Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightനമ്പി നാരായണനും കെ.കെ...

നമ്പി നാരായണനും കെ.കെ മുഹമ്മദും പത്മ പുരസ്കാരങ്ങൾ ഏറ്റുവാങ്ങി

text_fields
bookmark_border
നമ്പി നാരായണനും കെ.കെ മുഹമ്മദും പത്മ പുരസ്കാരങ്ങൾ ഏറ്റുവാങ്ങി
cancel

ന്യൂഡൽഹി: ബഹിരാകാശ ശാസ്ത്രജ്ഞൻ നമ്പി നാരായണനും പുരാവസ്തു ഗവേഷകൻ കെ.കെ മുഹമ്മദ് അടക്കമുള്ള മലയാളികൾക്ക് പത്മ പുരസ്കാരങ്ങൾ സമ്മാനിച്ചു. രാഷ്ട്രപതി ഭവനിൽ നടന്ന ചടങ്ങിൽ രാഷ്ട്രപതി രാംനാഥ് കോവിന്ദാണ് പുരസ്കാരങ്ങൾ വിതരണം ച െയ്തത്.

നമ്പി നാരായണന് പത്മഭൂഷൺ പുരസ്കാരവും കെ.കെ മുഹമ്മദ് പത്മശ്രീയും ഏറ്റുവാങ്ങി. നാടൻ പാട്ടുകാരി തേജൻ ബായ്ക്ക് പത്മവിഭൂഷണും ഭക്ഷ്യ സംസ്കരണ കമ്പനിയായ എം.ഡി.എച്ചിന്‍റെ ഉടമ മഹാഷായ് ദരംപാൽ ഗുലാത്തി, പര്‍വ്വതാരോഹക ബചേന്ദ്രി പാൽ എന്നിവർക്ക് പത്മഭൂഷണും സമ്മാനിച്ചു.

നടൻ മനോജ് ബാജ്പേയ്, തബല വിദ്വാൻ സ്വപൻ ചൗധരി, ഫുട്ബാൾ താരം സുനിൽ ഛേത്രി, അമ്പെയ്ത് താരം ബൊംബയ് ല ദേവി ലെയ്ഷ്രം, മുൻ ക്രിക്കറ്റ് താരം ഗൗതം ഗംഭീർ, പൊതുപ്രവർത്തകൻ എച്ച്.എസ് ഫൂഡ, ബാസ്കറ്റ് ബാൾ താരം പ്രശാന്തി സിങ്, തേയില വ്യാപാരി ഡി. പ്രകാശ് റാവു എന്നിവർ പത്മശ്രീയും ഏറ്റുവാങ്ങി. പത്മ പുരസ്കാരങ്ങളുടെ രണ്ടാം ഘട്ട വിതരണമാണ് ഇന്ന് നടന്നത്.

മാർച്ച് 11ന് നടന്ന ചടങ്ങിൽ 112 പുരസ്​കാര ജേതാക്കളിൽ 56 പേർക്കാണ്​ ആദ്യ ഘട്ടത്തിൽ പുരസ്​കാരങ്ങൾ നൽകിയത്​. നടൻ മോഹൻലാൽ, സർദാർ സുഖ്​ദേവ്​ സിങ്​ ദിന്ദ്​സ, ഹുകും ദേവ്​ നാരായൺ, അന്തരിച്ച മുതിർന്ന മാധ്യമപ്രവർത്തകൻ കുൽദീപ്​ നയ്യാർക്ക്​ വേണ്ടി ഭാര്യ ഭാരതി നയ്യാർ തുടങ്ങിയവർ പത്മഭൂഷൺ പുരസ്​കാരങ്ങൾ ഏറ്റുവാങ്ങി.

സംവിധായകനും നടനുമായ പ്രഭുദേവ, സംഗീത സംവിധായകൻ ശങ്കർ മഹാദേവൻ, കൊട്ടുവാദ്യ വിദഗ്​ധൻ ആനന്ദൻ ശിവമണി, ഇന്ത്യൻ കബഡി ടീം ക്യാപ്​റ്റൻ അജയ്​ താക്കൂർ, മുൻ വിദേശകാര്യ സെക്രട്ടറി സുബ്രഹ്​മണ്യം ജയശങ്കർ, ടേബിൾ ടെന്നീസ്​ താരം ശരത്​ കമൽ, ഗ്രാൻഡ്​ മാസ്​റ്റർ ഹരിക ദ്രോണവല്ലി, ഗുസ്​തി താരം ബജ്​രംഗ്​ പൂനിയ തുടങ്ങിയവരും പത്മശ്രി പുരസ്​കരവും ഏറ്റുവാങ്ങിയിരുന്നു.

Show Full Article
TAGS:padma award nambi narayanan KK Muhammed kerala news malayalam news 
Next Story