കോൺഗ്രസ്​ ഗ്രൂപ്​ പോരിൽ മുസ്​ലിം ലീഗിന്​ അതൃപ്തി

കോ​ഴി​ക്കോ​ട്​: മു​ന്ന​ണി​മാ​റ്റ പ്ര​ചാ​ര​ണ​ങ്ങ​ൾ​ക്ക്​ വി​രാ​മ​മി​ട്ട്, യു.​ഡി.​എ​ഫി​നെ ശ​ക്തി​പ്പെ​ടു​ത്തു​മെ​ന്ന ഉ​റ​ച്ച തീ​രു​മാ​ന​വു​മെ​ടു​ത്ത്​ സ​മ​ര​ങ്ങ​ളു​മാ​യി രം​ഗ​ത്തി​റ​ങ്ങി​യ മു​സ്​​ലിം ലീ​ഗ്​ കോ​ൺ​ഗ്ര​സി​ന​ക​ത്തെ പോ​രി​ൽ പ​ക​ച്ചു​നി​ൽ​ക്കു​ന്നു. ലോ​ക്സ​ഭ തെ​ര​ഞ്ഞെ​ടു​പ്പ്​ പ​ടി​വാ​തി​ൽ​ക്ക​ൽ എ​ത്തു​ക​യും സം​സ്ഥാ​ന സ​ർ​ക്കാ​റി​നെ​തി​രെ ആ​ഞ്ഞ​ടി​ക്കാ​ൻ അ​വ​സ​ര​ങ്ങ​ൾ തു​റ​ന്നു​കി​ട​ക്കു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ ​ബ്ലോ​ക്ക്​ പ്ര​സി​ഡ​ന്റ് തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട്​ കോ​ൺ​ഗ്ര​സി​ൽ രൂ​പം​കൊ​ണ്ട പ​രി​ധി​വി​ട്ട ഗ്രൂ​പ്​ പോ​രി​ൽ ലീ​ഗി​ന് ക​ടു​ത്ത അ​തൃ​പ്തി​യാ​ണു​ള്ള​ത്. ക​ർ​ണാ​ട​ക​യി​ലെ വി​ജ​യ​ത്തി​ള​ക്കം കേ​ര​ള​ത്തി​ൽ ഊ​ർ​ജ​മാ​ക്കാ​ൻ ക​ഴി​യു​മാ​യി​രു​ന്ന സാ​ഹ​ച​ര്യ​മാ​ണ്​ ത​മ്മി​ല​ടി​യി​ലൂ​ടെ കോ​ൺ​ഗ്ര​സ്​ നേ​തൃ​ത്വം ക​ള​ഞ്ഞു​കു​ളി​ക്കു​ന്ന​തെ​ന്നാ​ണ്​ ലീ​ഗ്​ നേ​തൃ​ത്വ​ത്തി​ന്‍റെ വി​ല​യി​രു​ത്ത​ൽ.

സം​സ്ഥാ​ന സ​ർ​ക്കാ​റി​നെ​തി​രെ പോ​ർ​മു​ഖം തു​റ​ക്കാ​ൻ നി​ര​വ​ധി അ​വ​സ​ര​ങ്ങ​ളു​ണ്ടാ​യി​ട്ടും ഐ​ക്യ​ത്തോ​ടെ മു​ത​ലാ​ക്കാ​ൻ യു.​ഡി.​എ​ഫി​ന്​ ക​ഴി​യാ​ത്ത​തി​ന് കാ​ര​ണം ഈ ​വി​ഴു​പ്പ​ല​ക്ക​ലാ​ണെ​ന്നും ലീ​ഗ്​ ക​രു​തു​ന്നു.

