ലീഗ് ബന്ധം: കാർമേഘങ്ങൾ നീക്കി സമസ്ത നേതാക്കളുടെ 'നയപ്രഖ്യാപനം'

മ​ല​പ്പു​റം: വ​ഖ​ഫ് വി​ഷ​യ​ത്തി​ൽ സ​മ​സ്ത, മു​സ്‌​ലിം ലീ​ഗ് അ​ണി​ക​ൾ​ക്കി​ട​യി​ൽ ഉ​ട​ലെ​ടു​ത്ത ഭി​ന്ന​ത​ക​ളും ആ​ശ​യ​ക്കു​ഴ​പ്പ​ങ്ങ​ളും നീ​ക്കി സ​മ​സ്ത മ​ല​പ്പു​റം ജി​ല്ല സു​വ​ർ​ണ ജൂ​ബി​ലി സ​മ്മേ​ള​നം. സ​മ​സ്ത പ്ര​സി​ഡ​ന്‍റ്​ മു​ഹ​മ്മ​ദ്‌ ജി​ഫ്​​രി മു​ത്തു​ക്കോ​യ ത​ങ്ങ​ൾ​ത​ന്നെ ഇ​രു സം​ഘ​ട​ന​ക​ളും ത​മ്മി​ലെ ബ​ന്ധ​ത്തി​ൽ ഒ​രു ഉ​ല​ച്ചി​ലും സം​ഭ​വി​ച്ചി​ട്ടി​ല്ലെ​ന്നും അ​തി​നു​ള്ള ശ്ര​മ​ങ്ങ​ൾ വി​ല​പ്പോ​വി​ല്ലെ​ന്നും വ്യ​ക്ത​മാ​ക്കി. പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ൾ, പി.​കെ. കു​ഞ്ഞാ​ലി​ക്കു​ട്ടി, അ​ബ്ദു​സ്സ​മ​ദ് സ​മ​ദാ​നി എം.​പി തു​ട​ങ്ങി​യ നേ​താ​ക്ക​ളു​ടെ സാ​ന്നി​ധ്യ​ത്തി​ൽ ആ​യി​രു​ന്നു ജി​ഫ്​​രി ത​ങ്ങ​ളു​ടെ 'ന​യ​പ്ര​ഖ്യാ​പ​നം'.

സ​മ​സ്ത​യും ലീ​ഗും ത​മ്മി​ൽ അ​ഭേ​ദ്യ​മാ​യ ബ​ന്ധ​മാ​ണ്​. സ​മ​സ്ത​യോ​ട് അ​നു​ഭാ​വം പു​ല​ർ​ത്തു​ന്ന സു​ന്നി നേ​താ​ക്ക​ളാ​ണ് കു​ഞ്ഞാ​ലി​ക്കു​ട്ടി​യും സ​മ​ദാ​നി​യു​മെ​ല്ലാം. സ​മ​സ്ത​യി​ൽ എ​ല്ലാ രാ​ഷ്ട്രീ​യ പാ​ർ​ട്ടി​ക്കാരുമു​ണ്ട്. കൂ​ടു​ത​ലും ലീ​ഗു​കാ​രാ​ണ്. ലീ​ഗി​ലു​മു​ണ്ട് മു​ജാ​ഹി​ദു​ക​ള​ട​ക്കം വി​വി​ധ സം​ഘ​ട​ന​ക​ളി​ൽ​പെ​ട്ട​വ​ർ. ഭ​രി​ക്കു​ന്ന​വ​രു​മാ​യി ന​ല്ല ബ​ന്ധം പു​ല​ർ​ത്താ​റു​ണ്ട് സ​മ​സ്ത.

എ​ന്നു​ക​രു​തി പ​ര​മ്പ​രാ​ഗ​ത​മാ​യി തു​ട​രു​ന്ന ആ​ഭി​മു​ഖ്യ​ങ്ങ​ൾ മാ​റ്റി​ല്ല. അ​ങ്ങ​നെ​യൊ​രു സാ​ഹ​ച​ര്യം ഇ​തു​വ​രെ ഉ​ണ്ടാ​യി​ട്ടി​ല്ല. പു​ത്ത​നാ​ശ​യ​ക്കാ​രു​ടെ പ​രി​പാ​ടി​ക​ളി​ൽ പ്ര​സം​ഗി​ക്കാ​ൻ പോ​യി അ​ത് വി​ജ​യി​പ്പി​ച്ചു​കൊ​ടു​ക്കു​ന്ന പ​ണി സു​ന്നി​ക​ൾ ചെ​യ്യ​രു​ത്. ആ​ശ​യാ​ദ​ർ​ശ​ങ്ങ​ൾ​ക്കെ​തി​രെ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ചാ​ര​ണം ന​ട​ത്തു​ന്ന​വ​ർ​ക്ക് സം​ഘ​ട​ന​യി​ൽ സ്ഥാ​ന​മി​ല്ലെ​ന്നും അ​വ​രെ പു​റ​ത്താ​ക്കു​മെ​ന്നും ജി​ഫ്​​രി ത​ങ്ങ​ൾ കൂ​ട്ടി​ച്ചേ​ർ​ത്തു.

സ​മ​സ്ത ലീ​ഗി​ന്‍റെ​താ​ണെ​ന്നും ലീ​ഗ് സ​മ​സ്ത​യു​ടെ​താ​ണെ​ന്നും സ​മ​സ്ത കേ​ര​ള ഇ​സ്‌​ലാം മ​ത വി​ദ്യാ​ഭ്യാ​സ ബോ​ർ​ഡ്‌ ജ​ന​റ​ൽ സെ​ക്ര​ട്ട​റി എം.​ടി. അ​ബ്ദു​ല്ല മു​സ്‌​ലി​യാ​രും വ്യ​ക്ത​മാ​ക്കി. ചെ​റി​യ ഭി​ന്ന​ത​ക​ളെ വ​ലു​താ​ക്കി ആ​ഘോ​ഷ​മാ​ക്കാ​ൻ പു​റ​ത്ത് ചി​ല​ർ കാ​ത്തി​രി​ക്കു​ന്നു​ണ്ടെ​ന്നും അ​വ​ർ​ക്ക് ഇ​ര​യി​ട്ടു​കൊ​ടു​ക്ക​രു​തെ​ന്നും എ​സ്.​വൈ.​എ​സ് സം​സ്ഥാ​ന വൈ​സ് പ്ര​സി​ഡ​ൻ​റു​കൂ​ടി​യാ​യ സാ​ദി​ഖ​ലി ത​ങ്ങ​ൾ വ്യ​ക്ത​മാ​ക്കി. പ​ണ്ഡി​ത​രും നേ​താ​ക്ക​ളും യോ​ജി​ച്ച് മു​ന്നോ​ട്ടു​പോ​വു​ക​യെ​ന്ന​ത് പ​ര​മ്പ​രാ​ഗ​താ​യി തു​ട​രു​ന്ന ന​യ​മാ​ണെ​ന്നും സ​മു​ദാ​യ​ത്തി​ന്‍റെ മു​ന്നേ​റ്റ​ത്തി​ൽ ഏ​റ്റ​വും വ​ലി​യ പ​ങ്കു​വ​ഹി​ച്ച സം​ഘ​ട​ന​യാ​ണ് സ​മ​സ്ത​യെ​ന്നും കു​ഞ്ഞാ​ലി​ക്കു​ട്ടി‍യും പ​റ​ഞ്ഞു.