മലപ്പുറത്ത് കുഞ്ഞാലിക്കുട്ടിയും പൊന്നാനിയിൽ ഇ.ടിയും ലീഗ് സ്ഥാനാർഥികൾ

കോഴിക്കോട്​: ലോക്​സഭ തെരഞ്ഞെടുപ്പിൽ മൂന്നാം സീറ്റിന്​ കടുംപിടിത്തമില്ലാതെ, പൊന്നാനിയിലും മലപ്പുറത്തും മാത്രം മത്സരിക്കാൻ മുസ്​ലിം ലീഗ്​ തീരുമാനം. പൊന്നാനിയിൽ ദേശീയ ഒാർഗനൈസിങ്​ സെക്രട്ടറി ഇ.ടി. മുഹമ്മദ്​ ബഷീറും മലപ്പുറത്ത്​ ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടിയും വീണ്ടും അങ്കത്തിനിറങ്ങുമെന്ന്​ പ്രവർത്തക സമിത ി യോഗശേഷം സംസ്​ഥാന പ്രസിഡൻറും ദേശീയ പാർലമ​െൻററി ബോർഡ്​ ചെയർമാനുമായ പാണക്കാട്​ ഹൈദരലി ശിഹാബ്​ തങ്ങൾ വാർത്തസ മ്മേളനത്തിൽ അറിയിച്ചു.

തമിഴ്​നാട്​ രാമനാഥപുരത്ത്​ നവാസ്​ ഗനിയെ സ്​ഥാനാർഥിയാക്കാനും തീരുമാനമായി. ഡി.എം.ക െയുമായി അന്തിമ ചർച്ചക്കു​ ശേഷം ഇതിൽ തിങ്കളാഴ്​ച ഒൗ​േദ്യാഗിക പ്രഖ്യാപനമുണ്ടാകുമെന്ന്​ ദേശീയ അധ്യക്ഷൻ ഖാദർ മെ ായ്​തീൻ പറഞ്ഞു.

മൂന്നു സീറ്റു​​ ആവശ്യപ്പെട്ട ലീഗിന്​ നേരത്തേയുണ്ടായിരുന്ന ഒരു രാജ്യസഭ സീറ്റ്​ കൂടി ഒഴിവ ു വരു​േമ്പാൾ നൽകാമെന്ന്​ കോൺ​ഗ്രസ്​ സമ്മതിച്ചതായി ഹൈദരലി ശിഹാബ്​ തങ്ങൾ അറിയിച്ചു. ദേശീയ സാഹചര്യത്തിൽ ഏറ്റവും വലിയ ഒറ്റക്കക്ഷിയാകാൻ ഭൂരിപക്ഷം സീറ്റും കോൺഗ്രസ്​ നേടേണ്ടത്​ അനിവാര്യമായതിനാൽ വിട്ടുവീഴ്​ച ചെയ്യുകയാണെന്ന്​ അദ്ദേഹം വ്യക്​തമാക്കി.

ഇ.ടി. മുഹമ്മദ്​ ബഷീറിന്​ നിലമ്പൂർ എം.എൽ.എ പി.വി. അൻവറാണ്​ ഇടതുമുന്നണിയിലെ എതിരാളി. കുഞ്ഞാലിക്കുട്ടിക്ക്​ എസ്​.എഫ്​.​െഎ അഖിലേന്ത്യ പ്രസിഡൻറ്​​ വി.പി. സാനുവാണ്​ എതിർ സ്​ഥാനാർഥി. യു.ഡി.എഫിനും ലീഗിനും അഭിമാനകരമായ വിജയമുണ്ടാകുമെന്ന്​ കുഞ്ഞാലിക്ക​ുട്ടി പറഞ്ഞു. കേന്ദ്ര^ സംസ്​ഥാന ഭരണക്കാർക്കെതിരെ വിധിയെഴുത്തുണ്ടാകുമെന്നാണ്​ പ്രതീക്ഷ​. രാജ്യസഭ സീറ്റ്​​ നല്ല നേട്ടമായാണ്​ പാർട്ടി കാണുന്നതെന്ന്​ കുഞ്ഞാലിക്കുട്ടി വ്യക്​തമാക്കി. മൂന്നാമതും പൊന്നാനിയിൽ മത്സരിക്കാൻ പാർട്ടി അർപ്പിച്ച വിശ്വാസം പരിരക്ഷിക്കു​മെന്ന്​ ഇ.ടി പറഞ്ഞു.

പടയ്​ക്കിറങ്ങി മലപ്പുറവും പൊന്നാനിയും

മലപ്പുറം: ലോക്​സഭ തെരഞ്ഞെടുപ്പിൽ ജില്ലയിലെ രണ്ടു മണ്ഡലങ്ങളിലെയും യു.ഡി.എഫ്​, എൽ.ഡി.എഫ്​ സ്​ഥാനാർഥി ചിത്രം തെളിഞ്ഞു. മലപ്പുറത്ത്​ സിറ്റിങ്​ എം.പിയും മുസ്​ലിം ലീഗ്​ അഖിലേന്ത്യ ജനറൽ സെക്രട്ടറിയുമായ പി.കെ. കുഞ്ഞാലിക്കുട്ടി എസ്​.എഫ്​.​െഎ അഖിലേന്ത്യ പ്രസിഡൻറ്​ വി.പി. സാനുവിനെ നേരിടും. പൊന്നാനിയിൽ നിലമ്പൂർ എം.എൽ.എ പി.വി. അൻവറിനെയാണ്​ ലീഗ്​ എം.പിയും ദേശീയ നേതാവുമായ ഇ.ടി. മുഹമ്മദ്​ ബഷീറിനോട്​ ഏറ്റുമുട്ടാൻ സി.പി.എം കളത്തിലിറക്കിയിരിക്കുന്നത്​. ബി.ജെ.പി സ്​ഥാനാർഥികളെ ഇതുവരെ പ്രഖ്യാപിച്ചിട്ടില്ല.

