സമസ്ത പ്രതിഷേധം സാദിഖലി തങ്ങളെ നേരിട്ട്​ അറിയിക്കാൻ മുശാവറ തീരുമാനം

കോ​ഴി​ക്കോ​ട്: മു​സ്​​ലിം ലീ​ഗ്​ നേ​താ​ക്ക​ളു​ടെ സ​മ​സ്ത വി​രു​ദ്ധ പ്ര​സ്താ​വ​ന​യു​മാ​യി ബ​ന്ധ​പ്പെ​ട്ട്​ ഉ​ട​ലെ​ടു​ത്ത പ്ര​ശ്ന​ത്തി​ൽ സ​മ​സ്ത​യു​ടെ പ്ര​തി​ഷേ​ധം​ പാ​ണ​ക്കാ​ട്​ സാ​ദി​ഖ​ലി ത​ങ്ങ​ളെ നേ​രി​ട്ട്​ ധ​രി​പ്പി​ക്കാ​ൻ മു​ശാ​വ​റ യോ​ഗ തീ​രു​മാ​നം.

ചൊ​വ്വാ​ഴ്ച കോ​ഴി​ക്കോ​ട്​ സ​മ​സ്താ​ല​യ​ത്തി​ൽ ചേ​ർ​ന്ന മു​ശാ​വ​റ യോ​ഗം ഇ​തി​ന് നാ​ലം​ഗ സം​ഘ​ത്തെ ചു​മ​ത​ല​പ്പെ​ടു​ത്തി. എം.​ടി. അ​ബ്​​ദു​ല്ല മു​സ്​​ലി​യാ​ർ, പി.​പി. ഉ​മ​ർ മു​സ്​​ലി​യാ​ർ കൊ​യ്യോ​ട്, ഉ​മ്മ​ർ ഫൈ​സി മു​ക്കം, എ.​വി. അ​ബ്​​ദു​റ​ഹ്​​മാ​ൻ മു​സ്​​ലി​യാ​ർ എ​ന്നീ മു​ശാ​വ​റ അം​ഗ​ങ്ങ​ളാ​ണ്​ സാ​ദി​ഖ​ലി ത​ങ്ങ​ളെ ക​ണ്ട്​ സ​മ​സ്ത​യു​ടെ നി​ല​പാ​ട്​ അ​റി​യി​ക്കു​ക. സ​മ​സ്ത​യു​ടെ ഉ​ത്ത​ര​വാ​ദ​പ്പെ​ട്ട​വ​ർ പ​രാ​തി ഉ​ന്ന​യി​ച്ചി​ട്ടി​ല്ലെ​ന്നും നേ​താ​ക്ക​ൾ ​ഒ​പ്പി​ട്ടു ന​ൽ​കി​യ ക​ത്ത്​ താ​ൻ ക​ണ്ടി​ട്ടി​ല്ലെ​ന്നും ക​ഴി​ഞ്ഞ​ദി​വ​സം സാ​ദി​ഖ​ലി ത​ങ്ങ​ൾ വ്യ​ക്ത​മാ​ക്കി​യി​രു​ന്നു. ഈ ​പ​ശ്ചാ​ത്ത​ല​ത്തി​ലാ​ണ്​ പാ​ർ​ട്ടി ജ​ന. സെ​ക്ര​ട്ട​റി പി.​എം.​എ. സ​ലാം, വൈ​സ്​ പ്ര​സി​ഡ​ന്‍റ്​ അ​ബ്​​ദു​റ​ഹ്​​മാ​ൻ ക​ല്ലാ​യി എ​ന്നി​വ​രു​ടെ പ്ര​സ്താ​വ​ന​യു​മാ​യി ബ​ന്ധ​​പ്പെ​ട്ട നി​ല​പാ​ട്​ ത​ങ്ങ​ളെ നേ​രി​ട്ട്​ അ​റി​യി​ക്കാ​ൻ പ്ര​സി​ഡ​ന്‍റ്​ ജി​ഫ്​​രി മു​​ത്തു​ക്കോ​യ ത​ങ്ങ​ളു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗം തീ​രു​മാ​നി​ച്ച​ത്.

ലീ​ഗ്​ നേ​താ​ക്ക​ളു​ടെ സ​മ​സ്ത വി​രു​ദ്ധ നി​ല​പാ​ടി​ൽ ചി​ല മു​ശാ​വ​റ അം​ഗ​ങ്ങ​ൾ യോ​ഗ​ത്തി​ൽ ശ​ക്ത​മാ​യ വി​മ​ർ​ശ​നം ന​ട​ത്തി. ഇ​തു​സം​ബ​ന്ധി​ച്ച്​ പ്ര​മേ​യം പാ​സാ​ക്ക​ണ​മെ​ന്ന​ അ​ഭി​പ്രാ​യം ഉ​യ​ർ​ന്നെ​ങ്കി​ലും അ​തി​ന്‍റെ ആ​വ​ശ്യ​മി​ല്ലെ​ന്ന്​ തീ​രു​മാ​നി​ക്കു​ക​യാ​യി​രു​ന്നു. എ.​വി. അ​ബ്​​ദു​റ​ഹ്​​മാ​ൻ മു​സ്​​ലി​യാ​രും ഉ​മ്മ​ർ ഫൈ​സി മു​ക്ക​വു​മാ​ണ്​ വി​ഷ​യം യോ​ഗ​ത്തി​ൽ ഉ​ന്ന​യി​ച്ച​ത്.​സി.​ഐ.​സി​യു​മാ​യി ബ​ന്ധ​പ്പെ​ട്ട വി​ഷ​യ​ത്തി​ല്‍ സ​മ​സ്ത കേ​ന്ദ്ര മു​ശാ​വ​റ യോ​ഗ​ങ്ങ​ളി​ല്‍ കൈ​ക്കൊ​ണ്ട തീ​രു​മാ​ന​ത്തി​ല്‍ മാ​റ്റ​മി​ല്ലെ​ന്ന് മു​ശാ​വ​റ ആ​വ​ര്‍ത്തി​ച്ചു.

