ഗവർണർ ബിൽ​ ഒപ്പിട്ടിട്ടില്ലെങ്കിൽ ഭരണഘടനപരമായും നിയമപരമായും സർക്കാർ നീങ്ങും -എം.വി. ഗോവിന്ദൻ

കണ്ണൂർ: ഗവർണർ ആരിഫ് മുഹമ്മദ് ഖാൻ ആർ.എസ്​.എസിന്‍റെ സ്വയം സേവകനായി പ്രവർത്തിക്കുകയാണെന്ന്​ സി.പി.എം സംസ്ഥാന സെക്രട്ടറി എം.വി. ഗോവിന്ദൻ. കണ്ണൂരിൽ മാധ്യമങ്ങളോട്​ സംസാരിക്കുകയായിരുന്നു അദ്ദേഹം.

ഗവർണർ ബില്ല്​ ഒപ്പിട്ടിട്ടില്ലെങ്കിൽ ഭരണഘടന പ്രതിസന്ധി ഉണ്ടാകില്ല. ബില്ല്​ ഒപ്പിട്ടിട്ടില്ലെങ്കിൽ ഭരണഘടനപരമായും നിയമപരമായും സർക്കാർ നീങ്ങും. ഗവർണർ ഭരണഘടന പ്രതിസന്ധി സൃഷ്ടിക്കാൻ ശ്രമിക്കുകയാണ്​​.

മാർക്സിസ്റ്റ്​ പ്രത്യയശാസ്ത്രത്തെ പറ്റി ഗവർണർക്ക്​ ഒരു ധാരണയും ഇല്ല. ഗവർണർക്കെതിരെ രാഷ്​ട്രപതിയെ സമീപിക്കാൻ ആരുടെയും ചീട്ട്​ വേണ്ടെന്നും എം.വി. ഗോവിന്ദൻ പ്രതികരിച്ചു.