രോഹിത്​​ വെമുലയുടെ കുടുംബത്തിന്​ വീട്​: വാഗ്​ദാനത്തിൽ നിന്ന്​ പിന്മാറിയിട്ടില്ലെന്ന്​ ലീഗ്​

കോഴിക്കോട്​: ഹൈദരാബാദ്​​ സർവകലാശാല വിദ്യാർഥി രോഹിത്​​ വെമുലയുടെ മാതാവ്​ രാധിക വെമുലക്ക്​ വീടു നൽകുമെന്ന വാഗ്​ദാനത്തിൽനിന്ന്​ മുസ്​ലിം ലീഗ്​ പിന്മാറിയെന്ന പ്രചാരണം അടിസ്​ഥാനരഹിതമാ​െണന്ന്​ മുസ്​ലിം യൂത്ത്​ലീഗ്​ ദേശീയ കമ്മിറ്റി ജനറൽ സെക്രട്ടറി സി.കെ. സുബൈർ അറിയിച്ചു.

വീടുവാങ്ങാൻ രാധിക വെമുലക്ക്​ അഡ്വാൻസ്​ തുകയാണ്​ നൽകിയത്​. രജിസ്ട്രേഷൻ നടക്കുന്ന മുറക്ക്​ മുസ്​ലിം ലീഗ് മുഴുവൻ തുകയും നൽകും. രോഹിത്​​ വെമുലയുടെ സഹോദരൻ രാജ വെമുലയുമായി​ ഇൗ വിഷയത്തിൽ നിരന്തരമായി സംസാരിക്കാറുണ്ടെന്നും ആശയക്കുഴപ്പമോ വിശ്വാസക്കുറവോ അവർക്ക് ലീഗിനോടില്ലെന്നും അദ്ദേഹം പ്രസ്​താവനയിൽ ചൂണ്ടിക്കാട്ടി.