2016ലെ നിയമസഭ തെരഞ്ഞെടുപ്പിൽ നിലമ്പൂരിൽ കോൺഗ്രസി​​െൻറ കുത്തക തകർത്ത്​ ആര്യാടൻ ഷൗക്കത്തിനെതിരെ അട്ടിമറി വിജയം നേടിയ കരുത്തിലാണ്​ അൻവർ വരുന്നത്​. യൂത്ത്​ കോൺഗ്രസ്​ മുൻ ജില്ല ​വൈസ്​ പ്രസിഡൻറ്​ കൂടിയായിരുന്ന അൻവർ പൊന്നാനിയിൽ മത്സരിച്ചാൽ ഇളകി നിൽക്കുന്ന കോൺഗ്രസ്​ വോട്ട്​ കൂടി പെട്ടിയിൽ വീഴു​െമന്ന കണക്കു കൂട്ടലാണ്​ സി.പി.എം നേതൃത്വത്തിനുള്ളത്​. കഴിഞ്ഞ ലോക്​സഭ തെരഞ്ഞെടുപ്പിൽ ശക്​തമായ മത്സരം നടന്ന മണ്ഡലം കൂടിയാണ്​ പൊന്നാനി. ഇ.ടി. മുഹമ്മദ്​ ബഷീറി​​െൻറ ഭൂരിപക്ഷം 25,410 വോട്ടിലേക്ക്​ ചുരുക്കാൻ ഇടതു സ്വതന്ത്രനായി മത്സരിച്ച വി. അബ്​ദുറഹ്​മാന്​ കഴിഞ്ഞിരുന്നു. ഒന്നാഞ്ഞു പിടിച്ചാൽ പൊന്നാനിയിൽ അട്ടിമറി സാധ്യമാണെന്നാണ്​ സി.പി.എം നേതൃത്വം കരുതുന്നത്​.

എന്നാൽ, മുസ്​ലിം ലീഗിന്​ ശക്​തമായ വേരോട്ടമുള്ള മണ്ഡലമാണിത്​. 1977ലാണ്​ മലപ്പുറം ജില്ലയിലെ ആറു നിയമസഭ മണ്ഡലങ്ങൾ പൊന്നാനിയ​ിൽ കൂട്ടിച്ചേർത്തത്​. ഇതിന്​ ശേഷം നടന്ന തെരഞ്ഞെടുപ്പുകളിൽ മുസ്​ലിം ലീഗിന്​ തിരിഞ്ഞു നോക്കേണ്ടി വന്നിട്ടില്ല. കഴിഞ്ഞ തവണ എസ്​.ഡി.പി.​െഎ, വെൽഫെയർ പാർട്ടി പിന്തുണയുള്ള ജനകീയൻ, ആം ആദ്​മി പാർട്ടി തുടങ്ങിയവർ മത്സര രംഗത്തുണ്ടായിരുന്നു. 47,718 വോട്ടാണ്​ ഇവർ നേടിയത്​.

കോൺഗ്രസിലെ പ്രശ്​നങ്ങളും ഭൂരിപക്ഷം കുറയാനിടയാക്കിയിരുന്നു. ഇത്​ പരിഹരിച്ച്​ ഒറ്റക്കെട്ടായി തെരഞ്ഞെടുപ്പിനെ നേരിടുന്നതോടെ ശക്​തമായ ഭൂരിപക്ഷത്തിൽ വിജയം ആവർത്തിക്കാനാവുമെന്ന കണക്കു കൂട്ടലിലാണ്​ ലീഗ്​. ഏഴു നിയമസഭ മണ്ഡലങ്ങളിൽ നാലിടത്ത്​ യു.ഡി.എഫും മൂന്നിടത്ത്​ എൽ.ഡി.എഫുമാണ് ഭരിക്കുന്നത്.​​ മുസ്​ലിം ലീഗിന്​ മൃഗീയ ഭൂരിപക്ഷമുള്ള മണ്ഡലമാണ്​ മലപ്പുറം. ഇ. അഹമ്മദി​​െൻറ നിര്യാണത്തെ തുടർന്ന്​ നടന്ന ഉപതെരഞ്ഞെടുപ്പിൽ 1,71,023 വോട്ടി​​െൻറ ഭൂരിപക്ഷത്തിലാണ്​ കുഞ്ഞാലിക്കുട്ടി ജയിച്ചത്​. ഏഴു മണ്ഡലങ്ങളിലും ലീഗ്​ എം.എൽ.എമാരാണുള്ളത്​. മലപ്പുറത്ത്​ ശക്​തമായ മത്സരം കാഴ്​ചവെക്കുക എന്നതിൽ കവിഞ്ഞ്​ സി.പി.എമ്മിന്​ അമിത പ്രതീക്ഷകളൊന്നുമില്ല.

യുവാക്കളുടെ പിന്തുണയോടെ ഇത്തവണയും അതിന്​ സാധിക്കുമെന്നാണ്​​ നേതൃത്വം കരുതുന്നത്​.കഴിഞ്ഞ ലോക്​സഭ തെരഞ്ഞെടുപ്പിൽ രണ്ടിടത്തും മത്സരിച്ച എസ്​.ഡി.പി.​െഎ ഇക്കുറിയും രംഗത്തുണ്ട്​. പൊന്നാനിയിൽ അഡ്വ. കെ.സി. നസീറാണ്​ മത്സരിക്കുന്നത്​. മലപ്പുറത്ത്​ ഇതുവരെ സ്​ഥാനാർഥിയെ പ്രഖ്യാപിച്ചിട്ടില്ല.