സ​മ​സ്ത തീ​രു​മാ​ന​ങ്ങ​ൾ അം​ഗീ​ക​രി​ക്കാ​ൻ ത​യാ​റാ​ണെ​ന്നു കാ​ണി​ച്ച്​ സി.​ഐ.​സി ന​ൽ​കി​യ ക​ത്ത്​ യോ​ഗം പ​രി​ഗ​ണി​ച്ചി​ല്ല.

അ​ബ്ദു​ല്‍ ഹ​ക്കീം ഫൈ​സി ആ​ദൃ​ശേ​രി​യെ സം​ബ​ന്ധി​ച്ച്, അ​ദ്ദേ​ഹ​ത്തി​ന്റെ ലേ​ഖ​ന​ങ്ങ​ള്‍, പ്ര​സം​ഗ​ങ്ങ​ള്‍, ക്ലാ​സു​ക​ള്‍, അ​ദ്ദേ​ഹം നേ​തൃ​ത്വം ന​ല്‍കു​ന്ന​തോ പ​ങ്കാ​ളി​ത്തം വ​ഹി​ക്കു​ന്ന​തോ ആ​യ സ്ഥാ​പ​ന​ങ്ങ​ളി​ലെ ലൈ​ബ്ര​റി​ക​ള്‍, സി​ല​ബ​സ് തു​ട​ങ്ങി​യ​വ പ​രി​ശോ​ധി​ച്ച​പ്പോ​ള്‍ അ​ദ്ദേ​ഹ​ത്തി​ന്‍റെ ആ​ദ​ര്‍ശ നി​ല​പാ​ടു​ക​ളി​ല്‍ ‘ബി​ദ്ഈ’(​പു​ത്ത​ൻ ആ​ശ​യം) ചി​ന്ത​ക​ള്‍ ക​ട​ന്നു​കൂ​ടി​യി​ട്ടു​ണ്ടെ​ന്ന് സ​മ​സ്ത​ക്ക് ബോ​ധ്യ​മാ​യ​താ​യി മു​ശാ​വ​റ വ്യ​ക്ത​മാ​ക്കി. അ​തി​ന്‍റെ അ​ടി​സ്ഥാ​ന​ത്തി​ലാ​ണ്​ ഹ​ക്കീം ഫൈ​സി നേ​തൃ​ത്വം ന​ല്‍കു​ന്ന​തോ അ​ദ്ദേ​ഹ​ത്തി​ന് പ​ങ്കാ​ളി​ത്ത​മു​ള്ള​തോ ആ​യ വി​ദ്യാ​ഭ്യാ​സ സം​വി​ധാ​ന​ങ്ങ​ളു​മാ​യി സ​മ​സ്ത​ക്ക് ബ​ന്ധ​മി​ല്ലെ​ന്ന് പ്ര​ഖ്യാ​പി​ച്ച​ത്.

സ​മ​സ്ത​യു​ടെ​യും മു​സ്‍ലിം ലീ​ഗി​ന്റെ​യും നേ​താ​ക്ക​ള്‍ പ​ല പ്രാ​വ​ശ്യം യോ​ഗം ചേ​ര്‍ന്ന് പ്ര​ശ്‌​ന​ങ്ങ​ള്‍ പ​രി​ഹ​രി​ക്കാ​നു​ള്ള തീ​രു​മാ​ന​ങ്ങ​ള്‍ കൈ​ക്കൊ​ള്ളു​ക​യു​മു​ണ്ടാ​യി. സ​മ​സ്ത​യു​ടെ തീ​രു​മാ​ന​ത്തി​ൽ ഒ​രു മാ​റ്റ​വു​മു​ണ്ടാ​യി​ല്ലെ​ന്നി​രി​ക്കെ, സ​മ​സ്ത​യു​ടെ പ്ര​വ​ര്‍ത്ത​ക​രോ പ്ര​സ്ഥാ​ന​ബ​ന്ധു​ക്ക​ളോ അ​നാ​വ​ശ്യ ച​ര്‍ച്ച​ക​ളി​ലോ തെ​റ്റി​ദ്ധാ​ര​ണ​ക​ളി​ലോ അ​ക​പ്പെ​ട്ടു പോ​ക​രു​തെ​ന്ന് യോ​ഗം അം​ഗീ​ക​രി​ച്ച പ്ര​മേ​യ​ത്തി​ല്‍ ആ​വ​ശ്യ​പ്പെ​ട്ടു.