കോ​ൺ​​ഗ്ര​സ് വി​ഷ​യ​ത്തി​ൽ പി.​കെ. കു​ഞ്ഞാ​ലി​ക്കു​ട്ടി​യു​ടെ പ്ര​തി​ക​ര​ണ​ത്തി​ൽ ഈ ​അ​തൃ​പ്തി പ്ര​ക​ട​മാ​ണ്. ഇ​ത് ത​മ്മി​ല​ടി​ക്കേ​ണ്ട സ​മ​യ​മ​ല്ലെ​ന്നാ​ണ് കു​ഞ്ഞാ​ലി​ക്കു​ട്ടി കോ​​​ൺ​ഗ്ര​സ് നേ​തൃ​ത്വ​ത്തെ ഓ​ർ​മ​പ്പെ​ടു​ത്തി​യ​ത്. ലീ​ഗ് ജ​ന. സെ​ക്ര​ട്ട​റി പി.​എം.​എ. സ​ലാ​മും നീ​ര​സം മ​റ​ച്ചു​വെ​ക്കു​ന്നി​ല്ല. ‘യു.​ഡി.​എ​ഫി​ലെ ഓ​രോ ക​ക്ഷി​യും ഐ​ക്യ​ത്തോ​ടെ നി​ല​യു​റ​പ്പി​ക്കേ​ണ്ട സ​മ​യ​മാ​ണി​ത്. സം​സ്ഥാ​ന സ​ർ​ക്കാ​റി​ന്‍റെ ദു​ർ​ഭ​ര​ണം​കൊ​ണ്ട്​ പൊ​റു​തി​മു​ട്ടി​യ ജ​നം ഏ​റെ പ്ര​തീ​ക്ഷ​യോ​ടെ​യാ​ണ്​ യു.​ഡി.​എ​ഫി​നെ കാ​ണു​ന്ന​ത്. ജ​ന​താ​ൽ​പ​ര്യ​ത്തി​ന​നു​സ​രി​ച്ച്​ പ്ര​വ​ർ​ത്തി​ക്കാ​ൻ യു.​ഡി.​എ​ഫി​ലെ ഓ​രോ ക​ക്ഷി​യും ഒ​റ്റ​ക്കെ​ട്ടാ​യി മു​ന്നോ​ട്ടു പോ​കേ​ണ്ട​തു​ണ്ട്​​’ -പി.​എം.​എ. സ​ലാം ‘മാ​ധ്യ​മ’​ത്തോ​ട്​ പ​റ​ഞ്ഞു.

ക​ഴി​ഞ്ഞ യു.​ഡി.​എ​ഫ്​ യോ​ഗ​ത്തി​ൽ കോ​ൺ​ഗ്ര​സ്​ നേ​തൃ​ത്വം ന​ൽ​കി​യ ഉ​റ​പ്പു​ക​ൾ പാ​ലി​ക്ക​പ്പെ​ട്ടി​ല്ലെ​ന്ന പ​രി​ഭ​വം ഘ​ട​ക​ക​ക്ഷി​ക​ൾ​ക്കുണ്ട്. ഓ​രോ പാ​ർ​ട്ടി​യും ഐ​ക്യ​ത്തോ​ടെ മു​ന്നോ​ട്ടു​പോ​ക​ണ​മെ​ന്നും മു​ന്ന​ണി വി​പു​ലീ​ക​രി​ക്ക​ണ​മെ​ന്നു​​മു​ള്ള തീ​രു​മാ​ന​മെ​ടു​ത്താ​ണ്​ യോ​ഗം പി​രി​ഞ്ഞ​ത്. ബ്ലോ​ക്ക്​ പ്ര​സി​ഡ​ന്‍റ്​ തെ​ര​ഞ്ഞെ​ടു​പ്പ്​ ഉ​ൾ​പ്പെ​ടെ​യു​ള്ള കാ​ര്യ​ങ്ങ​ൾ പ്ര​ശ്ന​ങ്ങ​ളൊ​ന്നു​മി​ല്ലാ​തെ, സ​മാ​ധാ​ന​പ​ര​മാ​യി പൂ​ർ​ത്തി​യാ​ക്കു​മെ​ന്നും കോ​ൺ​ഗ്ര​സ്​ നേ​താ​ക്ക​ൾ ഉ​റ​പ്പ്​ ന​ൽ​കി​യി​രു​ന്നു. എ​ന്നാ​ൽ, ഇ​ത്​ പാ​ലി​ക്ക​പ്പെ​ട്ടി​ല്ലെ​ന്ന്​ മാ​ത്ര​മ​ല്ല, പ്ര​മു​ഖ നേ​താ​ക്ക​ൾ​ത​ന്നെ പ​ര​സ്പ​രം കൊ​മ്പു​കോ​ർ​ക്കു​ന്ന സാ​ഹ​ച​ര്യ​മാ​ണു​ണ്ടാ​യ​ത്.