കണ്ണടയുംമുമ്പ്​ മകനെയൊന്നു കാണണം; ഈ മാതാപിതാക്കൾ കാത്തിരിക്കുന്നു

വൈക്കം: 21ാം വയസ്സിൽ വീടുവിട്ടിറങ്ങിയ ഏകമകനായി 18 വർഷമായി കാത്തിരിക്കുകയാണ്​ ആപ്പാഞ്ചിറയിലെ വൃദ്ധ ദമ്പതികൾ. കണ്ണടയുംമുമ്പ്​ മകനെയൊന്നു കാണണമെന്ന ആഗ്രഹം മാത്രമേ ഈ മാതാപിതാക്കൾക്ക്​ ബാക്കിയുള്ളൂ.

ആപ്പാഞ്ചിറ മാന്നാർ ഗ്രീൻ ലാൻഡിൽ എ.കെ. വാസുവി​െൻറയും വിമലയുടെയും മകൻ ദിലീപ്​ 2002ഡിസംബർ ഏഴിന്​ രാവിലെ വീടിനടുത്തുള്ള സ്​റ്റേഷനറി കടയിലേക്ക് പോയതാണ്.

വൈകീട്ട്​ മൂന്നുമണിയായിട്ടും കാണാതായതോടെ ബന്ധുവീടുകളിലടക്കം അന്വേഷിച്ചു. പാലാ പോളിടെക്നിക്കിൽനിന്ന്​ ഇൻസ്ട്രമെ​േൻറഷൻ പാസായ ദിലീപി​െൻറ​ സർട്ടിഫിക്കറ്റുകളെല്ലാം വീട്ടിൽ തന്നെയുണ്ടായിരുന്നു​. എട്ടാംതീയതി പത്തുമണി കഴിഞ്ഞ്​ കടുത്തുരുത്തി വെള്ളാശ്ശേരിയിൽ താമസിക്കുന്ന അമ്മാവ​െൻറ വീട്ടിലേക്ക് ദിലീപി​െൻറ ഫോൺ വന്നു. ചെന്നൈയിലാണെന്നും പിറ്റേദിവസം മടങ്ങുമെന്നും ദിലീപ്​ പറഞ്ഞതായി ഇവർ പറയുന്നു.

തുടർന്നും മടങ്ങിവരാതായതോടെ അവിടെ സുഹൃത്തുമായി ബന്ധപ്പെട്ട്​ അന്വേഷി​െച്ചങ്കിലും വിവരം ലഭിച്ചില്ല. പലവിധ രോഗങ്ങൾ അലട്ടു​േമ്പാഴും മകൻ തങ്ങളെത്തേടി എത്തുമെന്ന പ്രതീക്ഷയിലാണ്​ ഈ മാതാപിതാക്കൾ. അവസാന ആശ്രയമെന്ന നിലയിൽ ജില്ല പൊലീസ് മേധാവിക്ക് വീണ്ടും പരാതിനൽകി കാത്തിരിക്കുകയാണ് ഇവർ.