റിസോര്‍ട്ടിലെ ഇരട്ടക്കൊല കവർച്ചക്കിടെ; പ്രതി റിമാൻഡിൽ

രാ​ജാ​ക്കാ​ട് (ഇ​ടു​ക്കി): ചി​ന്ന​ക്ക​നാ​ലി​ലെ ന​ടു​പ്പാ​റ ‘റി​ഥം ഓ​ഫ് മൈ​ൻ​ഡ്‌​സ്’ റി​സോ​ർ​ട്ട്​ ഉ​ട​മ കേ ാ​ട്ട​യം മാ​ങ്ങാ​നം കൊ​ച്ച​ക്ക​ൽ ജേ​ക്ക​ബ് വ​ർ​ഗീ​സ് (രാ​ജേ​ഷ് -40), സ​ഹാ​യി മു​ത്ത​യ്യ (55) എ​ന്നി​വ​രെ കൊ​ല​പ് പെ​ടു​ത്തി​യ​ത്​ ക​വ​ർ​ച്ച​ക്കി​ടെ. കാ​മു​കി​യോ​ടൊ​ത്ത്​ ജീ​വി​ക്കാ​ൻ പ​ണം ക​ണ്ടെ​ത്തു​ന്ന​തി​നാ​ണ്​ പ ്ര​തി ബോ​ബി​ൻ കൊ​ല ന​ട​ത്തി​യ​തെ​ന്ന്​ ​പൊ​ലീ​സ്​ പറഞ്ഞു.
കൊ​ല​പാ​ത​ക​ശേ​ഷം ഒ​ളി​വി​ൽ ക​ഴി​യാ​ൻ സൗ​ക​ര്യ​മൊ​രു​ക്കി​യ ചേ​രി​യാ​ര്‍ ക​റു​പ്പ​ന്‍കോ​ള​നി സ്വ​ദേ​ശി ഇ​സ്ര​വേ​ലി​​​െൻറ ഭാ​ര്യ ക​പി​ല​യു​മാ​യി നാ​ട്​ വി​ടാ​നാ​യി​രു​ന്നു ബോ​ബി​​​െൻറ നീ​ക്കം.

ക​പി​ല​യു​മാ​യി അ​ടു​പ്പ​ത്തി​ലാ​യി​രു​ന്ന ബോ​ബി​ന്‍ ഇവരുമൊ​ത്ത്​ ജീ​വി​ക്കാനാ​യി വേ​ളാ​ങ്ക​ണ്ണി​ക്ക്​ പോ​കാ​ൻ തീ​രു​മാ​നി​ച്ചി​രു​ന്നു. ഇ​തി​ന്​ പ​ണം ക​ണ്ടെ​ത്താനാണ്​ ബോ​ബി​ന്‍ താ​ൻ ജോ​ലി ചെ​യ്തി​രു​ന്ന ന​ടു​പ്പാ​റ റി​സോ​ര്‍ട്ടി​ൽ​നി​ന്ന്​ ഏ​ല​ക്ക മോ​ഷ്​​ടി​ച്ച​ത്. മോ​ഷ​ണ​ത്തി​നു മു​മ്പ്​ ത​ന്നെ മു​ത്ത​യ്യ​യെ കൊ​ല​പ്പെ​ടു​ത്തി. മോ​ഷ​ണ ശേ​ഷം​ രാ​ജേ​ഷി​നെ​യും. ര​ഹ​സ്യ​വി​വ​ര​ത്തെ തു​ട​ര്‍ന്ന് പൊ​ലീ​സ് ഇ​സ്ര​വേ​ലി​​​െൻറ വീ​ട്ടി​ലെ​ത്തു​ന്ന​തി​ന് തൊ​ട്ടു​മു​മ്പ് ഇ​യാ​ൾ ഇ​വി​ടെ നി​ന്ന്​ ര​ക്ഷ​പ്പെ​ട്ടു. തു​ട​ര്‍ന്ന് ഇ​സ്ര​വേ​ലി​നെ​യും ഭാ​ര്യ ക​പി​ല​യെ​യും ക​സ്​​റ്റ​ഡി​യി​ല്‍ എ​ടു​ത്തു.

ഒ​ളി​വി​ൽ പോ​യ പ്ര​തി ഫോ​ണി​ല്‍ ബ​ന്ധ​പ്പെ​ടാ​നി​ട​യു​ണ്ടെ​ന്ന്​ മ​ന​സ്സി​ലാ​ക്കി​യ പൊ​ലീ​സ് കോ​ട​തി​യു​ടെ അ​നു​മ​തി​യോ​ടെ ഇ​വ​രു​ടെ മൊ​ബൈ​ല്‍ഫോ​ണ്‍ സ്​​റ്റേ​ഷ​നി​ൽ സൂ​ക്ഷി​ച്ചു. ഇ​തി​ലേ​ക്ക്​ വ​ന്ന ഫോൺവിളിയുടെ അ​ടി​സ്ഥാ​ന​ത്തി​ല്‍ പ്ര​തി ത​മി​ഴ്‌​നാ​ട്ടി​ലേ​ക്ക്​ ക​ട​ന്ന​താ​യി മ​ന​സ്സി​ലാ​ക്കു​ക​യു​മാ​യി​രു​ന്നു. തു​ട​ർ​ന്ന്​ പ്ര​ത്യേ​ക സ്‌​ക്വാ​ഡ് മ​ധു​ര​യി​ല്‍നി​ന്ന്​ പ്ര​തി​യെ അ​റ​സ്​​റ്റ്​ ചെ​യ്യു​ക​യു​മാ​യി​രു​ന്നു. പ്ര​തി​യെ കോ​ട​തി റി​മാ​ൻ​ഡ്​ ചെ​യ്​​തു.