You are here

ഭാര്യയെ സംശയിച്ച് എട്ടുവയസ്സുള്ള മകനെ കൊന്ന കേസിൽ പിതാവിന് ജീവപര്യന്തം 

23:51 PM
05/07/2019
റെ​ജി തോ​മ​സ്, കൊ​ല്ല​പ്പെ​ട്ട റി​ജി​ൻ റെ​ജി തോ​മ​സ്​
പ​ത്ത​നം​തി​ട്ട: ഭാ​ര്യ​യെ സം​ശ​യി​ച്ച് എ​ട്ടു വ​യ​സ്സു​ള്ള മ​ക​നെ ക​ഴു​ത്ത​റു​ത്ത്​ കൊ​ന്ന​കേ​സി​ൽ പി​താ​വി​നു​ ജീ​വ​പ​ര്യ​ന്തം ത​ട​വും പി​ഴ​യും. തോ​ട്ട​പ്പു​ഴ​ശ്ശേ​രി കു​റി​യ​ന്നൂ​ർ കോ​ള​പ്ര വീ​ട്ടി​ൽ റെ​ജി തോ​മ​സി​നാ​ണ്​​ (45)  ജീ​വ​പ​ര്യ​ന്തം ത​ട​വും 10,000 രൂ​പ പി​ഴ​യും ശി​ക്ഷി​ച്ച​ത്. 

കു​റി​യ​ന്നൂ​ർ എം.​ടി എ​ൽ.​പി സ്കൂ​ളി​ൽ മൂ​ന്നാം ക്ലാ​സി​ൽ പ​ഠി​ച്ചി​രു​ന്ന മ​ക​ൻ റി​ജി​ൻ റെ​ജി തോ​മ​സി​നെ പ്ര​തി സ്കൂ​ളി​ലെ​ത്തി അ​മ്മ​ക്ക്​ സു​ഖ​മി​​ല്ലെ​ന്നും ആ​ശു​പ​ത്രി​യി​ൽ കൊ​ണ്ടു​പോ​ക​ണ​മെ​ന്നും പ​റ​ഞ്ഞ്​ സ്കൂ​ൾ അ​ധി​കൃ​ത​രു​ടെ അ​നു​വാ​ദം വാ​ങ്ങി കൂ​ട്ടി​​ക്കൊ​ണ്ടു​​വ​രു​ക​യാ​യി​രു​ന്നു. മാ​താ​വി​ല്ലാ​ത്ത സ​മ​യം​നോ​ക്കി വീ​ട്ടി​ലെ​ത്തി​ച്ച്​​ കൊ​ല​പ്പെ​ടു​ത്തു​ക​യാ​യി​രു​ന്നു. കോ​യി​പ്പു​റം പൊ​ലീ​സ് ര​ജി​സ്​​റ്റ​ർ ചെ​യ്ത കേ​സി​ൽ കോ​ഴ​ഞ്ചേ​രി പൊ​ലീ​സ് സി.​ഐ ആ​യി​രു​ന്ന ദി​ലീ​പ് ഖാ​നാ​ണ് കേ​സ്​ അ​ന്വേ​ഷി​ച്ച് കു​റ്റ​പ​ത്രം ഹാ​ജ​രാ​ക്കി​യ​ത്. കേ​സി​ൽ പ്രോ​സി​ക്യൂ​ഷ​ൻ ഭാ​ഗ​ത്തു​നി​ന്ന്​ 17 സാ​ക്ഷി​ക​ളെ വി​സ്ത​രി​ക്കു​ക​യും 24 രേ​ഖ​ക​ൾ തെ​ളി​വാ​യി സ്വീ​ക​രി​ക്കു​ക​യും ചെ​യ്തു. 

ഭാ​ര്യ​യു​ടെ ചാ​രി​ത്ര്യ​ത്തി​ൽ സം​ശ​യ​മു​ണ്ടാ​യി​രു​ന്ന പ്ര​തി പി​തൃ​ത്വം സം​ശ​യി​ച്ചാ​ണ് ക്രൂ​ര​മാ​യി കു​ഞ്ഞി​െ​ന കൊ​ന്ന​ത്. പ്ര​തി മ​നോ​രോ​ഗി​യാ​ണെ​ന്നും ഈ ​വി​ഭ്രാ​ന്തി​യി​ലാ​ണ് കു​റ്റ​കൃ​ത്യം ചെ​യ്തെ​ന്നും ആ​യി​രു​ന്നു പ്ര​തി​ഭാ​ഗം അ​ഭി​ഭാ​ഷ​ക​ൻ കോ​ട​തി​യി​ൽ തെ​ളി​യി​ക്കാ​ൻ ശ്ര​മി​ച്ച​ത്.

എ​ന്നാ​ൽ, കൃ​ത്യം ന​ട​ത്തി​യ സ​മ​യം പ്ര​തി​ക്ക് മ​നോ​രോ​ഗം ഇ​ല്ലാ​യി​രു​ന്നു​വെ​ന്ന പ്രോ​സി​ക്യൂ​ഷ​ൻ വാ​ദ​വും തെ​ളി​വു​ക​ളും അം​ഗീ​ക​രി​ച്ചാ​ണ് പ​ത്ത​നം​തി​ട്ട അ​ഡീ​ഷ​ന​ൽ ജി​ല്ല ആ​ൻ​ഡ്​​ സെ​ഷ​ൻ​സ് കോ​ട​തി നാ​ല്​ ജ​ഡ്ജ് സാ​നു എ​സ്. പ​ണി​ക്ക​ർ ശി​ക്ഷ വി​ധി​ച്ച​ത്. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ ജി​ല്ല ഗ​വ. പ്ലീ​ഡ​ർ ആ​ൻ​ഡ്​ പ​ബ്ലി​ക് പ്രോ​സി​ക്യൂ​ട്ട​ർ, അ​ഡ്വ. രേ​ഖ ആ​ർ. നാ​യ​ർ ഹാ​ജ​രാ​യി.
Loading...
COMMENTS