പി. ശശി മുഖ്യമന്ത്രിയുടെ പ്രൈവറ്റ്​ ​െസക്രട്ടറി സ്​ഥാനത്തേക്ക്​; എം.വി. ജയരാജൻ ജില്ല സെക്രട്ടറിയായേക്കും

കണ്ണൂർ: മുഖ്യമന്ത്രിയുടെ പൊളിറ്റിക്കൽ സെക്രട്ടറിയും സി.പി.എം സംസ്​ഥാന കമ്മിറ്റി അംഗവുമായ എം.വി. ജയരാജനെ കണ് ണൂർ ജില്ല സെക്രട്ടറിയായി നിയോഗിച്ചേക്കും. നിലവിലെ ജില്ല സെക്രട്ടറി പി. ജയരാജനെ വടകര മണ്ഡലം ഇടതു സ്​ഥാനാർഥിയാ യി പ്രഖ്യാപിച്ച സാഹചര്യത്തിലാണിത്​. പെരുമാറ്റദൂഷ്യത്തെ തുടർന്ന്​ അച്ചടക്കനടപടിക്ക്​ വിധേയനായ സി.പി.എം മുൻ ജ ില്ല സെക്രട്ടറി പി. ശശിയെ ജില്ല കമ്മിറ്റിയിലേക്ക്​ തിരിച്ചെടുക്കാനും തീരുമാനമായി.

കണ്ണൂർ ജില്ല സെക്രട്ട റിയായി എം.വി. ജയരാജൻ വരു​േമ്പാൾ പി. ശശിയായിരിക്കും മുഖ്യമന്ത്രിയുടെ പൊളിറ്റിക്കൽ സെക്രട്ടറിയാവുക. അച്ചടക്കനടപടിക്കുശേഷം സി.പി.എമ്മിൽ തിരിച്ചെത്തിയ പി. ശശിയെ ജില്ല കമ്മിറ്റിയിലെടുക്കാൻ കഴിഞ്ഞദിവസം ചേർന്ന ജില്ല കമ്മിറ്റി യോഗമാണ്​ തീരുമാനിച്ചത്​. പി. ശശി ഇപ്പോൾ തലശ്ശേരി കോടതി ബ്രാഞ്ച് അംഗമാണ്.

2011 ജൂ​െലെയിലാണ്​ പി. ശശിയെ സി.പി.എമ്മിൽനിന്ന്​ പുറത്താക്കുന്നത്. ക്രൈം വാരിക പത്രാധിപർ ടി.പി. നന്ദകുമാർ നൽകിയ ലൈംഗികപീഡന കേസിൽ കോടതി ശശിയെ 2016ൽ കുറ്റമുക്തനാക്കിയിരുന്നു. ഇതിനുപിന്നാലെ പാർട്ടിയിലേക്ക്​ തിരിച്ചുവരാനുള്ള താൽപര്യം സംസ്ഥാന കമ്മിറ്റിയെ അറിയിക്കുകയും ചെയ്തിരുന്നു. ലോയേഴ്​സ്​ യൂനിയൻ വഴിയാണ്​ പി. ശശി വീണ്ടും സജീവ പാർട്ടിപ്രവർത്തനത്തിലേക്ക്​ കടന്നത്​.

2011ൽ പി. ശശിയെ പുറത്താക്കിയ ഒഴിവിലാണ്​ പി. ജയരാജനെ കണ്ണൂർ ജില്ല സെക്രട്ടറിയായി നിയമിക്കുന്നത്​. പി. ജയരാജ​​െൻറ മൂന്നാമത്തെ ടേമാണിത്​. ഷുക്കൂർ വധക്കേസിൽ പൊലീസ്​ അറസ്​റ്റ്​ ചെയ്​തപ്പോൾ പി. ജയരാജനു പകരം എം.വി. ജയരാജനാണ്​ താൽക്കാലികമായി പാർട്ടി ജില്ല സെക്രട്ടറിയുടെ ചുമതല നിർവഹിച്ചത്​.