നഗ്​നചിത്രം കാണിച്ച് പീഡനശ്രമം: യുവാവ് റിമാൻഡിൽ

കുന്ദമംഗലം: നഗ്​നചിത്രം കാണിച്ച് യുവതിയെ പീഡിപ്പിക്കാന്‍ ശ്രമിച്ച യുവാവ് റിമാന്‍ഡില്‍. വര്യട്ട്യാക്ക് കന്നാറ്റില്‍ ഷഫീറിനെയാണ് കുന്ദമംഗലം ഫസ്​റ്റ്​ ക്ലാസ് മജിസ്‌ട്രേറ്റ് പി.എസ്. നിഷി റിമാന്‍ഡ് ചെയ്തത്.

രണ്ടുമാസം മുമ്പാണ് പ്രതി പീഡിപ്പിക്കാൻ ശ്രമിച്ചതെന്ന് യുവതി പൊലീസിൽ നൽകിയ പരാതിയിൽ പറയുന്നു. ഇതേ കേസിലെ മറ്റൊരു പ്രതി വെള്ളിപറമ്പ് സ്വദേശി ഖത്താദ് നേരത്തെ അറസ്​റ്റിലായിരുന്നു. ഇയാള്‍ ജാമ്യത്തിൽ ഇറങ്ങി.

എങ്ങനെയോ ഇവരുടെ കൈവശമെത്തിയ യുവതിയുടെ നഗ്​നചിത്രം കാണിച്ച്​ പീഡിപ്പിക്കാൻ ശ്രമിക്കുകയായിരുന്നു. ഭർത്താവിനൊപ്പമെത്തിയാണ്​ യുവതി പരാതി നൽകിയത്.