മുത്തങ്ങ കേസ്: മാരിയെ കോടതിയില്‍ ഹാജരാക്കിയത് വിവാദത്തില്‍

ക​ല്‍പ​റ്റ: മു​ത്ത​ങ്ങ സ​മ​ര​വു​മാ​യി ബ​ന്ധ​പ്പെ​ട്ട കേ​സി​ൽ പ്ര​തി മാനസികാരോഗ്യ കുറവുള്ള ആ​ദി​വാ​സി വ​യോ​ധി​ക​യെ കോ​ട​തി​യി​ല്‍ ഹാ​ജ​രാ​ക്കി​യ പൊ​ലീ​സി​ന്റെ​യും പ​ട്ടി​ക​വ​ര്‍ഗ വി​ക​സ​ന വ​കു​പ്പിന്റെയും ന​ട​പ​ടി വി​വാ​ദ​ത്തി​ല്‍. ചീ​രാ​ല്‍ മു​രി​ക്കി​ലാ​ടി ഊ​രാ​ളി കോ​ള​നി​യി​ലെ പ​രേ​ത​നാ​യ കാ​ള​ന്റെ ഭാ​ര്യ മാ​രി​യെ കേ​സ് വി​ചാ​ര​ണ​ക്കാ​യി ജി​ല്ല സെ​ഷ​ന്‍സ് കോ​ട​തി​യി​ല്‍ ഹാ​ജ​രാ​ക്കി​യ​താ​ണ് വി​വാ​ദ​മാ​യ​ത്. നടപടി അ​ധാ​ര്‍മി​ക​വും മ​നു​ഷ്യാ​വ​കാ​ശ ലം​ഘ​ന​വു​മാ​ണെ​ന്ന് മു​ത്ത​ങ്ങ സ​മ​ര​നാ​യി​ക സി.​കെ. ജാ​നു, ആ​ദി​വാ​സി ഗോ​ത്ര​മ​ഹാ​സ​ഭ കോ​ഓ​ഡി​നേ​റ്റ​ര്‍ എം. ​ഗീ​താ​ന​ന്ദ​ന്‍ എ​ന്നി​വ​ര്‍ ആ​രോ​പി​ച്ചു.

മു​ത്ത​ങ്ങ സ​മ​ര​വു​മാ​യി ബ​ന്ധ​പ്പെ​ട്ട ക്രി​മി​ന​ല്‍ കേ​സി​ലെ പ്ര​തി​യാ​ണ് മാ​രി. മു​ത്ത​ങ്ങ വ​ന​ത്തി​ല്‍നി​ന്ന് കു​ടി​യി​റ​ക്കി​യ മാ​രി​യും ഭ​ര്‍ത്താ​വും ര​ണ്ടു കു​ട്ടി​ക​ളും ദി​വ​സ​ങ്ങ​ളോ​ളം ജ​യി​ല്‍വാ​സം അ​നു​ഭ​വി​ച്ചി​രു​ന്നു. ജ​യി​ല്‍ മോ​ചി​ത​നാ​യ​തി​നു പി​റ​കെ കാ​ള​ന്‍ മ​രി​ച്ചു. ഇ​തി​നു​ശേ​ഷ​മാ​ണ് മാ​രി​യു​ടെ മ​നോ​നി​ല തെ​റ്റി​യ​ത്.

മു​ത്ത​ങ്ങ സ​മ​ര​വു​മാ​യി ബ​ന്ധ​പ്പെ​ട്ട കേ​സ് ആ​വ​ശ്യ​ത്തി​ന് 2016ല്‍ ​സി.​ബി.​ഐ നി​ര്‍ദേ​ശി​ച്ച​ത​നു​സ​രി​ച്ച് പൊ​ലീ​സു​കാ​ര്‍ ക​സ്റ്റ​ഡി​യി​ലെ​ടു​ത്ത മാ​രി​യെ മാ​ന​സി​കാ​സ്വാ​സ്ഥ്യം കാ​ട്ടി​യ​തോടെ ആ​ശു​പ​ത്രി വ​രാ​ന്ത​യി​ല്‍ ഉ​പേ​ക്ഷി​ച്ചി​രു​ന്നു. ഇതിനു​ശേ​ഷ​വും മാ​രി​ക്ക് വൈ​ദ്യ​സ​ഹാ​യം ല​ഭ്യ​മാ​ക്കാ​നോ മ​നോ​വൈ​ക​ല്യ​മു​ണ്ടെ​ന്നു കോ​ട​തി​യെ അ​റി​യി​ക്കാ​നോ ഉ​ത്ത​ര​വാ​ദ​പ്പെ​ട്ട​വ​ര്‍ ത​യാ​റാ​യി​ല്ല. വാ​റ​ന്റ് ഉ​ള്ള​തി​നാ​ലാ​ണ് കോ​ട​തി​യി​ലെ​ത്തി​ച്ച​ത്. ഇ​തി​നു​പ​ക​രം വൈ​ദ്യ​സ​ഹാ​യം ന​ല്‍കു​ക​യും ഇ​തു​സം​ബ​ന്ധി​ച്ച രേ​ഖ കോ​ട​തി​യി​ല്‍ ഹാ​ജ​രാ​ക്കു​ക​യും ചെ​യ്താ​ല്‍ മ​തി​യാ​കു​മാ​യി​രു​ന്നു​വെ​ന്ന് ഗീ​താ​ന​ന്ദ​ന്‍ പ​റ​ഞ്ഞു. മാ​രി​യെ ചി​കി​ത്സ​ക്ക് വി​ധേ​യ​യാ​ക്കാ​ന്‍ നി​ര്‍ദേ​ശി​ക്കു​ന്ന​തി​നു​പ​ക​രം സ്വ​ന്തം ജാ​മ്യ​ത്തി​ല്‍ വി​ട്ട കോ​ട​തി ന​ട​പ​ടി​യി​ൽ അ​നൗ​ചി​ത്യ​മു​ണ്ടെ​ന്നും ഗീ​താ​ന​ന്ദ​ന്‍ പ​റ​ഞ്ഞു.