അച്ചു ഉമ്മനെതിരെ സൈബർ അധിക്ഷേപം നടത്തിയ നന്ദകുമാർ ഐ.എച്ച്.ആർ.ഡി ഉദ്യോഗസ്ഥൻ; നടപടി വൈകുന്നതിൽ വിമർശനം

കോ​ട്ട​യം: ഉ​മ്മ​ൻ ചാ​ണ്ടി​യു​ടെ മ​ക​ൾ അ​ച്ചു ഉ​മ്മ​നെ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ വ്യ​ക്തി​ഹ​ത്യ ന​ട​ത്തിയ ഇ​ട​ത് സം​ഘ​ട​നാ പ്ര​വ​ര്‍ത്ത​ക​നും സെ​ക്ര​ട്ടേ​റി​യ​റ്റി​ലെ മു​ന്‍ അ​ഡീ​ഷ​ന​ല്‍ സെ​ക്ര​ട്ട​റി​യു​മാ​യ ന​ന്ദ​കു​മാ​ര്‍ കൊ​ള​ത്താ​പ്പി​ള്ളി നിലവിൽ​ ഐ.എച്ച്.ആർ.ഡി ഉദ്യോഗസ്ഥൻ. ഐ.എച്ച്.ആർ.ഡി അഡ്മിനിസ്ട്രേറ്റീവ് ഓഫീസർ എന്ന ഉന്നത തസ്തികയിലാണ് ന​ന്ദ​കു​മാ​ര്‍ ജോലി ചെയ്യുന്നത്.

സെ​ക്ര​ട്ടേ​റി​യ​റ്റി​ലെ അ​ഡീ​ഷ​ന​ല്‍ സെ​ക്ര​ട്ട​റി​ തസ്തികയിൽ നിന്ന് ഒരു വർഷം മുമ്പ് വിരമിച്ച നന്ദകുമാറിനെ ഒരു മാസം മുമ്പാണ് ഐ.എച്ച്.ആർ.ഡിയിൽ സർക്കാർ നിയമിച്ചത്. സർക്കാർ സർവീസിൽ താൽകാലിക നിയമനമാണെങ്കിലും സർവീസ് ചട്ടങ്ങൾ ന​ന്ദ​കു​മാ​റിനും ബാധകമാണ്.

ഈ സാഹചര്യത്തിൽ വ്യ​ക്തി​ഹ​ത്യ ന​ട​ത്തിയ ന​ന്ദ​കു​മാ​റിനെതിരെ വകുപ്പ് തല നടപടി സർക്കാറിന് സ്വീകരിക്കേണ്ടി വരും.മുൻ മുഖ്യമന്ത്രി വി.എസ് അച്യുതാന്ദന്‍റെ മകൻ ഡോ. വി.എ അരുൺ കുമാറാണ് ഐ.എച്ച്.ആർ.ഡി ഡയറക്ടർ.

സ​മൂ​ഹ​മാ​ധ്യ​മ​ങ്ങ​ളി​ലൂ​ടെ വ്യ​ക്തി​ഹ​ത്യ ന​ട​ത്തു​ന്നു​വെ​ന്ന പ​രാ​തി​യി​ൽ അ​ച്ചു ഉ​മ്മ​ന്‍റെ മൊ​ഴി പൊ​ലീ​സ്​ കഴിഞ്ഞ ദിവസം രേഖപ്പെടുത്തിയിരുന്നു. പോ​സ്റ്റു​ക​ളി​ലെ വാ​ച​ക​ങ്ങ​ളും പോ​സ്റ്റു​ക​ൾ പ്ര​ത്യ​ക്ഷ​പ്പെ​ട്ട സൈ​ബ​ർ അ​ക്കൗ​ണ്ടു​ക​ളു​​ടെ വി​വ​ര​ങ്ങ​ളും മൊ​ഴി​യാ​യി ന​ൽ​കി​യി​ട്ടു​ണ്ട്. അതേസമയം, അച്ചു ഉമ്മന്‍റെ പരാതിയിൽ ന​ന്ദ​കു​മാ​റിനെ ചോദ്യം ചെയ്യാത്ത പൊലീസ് നടപടിയിൽ വലിയ പ്രതിഷേധമാണ് ഉയരുന്നത്.

ഉ​മ്മ​ൻ ചാ​ണ്ടി​യു​ടെ മ​ക​ൾ അ​ച്ചു ഉ​മ്മ​ൻ സം​സ്ഥാ​ന വ​നി​ത ക​മീ​ഷ​നി​ലും സൈ​ബ​ർ സെ​ല്ലി​ലും പൂ​ജ​പ്പു​ര പൊ​ലീ​സ്​ സ്​​റ്റേ​ഷ​നി​ലും പ​രാ​തി ന​ൽ​കി​യ​ത്. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യും പാ​ർ​ട്ടി പ്ര​ചാ​ര​ണ​വേ​ദി​ക​ളി​ലൂ​ടെ​യും അ​പ​മാ​നി​ച്ചു​വെ​ന്നാ​യി​രു​ന്നു പ​രാ​തി. പ്ര​ച​രി​ക്ക​പ്പെ​ട്ട ഫേ​സ്​​ബു​ക്ക് ലി​ങ്കു​ക​ളു​ടെ വി​വ​ര​ങ്ങ​ൾ സ​ഹി​ത​മാ​ണ് പ​രാ​തി ന​ൽ​കി​യ​ത്.

ഇ​തേ​തു​ട​ർ​ന്ന്​ ന​ന്ദ​കു​മാ​ര്‍ കൊ​ള​ത്താ​പ്പി​ള്ളി​ക്കെ​തി​രെ പൊ​ലീ​സ് കേ​സെ​ടു​ത്തി​രു​ന്നു. പ​രാ​തി​ക്ക്​ പി​ന്നാ​ലെ ന​ന്ദ​കു​മാ​ര്‍ ക്ഷ​മാ​പ​ണം ന​ട​ത്തി​യി​രു​ന്നു. പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ് പ്ര​ചാ​ര​ണം ശ​ക്ത​മാ​യ​തോ​ടെ​യാ​ണ്​ അ​ച്ചു ഉ​മ്മ​ന്‍റെ ജോ​ലി​യും വ​സ്ത്ര​ധാ​ര​ണ​വും സാ​മ്പാ​ദ്യ​വു​മൊ​ക്കെ ഉ​യ​ര്‍ത്തി​യു​ള്ള അ​ധി​ക്ഷേ​പം സൈ​ബ​ര്‍ ഇ​ട​ങ്ങ​ളി​ല്‍ സ​ജീ​വ​മാ​യ​ത്.

മു​ഖ്യ​മ​ന്ത്രി​യു​ടെ മ​ക​ള്‍ വീ​ണ വി​ജ​യ​നു​മാ​യി ബ​ന്ധ​പ്പെ​ട്ട ആ​രോ​പ​ണ​ങ്ങ​ൾ​ക്ക്​ മ​റു​പ​ടി​യെ​ന്ന നി​ല​യി​ലാ​യി​രു​ന്നു ഇ​ട​ത് അ​നു​കൂ​ല ഗ്രൂ​പ്പു​ക​ളി​ലെ പ്ര​ചാ​ര​ണം. ഇ​തി​നെ​തി​രെ രൂ​ക്ഷ ​വി​മ​ർ​ശ​ന​വു​മാ​യി അ​ച്ചു ഉ​മ്മ​ൻ രം​ഗ​​ത്തെ​ത്തി​യി​രു​ന്നു.