Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപാലാ ബിഷപ്പ്​...

പാലാ ബിഷപ്പ്​ പ്രസ്​താവന പിൻവലിക്കണമെന്ന്​ മുസ്​ലിം സംഘടനകൾ

text_fields
bookmark_border
Muslim Leaders
cancel
camera_alt

കോ​ഴി​ക്കോ​ട് ന​ട​ന്ന മു​സ്‌​ലിം മ​തസം​ഘ​ട​ന നേ​താ​ക്ക​ന്മാ​രു​ടെ യോ​ഗത്തിൽ നിന്ന്​

കോഴിക്കോട്: സാമുദായിക ധ്രുവീകരണമുണ്ടാക്കും വിധം നടത്തിയ പ്രസ്താവന പിൻവലിക്കാൻ പാലാ ബിഷപ്​ തയാറാകണമെന്ന് കോഴിക്കോട്​ നടന്ന മുസ്​ലിം സംഘടനകളുടെ സംയുക്ത യോഗം ആവശ്യപ്പെട്ടു. ലവ്​ ജിഹാദ്, നാർകോട്ടിക് ജിഹാദ് എന്നീ പ്രയോഗങ്ങളിലൂടെ വിദ്വേഷം പ്രചരിപ്പിക്കുന്നവർക്കെതിരെ നിയമനടപടി സ്വീകരിക്കാൻ ഭരണകൂടം സന്നദ്ധമാകണം. ബിഷപ്പി​‍െൻറ വിഷയത്തിൽ മുഖ്യമന്ത്രി പുലർത്തുന്ന സമീപനം ഇരട്ടത്താപ്പാണ്. പരമത നിന്ദയുള്ള ഏതു പ്രവൃത്തിയേയും തള്ളാനും സാഹോദര്യം നിലനിർത്താനും കേരളീയ സമൂഹം പ്രതിജ്ഞാബദ്ധമാണെന്നും യോഗം അഭിപ്രായപ്പെട്ടു.

കേരളത്തി​െൻറ സാമൂഹികാന്തരീക്ഷത്തിന്​ ഭംഗം വരുത്തുന്ന നീക്കങ്ങൾ ആരുടെ ഭാഗത്തുനിന്നു​ം ഉണ്ടാകാൻ പാടില്ലാത്തതാണെന്ന്​ യോഗ തീരുമാനങ്ങൾ വിശദീകരിച്ച പാണക്കാട്​ സാദിഖലി ശിഹാബ്​ തങ്ങൾ പറഞ്ഞു. സാമുദായിക ധ്രുവീകരണം ശക്തിപ്പെടുത്തുന്ന പരാമർശം​ പാലാ ബിഷപ്പി​‍െൻറ ഭാഗത്തുനിന്ന്​ ഉണ്ടായത്​ ഗൗരവതരമാണെന്ന്​ യോഗം വിലയിരുത്തി. പ്രസ്​താവന ലക്ഷ്യംവെച്ചത്​ മുസ്​ലിം സമുദായത്തെയാണെന്ന്​ വ്യക്തമായിട്ടും പക്വതയോടെയുള്ള​ സമീപനമാണ്​ സമുദായ നേതാക്കളുടെ ഭാഗത്തുനിന്നുണ്ടായത്​. അതേ നാണയത്തിൽ തിരിച്ചടിക്കുന്ന രീതി അവലംബിച്ചില്ല. സമാന പരാമർശങ്ങൾ ആരുടെ ഭാഗത്തുനിന്നും ആവർത്തിച്ചുകൂടെന്ന്​ യോഗം ആവശ്യപ്പെട്ടു.

ഇത്തരം സംഭവങ്ങളുണ്ടാകു​േമ്പാൾ സർക്കാർ നോക്കിനിൽക്കുന്നത്​ ഭൂഷണമല്ല. കീഴ്​വഴക്കമനുസരിച്ച്​ നടപടിയെടുക്കണം. സർവകക്ഷി യോഗം വിളിക്കുന്നത്​ ​സ്വാഗതാർഹമാണ്​. സംവരണ വിഷയത്തിൽ സച്ചാർ കമ്മിറ്റി ശിപാർശകൾ നടപ്പാക്കണമെന്ന ആവശ്യം നേരത്തെ മുസ്​ലിം സംഘടനകൾ ഉന്നയിച്ചതാണ്​. മുഖ്യമന്ത്രിയെ നേരിൽകണ്ട്​ പരാതി ഉന്നയിക്കുകയും ധർണ നടത്തുകയും ചെയ്​തു​. രണ്ടു മാസമായിട്ടും വിഷയത്തിൽ പ്രതികരണമില്ലാത്തതിൽ യോഗം പ്രതിഷേധം രേഖപ്പെടുത്തിയതായി സാദിഖലി തങ്ങൾ വ്യക്തമാക്കി. ​

സാദിഖലി ശിഹാബ് തങ്ങൾ അധ്യക്ഷത വഹിച്ച യോഗത്തിൽ ഇ.ടി. മുഹമ്മദ് ബഷീർ എം.പി, പി.എം.എ. സലാം, കെ.പി.എ. മജീദ്, ഡോ. എം.കെ. മുനീർ (മുസ്​ലിം ലീഗ്​), ഡോ. കെ.എം. ബഹാഉദ്ദീൻ നദ്‌വി, ഡോ. എൻ.എ.എം. അബ്​ദുൽ ഖാദർ (സമസ്ത), ടി.പി. അബ്​ദുല്ലകോയ മദനി, ഡോ. എ.ഐ. മജീദ് സ്വലാഹി, ഹുസൈൻ മടവൂർ (കേരള നദ്​വതുൽ മുജാഹിദീൻ), പി. മുജീബ് റഹ്മാൻ, ശൈഖ് മുഹമ്മദ് കാരകുന്ന്, ശിഹാബ് പൂക്കോട്ടൂർ (ജമാഅത്തെ ഇസ്‌ലാമി), സി.എ. മൂസ മൗലവി, ബാവ മൗലവി (ദക്ഷിണ കേരള ജംഇയ്യതുൽ ഉലമ), അബ്​ദുല്ലത്വീഫ് മദനി, ടി.കെ. അശ്റഫ് (വിസ്ഡം), ഡോ. ഐ.പി. അബ്ദുസ്സലാം (മർകസുദ്ദഅ്​വ), ഹാശിം ഹദ്ദാദ് തങ്ങൾ (ജംഇയ്യതുൽ ഉലമാ ഹിന്ദ് ), ഖാസിമുൽ ഖാസിമി (കേരള മുസ്​ലിം ജമാഅത്ത് കൗൺസിൽ), ഡോ. ഫസൽ ഗഫൂർ (എം.ഇ.എസ്), സൈനുൽ ആബിദീൻ, മുഹമ്മദ് കോയ എൻജിനീയർ (എം.എസ്.എസ്), ഇ.പി അശ്റഫ് ബാഖവി, ഹാശിം ബാഫഖി തങ്ങൾ (കേരള സംസ്ഥാന ജംഇയ്യതുൽ ഉലമ), ഡോ. സൈതു മുഹമ്മദ് (മെക്ക) എന്നിവർ പ​ങ്കെടുത്തു.

Show Full Article
TAGS:pala bishop 
News Summary - Muslim groups call on Pala Bishop to withdraw statement
Next Story