മുസ്‍ലിം യൂത്ത് ലീഗ് യൂത്ത് മാർച്ചിന് ഉജ്ജ്വല സമാപനം

പൊ​ന്നാ​നി: സ​മ​ര​തീ​ക്ഷ്ണ​ത​യു​ടെ പു​തു​ച​രി​തം ര​ചി​ച്ച് മ​ല​പ്പു​റം ജി​ല്ല മുസ്‍ലിം യൂത്ത് ലീഗ് യൂ​ത്ത് മാ​ര്‍ച്ച് അ​റ​ബി​ക്ക​ട​ലോ​ര​ത്ത് സ​മാ​പി​ച്ചു. നീ​ല​ഗി​രി​ക്കു​ന്നു​ക​ളു​ടെ താ​ഴ്‌​വാ​ര​ത്ത് ഫ​ല​സ്തീ​ന്‍ സ​മ​ര​പോ​രാ​ളി​ക​ള്‍ക്ക് ഐ​ക്യ​ദാ​ര്‍ഢ്യ​മ​റി​യി​ച്ച് വ​ഴി​ക്ക​ട​വി​ല്‍നി​ന്ന് ആ​രം​ഭി​ച്ച മാ​ര്‍ച്ച് പൊ​ന്നാ​നി​യു​ടെ തീ​ര​മ​ണ്ണി​ല്‍ പോ​രാ​ട്ട​ത്തി​ന്റെ ത്ര​സി​പ്പി​ക്കു​ന്ന ചു​വ​ടു​ക​ള്‍ തീ​ര്‍ത്താ​ണ് സ​മാ​പി​ച്ച​ത്.

'വി​ദ്വേ​ഷ​ത്തി​നെ​തി​രെ, ദു​ര്‍ഭ​ര​ണ​ത്തി​നെ​തി​രെ' പ്ര​മേ​യ​ത്തി​ല്‍ ക്യാ​പ്റ്റ​ന്‍ ജി​ല്ല യൂ​ത്ത്‌​ലീ​ഗ് പ്ര​സി​ഡ​ന്റ് ശ​രീ​ഫ് കു​റ്റൂ​ര്‍, വൈ​സ് ക്യാ​പ്റ്റ​ന്‍ ജി​ല്ല ജ​ന​റ​ല്‍ സെ​ക്ര​ട്ട​റി മു​സ്ത​ഫ അ​ബ്ദു​ല്ല​ത്തീ​ഫ് എ​ന്നി​വ​രു​ടെ നേ​തൃ​ത്വ​ത്തി​ല്‍ 17 ദി​വ​സം​കൊ​ണ്ട് 400ല​ധി​കം കി​ലോ​മീ​റ്റ​ര്‍ താ​ണ്ടി​യാ​ണ് മാ​ര്‍ച്ച് പൊ​ന്നാ​നി​യു​ടെ സ്‌​നേ​ഹ​തീ​ര​ത്ത​ണ​ഞ്ഞ​ത്.

ച​മ്ര​വ​ട്ടം ജ​ങ്ഷ​നി​ല്‍നി​ന്ന് ആ​രം​ഭി​ച്ച റാ​ലി​യി​ല്‍ വി​വി​ധ നി​യോ​ജ​ക മ​ണ്ഡ​ല​ങ്ങ​ളി​ല്‍നി​ന്നെ​ത്തി​യ ആ​യി​ര​ക്ക​ണ​ക്കി​ന് വൈ​റ്റ് ഗാ​ര്‍ഡ് വ​ള​ന്റി​യ​ര്‍മാ​രും പ​തി​നാ​യി​ര​ക്ക​ണ​ക്കി​ന് പ്ര​വ​ര്‍ത്ത​ക​രും പ​ങ്കെ​ടു​ത്തു. മാ​ർ​ച്ചി​ന് അ​ഭി​വാ​ദ്യ​മ​ർ​പ്പി​ക്കാ​ൻ വ​ഴി​യോ​ര​ത്ത് സ്ത്രീ​ക​ളും കു​ട്ടി​ക​ളു​മു​ൾ​പ്പെ​ടെ അ​ണി​നി​ര​ന്നു.

വൈ​കീ​ട്ട് മൂ​ന്നി​ന് ച​മ്ര​വ​ട്ടം ജ​ങ്ഷ​നി​ലെ ജു​മാ​മ​സ്ജി​ദി​ന് മു​ന്നി​ൽ ന​ട​ന്ന സ​മ്മേ​ള​നം യൂ​ത്ത് ലീ​ഗ് ദേ​ശീ​യ സെ​ക്ര​ട്ട​റി അ​ഡ്വ. ഫൈ​സ​ൽ ബാ​ബു ഉ​ദ്ഘാ​ട​നം ചെ​യ്തു.

ജാ​ഥ​ക്ക് ഷെ​ബീ​ർ ബി​യ്യം, പി.​പി. യൂ​സ​ഫ​ലി, സി.​എം. യൂ​സ​ഫ്, ഫൈ​സ​ൽ ബാ​ഫ​ഖി ത​ങ്ങ​ൾ, കെ.​സി. ശി​ഹാ​ബ്, ജാ​ഥ നാ​യ​ക​ൻ ഷെ​രീ​ഫ് കു​റ്റൂ​ർ, ഉ​പ​നാ​യ​ക​ൻ മു​സ്ത​ഫ അ​ബ്ദു​ൽ ല​ത്തീ​ഫ്, കെ.​ടി. അ​ഷ​റ​ഫ്, സി.​കെ. ശാ​ക്കി​ർ, സി.​കെ. അ​ഷ​റ​ഫ്, അ​ഡ്വ. കെ.​എ. ബ​ക്ക​ർ എ​ന്നി​വ​ർ നേ​തൃ​ത്വം ന​ൽ​കി.