Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകെ.കെ. മഹേശന്‍റെ മരണം: ...

കെ.കെ. മഹേശന്‍റെ മരണം: പ്രത്യേക അന്വേഷണ ഉദ്യോഗസ്ഥരെ നിയമിക്കണം -വി.എം. സുധീരൻ

text_fields
bookmark_border
കെ.കെ. മഹേശന്‍റെ മരണം: പ്രത്യേക അന്വേഷണ ഉദ്യോഗസ്ഥരെ നിയമിക്കണം -വി.എം. സുധീരൻ
cancel

ചേർത്തല: കണിച്ചുകുളങ്ങര എസ്.എൻ.ഡി.പി യൂനിയൻ സെക്രട്ടറി കെ.കെ. മഹേശ​​​െൻറ മരണം ഐ.പി.എസ് റാങ്കിലുള്ള പ്രത്യേക അന്വഷണ ഉദ്യോഗസ്ഥരെക്കൊണ്ട്​ അന്വേഷിപ്പിക്കണമെന്ന് മുൻ കെ.പി.സി.സി പ്രസിഡൻറ്​ വി.എം. സുധീരൻ. പരേത​​​െൻറ പൊക്ലാശേരിയിലെ വസതിയിലെത്തിയ അദ്ദേഹം മാധ്യമപ്രവർത്തകരോട്​ സംസാരിക്കുകയായിരുന്നു.

 

മരിക്കുന്നതിനുമുമ്പും പിമ്പും മഹേശനെ മോശക്കാരനാക്കാൻ ശ്രമിച്ചതും ആത്മഹത്യകുറിപ്പിൽ പറഞ്ഞതും സംബന്ധിച്ച്​ അന്വേഷിക്കണം. വെള്ളാപ്പള്ളി നടേശനെതിരെ മുമ്പും പല ഏജൻസികളും കേസുകൾ അന്വഷിച്ചിരുന്നെങ്കിലും ഒരു തുമ്പും കണ്ടുകിട്ടിയില്ല. തെളിവുകൾ തേച്ചുമാച്ച്​ കളഞ്ഞു. പലതും മുങ്ങിപ്പോവുകയും മുക്കിക്കളയുകയും ചെയ്​തിട്ടുണ്ട്​. പ്രതിഷേധങ്ങൾ ഉണ്ടായിരുന്നിട്ടും തുടര​േന്വഷണം നടത്തിയിട്ടില്ല. പദവി ദുരുപയോഗപ്പെടുത്തി രാഷ്​ട്രീ​യ പാർട്ടിക്കാരെ കബളിപ്പിക്കുകയാണ് വെള്ളാപ്പള്ളി.

ഉത്തരേന്ത്യൻ സംസ്ഥാനങ്ങളിൽ നടക്കുന്ന മാഫിയ കൊലപാതകങ്ങൾ കേരളത്തിലും തലപൊക്കുകയാണ്. മഹേശൻ സമൂഹമാധ്യമങ്ങളിൽ ചില കുറിപ്പുകൾ പങ്കു​െവച്ചത് മാനസിക സമ്മർദത്തിലാണ്. ഇത് തിരിച്ചറിയാതെ ഉത്തരവാദപ്പെട്ടവർ പിന്നെയും എരിതീയിൽ എണ്ണയൊഴിച്ചതാണ് മരണത്തിൽ കലാശിച്ചതെന്നും സുധീരൻ അഭിപ്രായപ്പെട്ടു.

ഡി.സി.സി പ്രസിഡൻറ്​ എം. ലിജു, കെ.പി.സി.സി ജനറൽ സെക്രട്ടറി എ.എ. ഷുക്കൂർ എന്നിവരും ഉണ്ടായിരുന്നു.

എ.ഡി.ജി.പി ടോമിൻ തച്ചങ്കരിയും വെള്ളാപ്പള്ളിയും പ്രതിപ്പട്ടികയിലുള്ള ഈ കേസ് അട്ടിമറിക്കാൻ വെള്ളാപ്പള്ളി ശ്രമിക്കുമെന്നും കേസ് വഴിതിരിച്ചുവിടാനും തെളിവുകൾ നശിപ്പിക്കാനും അന്വഷണ ഉദ്യോഗസ്ഥരെ സ്വാധീനിക്കാനും അദ്ദേഹത്തിന്​ കഴിയുമെന്നും മഹേശ​​​െൻറ അനന്തരവൻ എം.എസ്. അനിൽകുമാർ പറഞ്ഞു.

Show Full Article
TAGS:1325 124801 5081 
News Summary - mvm sudheeran against vellappally natesan-kerala news
Next Story