മുരുക​െൻറ മരണം: മെഡിക്കൽ ബോർഡ് പ്രവർത്തനം നിലച്ചു

തി​രു​വ​ന​ന്ത​പു​രം: ചി​കി​ത്സ കി​ട്ടാ​തെ ത​മി​ഴ്നാ​ട് സ്വ​ദേ​ശി മു​രു​ക​ൻ മ​രി​ച്ച സം​ഭ​വ​ത്തി​ൽ ഡോ​ക്ട​ർ​മാ​ർ​ക്ക് വീ​ഴ്ച സം​ഭ​വി​ച്ചോ എ​ന്ന് ക​ണ്ടെ​ത്താ​ൻ രൂ​പ​വ​ത്​​ക​രി​ച്ച മെ​ഡി​ക്ക​ൽ ബോ​ർ​ഡി​​െൻറ പ്ര​വ​ർ​ത്ത​നം നി​ല​ച്ചു. ആ​ശു​പ​ത്രി​ക​ൾ സ​ന്ദ​ർ​ശി​ക്കാ​നോ ഡോ​ക്ട​ർ​മാ​രു​ടെ മൊ​ഴി​യെ​ടു​ക്കാ​നോ രൂ​പ​വ​ത്​​ക​രി​ച്ച് ര​ണ്ടു​മാ​സം ക​ഴി​ഞ്ഞി​ട്ടും ബോ​ർ​ഡി​ന് ക​ഴി​ഞ്ഞി​ട്ടി​ല്ല. ബ​ന്ധ​പ്പെ​ട്ട രേ​ഖ​ക​ൾ പൊ​ലീ​സ്​ ന​ൽ​കാ​ത്ത​തി​നാ​ലാ​ണ് അ​ന്വേ​ഷ​ണം വ​ഴി​മു​ട്ടി​യ​തെ​ന്ന്​​ ബോ​ർ​ഡ്​ അം​ഗ​ങ്ങ​ൾ പറയുന്നു. 

ഹൈ​കോ​ട​തി നി​ർ​ദേ​ശ​പ്ര​കാ​രം ആ​രോ​ഗ്യ​വ​കു​പ്പ് സെ​ക്ര​ട്ട​റി​യാ​ണ് ബോ​ർ​ഡ് രൂ​പ​വ​ത്​​ക​രി​ച്ച് ഉ​ത്ത​ര​വി​റ​ക്കി​യ​ത്. കോ​ട്ട​യം മെ​ഡി​. കോ​ള​ജി​ലെ ന്യൂ​റോ സ​ർ​ജ​ൻ ഡോ. ​പി.​കെ. ബാ​ല​കൃ​ഷ്ണ​ൻ, കോ​ഴി​ക്കോ​ട് മെ​ഡി​. കോ​ള​ജി​ലെ ശ​സ്​​ത്ര​ക്രി​യ വി​ഭാ​ഗം ത​ല​വ​ൻ ഡോ. ​എം.​പി. ശ​ശി, കോ​ട്ട​യം, തൃ​ശൂ​ർ മെ​ഡി​. കോ​ള​ജു​ക​ളി​ലെ അ​ന​സ്​​തേ​ഷ്യ വി​ഭാ​ഗം മേ​ധാ​വി​മാ​രാ​യ ഡോ. ​എ. ശോ​ഭ, ഡോ.​ജി. മാ​യ എ​ന്നി​വ​ര​ട​ങ്ങു​ന്ന സം​ഘ​ത്തെ​യാ​ണ് ക​ഴി​ഞ്ഞ ന​വം​ബ​ർ 24ന് ​സ​ർ​ക്കാ​ർ നി​യോ​ഗി​ച്ച​ത്. 

ബോ​ർ​ഡി​​െൻറ ക​ണ്ടെ​ത്ത​ൽ പ​രി​ശോ​ധി​ച്ച​ശേ​ഷ​മേ ആ​രോ​പ​ണ​വി​ധേ​യ​രാ​യ ഡോ​ക്ട​ർ​മാ​ർ​ക്കെ​തി​രെ നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​വൂവെന്ന് ഹൈ​കോ​ട​തി നി​ർ​ദേ​ശിച്ചിരു​ന്നു. എ​ന്നാ​ൽ, ഇ​തു​വ​രെ ഒ​രു​യോ​ഗം കൂ​ടാ​ൻ​പോ​ലും മെ​ഡി​ക്ക​ൽ ബോ​ർ​ഡി​ന് ക​ഴി​ഞ്ഞി​ട്ടി​ല്ല. ആരോപണവിധേയമായ ആ​ശു​​പ​ത്രി​ക​ളി​ൽ പോ​വു​ക​യോ രേ​ഖ​ക​ൾ പ​രി​ശോ​ധി​ക്കു​ക​യോ ചെ​യ്തി​ട്ടി​ല്ല. ബോ​ർ​ഡി​ൽനിന്ന്​ ഡോ. ​എം.​പി. ശ​ശി അ​ട​ക്ക​മു​ള്ള​വ​രെ മാ​റ്റി എ​ന്നാ​ണ് വി​വ​രം. 

2017 ആ​ഗ​സ്​​റ്റ്​ ഏ​ഴി​നാ​ണ് മു​രു​ക​ൻ കൊ​ല്ലം ഇ​ത്തി​ക്ക​ര​ക്ക് സ​മീ​പം വാ​ഹ​നാ​പ​ക​ട​ത്തി​ൽ​പ്പെ​ട്ട​ത്. കൊ​ല്ല​ത്തെ അ​ഞ്ച് സ്വ​കാ​ര്യ ആ​ശു​പ​ത്രി​ക​ളി​ലും തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലും മു​രു​ക​നെ എ​ത്തി​ച്ചെ​ങ്കി​ലും ചി​കി​ത്സ നി​ഷേ​ധി​ച്ചു. ബോ​ർ​ഡി​​​െൻറ ക​ണ്ടെ​ത്ത​ലു​ക​ൾ  ആ​രോ​പ​ണ വി​ധേ​യ​രാ​യ ഡോ​ക്ട​ർ​മാ​ർ​ക്ക് നി​ർ​ണാ​യ​ക​മാ​കും. പി​ഴ​വു​ണ്ടെ​ന്ന് ക​ണ്ടെ​ത്തി​യാ​ൽ അ​റ​സ്​​റ്റ്​ ഉ​ൾ​പ്പെ​ടെ ന​ട​പ​ടി​ക​ളി​ലേ​ക്ക് പൊ​ലീ​സ്​ ക​ട​ക്കും. ബോ​ർ​ഡി​​െൻറ പ്ര​വ​ർ​ത്ത​നം നി​ല​ച്ച​തി​ന് പി​ന്നി​ൽ അ​ന്വേ​ഷ​ണം അ​ട്ടി​മ​റി​ക്കാ​നു​ള്ള നീ​ക്ക​മാ​ണെ​ന്ന്​ ആ​രോ​പ​ണമു​ണ്ട്.