​ന്ത്രം പോ​ലെ​യാ​ണ്​ നീ​ങ്ങു​ന്ന​തെ​ന്ന്​ പൊ​തു​മ​രാ​മ​ത്ത്​ മ​ന്ത്രി പി.​എ. മു​ഹ​മ്മ​ദ് റി​യാ​സ്. ദേ​ശീ​യ​പാ​ത 66ന്‍റെ നി​ർ​മാ​ണ പു​രോ​ഗ​തി വി​ല​യി​രു​ത്താ​നു​ള്ള യാ​ത്ര​യു​ടെ ഭാ​ഗ​മാ​യി വാ​ടാ​ന​പ്പ​ള്ളി​യി​ലെ​ത്തി​യ മ​ന്ത്രി മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു.

മ​ല​യാ​ളി​ക​ളു​ടെ ചി​ര​കാ​ല സ്വ​പ്ന​മാ​ണ് ദേ​ശീ​യ​പാ​ത വി​ക​സ​ന​ത്തി​ലൂ​ടെ പൂ​വ​ണി​യാ​ൻ പോ​കു​ന്ന​ത്. 45 മീ​റ്റ​റി​ൽ ആ​റു​വ​രി​പ്പാ​ത​യാ​ണ് നി​ർ​മി​ക്കു​ന്ന​ത്. 2015ൽ ​അ​ന്ന​ത്തെ സ​ർ​ക്കാ​ർ ഉ​പേ​ക്ഷി​ച്ച പ​ദ്ധ​തി​യാ​ണ്. 2016ൽ ​വ​ന്ന പി​ണ​റാ​യി സ​ർ​ക്കാ​ർ കേ​ന്ദ്ര​വു​മാ​യി ച​ർ​ച്ച ചെ​യ്താ​ണ് ഭൂ​മി ഏ​റ്റെ​ടു​ത്ത് ത​ട​സ്സ​ങ്ങ​ൾ നീ​ക്കി നി​ർ​മാ​ണം ആ​രം​ഭി​ച്ച​ത്. കാ​സ​ർ​കോ​ട് മു​ത​ൽ തി​രു​വ​ന​ന്ത​പു​രം വ​രെ​യു​ള്ള പാ​ത​ക്ക്​ 5600 കോ​ടി രൂ​പ​യാ​ണ് ചെ​ല​വ​ഴി​ക്കു​ന്ന​ത്. നൂ​റോ​ളം യോ​ഗ​ങ്ങ​ൾ ചേ​ർ​ന്നു. അ​ടു​ത്ത ദി​വ​സ​വും മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ൽ യോ​ഗം ചേ​രു​ന്നു​ണ്ട്. 2025 ഓ​ടെ പ​ണി പൂ​ർ​ത്തീ​ക​രി​ക്കാ​നാ​ണ് ല​ക്ഷ്യ​മെ​ന്നും മ​ന്ത്രി പ​റ​ഞ്ഞു.

തൃ​ത്ത​ല്ലൂ​ർ ഏം​ഗ​ൽ​സി​ൽ​നി​ന്ന് പു​തി​യ ഹൈ​വേ വ​ഴി​യാ​ണ് മ​ന്ത്രി കാ​റി​ൽ വാ​ടാ​ന​പ്പ​ള്ളി​യി​ൽ എ​ത്തി​യ​ത്.

മ​ന്ത്രി​യെ സ്വീ​ക​രി​ക്കാ​ൻ മു​ര​ളി പെ​രു​നെ​ല്ലി എം.​എ​ൽ.​എ, വാ​ടാ​ന​പ്പ​ള്ളി പ​ഞ്ചാ​യ​ത്ത് പ്ര​സി​ഡ​ന്‍റ്​ ശാ​ന്തി ഭാ​സി, വൈ​സ് പ്ര​സി​ഡ​ന്‍റ്​ സി.​എം. നി​സാ​ർ, സി.​പി.​എം നാ​ട്ടി​ക ഏ​രി​യ സെ​ക്ര​ട്ട​റി എം.​എ. ഹാ​രീ​സ് ബാ​ബു, ലോ​ക്ക​ൽ സെ​ക്ര​ട്ട​റി സു​രേ​ഷ് മ​ഠ​ത്തി​ൽ, കെ.​എ. വി​ശ്വം​ഭ​ര​ൻ, അ​ഷ​റ​ഫ് വ​ലി​യ​ക​ത്ത് തു​ട​ങ്ങി​യ​വ​ർ എ​ത്തി​യി​രു​ന്നു. മ​ന്ത്രി ത​ളി​ക്കു​ളം ഹൈ​വേ​യും സ​ന്ദ​ർ​ശി​ച്ചു. സി.​സി. മു​കു​ന്ദ​ൻ എം.​എ​ൽ.​എ, ത​ളി​ക്കു​ളം പ​ഞ്ചാ​യ​ത്ത് പ്ര​സി​ഡ​ന്‍റ്​ പി.​ഐ. സ​ജി​ത തു​ട​ങ്ങി​യ​വ​ർ ഉ​ണ്ടാ​യി​രു​ന്നു.