മുഖ്യമന്ത്രിക്കെതിരെ പ്രതിഷേധിക്കുന്നത് ചാവേർ സംഘമെന്ന് എം.വി. ഗോവിന്ദൻ; വാഹനത്തിന് മുൻപിൽ ചാടി മരിക്കാൻ ശ്രമിക്കുന്നവരെ പൊലീസ് തടയുകയാണ്

മുഖ്യമന്ത്രി പിണറായി വിജയനെതിരെ പ്രതിഷേധിക്കുന്നവർ ചാവേർ സംഘമാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്‍. മുഖ്യമന്ത്രിയുടെ വാഹനത്തിന് മുൻപിൽ ചാടി മരിക്കാനാണ് ഇക്കൂട്ടർ ലക്ഷ്യമിടുന്നത്. എന്നാൽ, അതിന് തടയിടാനാണ് പൊലീസ് ശ്രമിക്കുന്നതെന്നും എം.വി. ഗോവിന്ദന്‍ പറഞ്ഞു. ആരും ജാഥയിൽ നിന്ന് വിട്ട് നിന്നിട്ടില്ലെന്നും ഇ.പി. ജയരാജൻ ജാഥയിൽ പങ്കെടുക്കുമെന്നും അദ്ദേഹം കൂട്ടിച്ചേര്‍ത്തു.