വിനോദയാത്രയെ തുടർന്നുണ്ടായ വൈരാഗ്യം; യുവാവ് കുത്തേറ്റുമരിച്ചു

പറവൂർ: പുത്തൻവേലിക്കരയിൽ യുവാവ് കുത്തേറ്റുമരിച്ചു. കൂടെ ഉണ്ടായിരുന്ന യുവാവിനെ ഗുരുതരാവസ്ഥയിൽ തൃശൂരിലെ ആശുപ ത്രിയിൽ പ്രവേശിപ്പിച്ചു. പുത്തൻവേലിക്കര നമ്പ്രാത്ത് ശെൽവരാജി​െൻറ മകൻ സംഗീത് (19) ആണ് മരിച്ചത്. ഒളാട്ടുപുറത്ത് ഫ ്രാൻസിസി​െൻറ മകൻ ക്ലിൻറാണ് (26) ആശുപത്രിയിലുള്ളത്. ഞായറാഴ്ച രാത്രി ഒമ്പതരയോടെ പടയാമ്പിലാണ് സംഭവം. സംഭവത്തിൽ കൃഷ ്ണദേവ്, ജെഫ്രിൻ എന്നിവർക്കെതിരെ കേസെടുത്തു. ഒരാളെ കസ്​റ്റഡിയിൽ എടുത്തതായി സൂചനയുണ്ട്.

ബൈക്കിൽ സഞ്ചരിക്കുകയായിരുന്ന സംഗീതിനെയും ക്ലിൻറിനെയും വഴിയിൽ തടഞ്ഞുനിർത്തി കുത്തി പരിക്കേൽപിക്കുകയായിരുന്നു. കുത്തേറ്റശേഷവും ഇരുവരും ബൈക്കിൽ താലൂക്ക് ആശുപത്രിയിൽ എത്തിച്ചേരാൻ ശ്രമിച്ചുവെങ്കിലും പുത്തൻവേലിക്കര ബസാറിൽ എത്തിയപ്പോഴേക്കും റോഡിൽ വീഴുകയായിരുന്നു. നാട്ടുകാർ സംഗീതിനെ കൊടുങ്ങല്ലൂരിലെ സ്വകാര്യ ആശുപത്രിയിൽ എത്തി​െച്ചങ്കിലും മരിച്ചു. ക്ലിൻറിനെ വിദഗ്ധ ചികിത്സക്കായി തൃശൂർക്ക് കൊണ്ടുപോയി.

സുഹൃത്തുക്കൾ തമ്മിലുണ്ടായ നിസ്സാര തർക്കം കൊലപാതകത്തിൽ കലാശിക്കുകയായിരുന്നു. വിനോദയാത്രയെ തുടർന്നുണ്ടായ വൈരാഗ്യമാണ് കത്തിക്കുത്തിനും മരണത്തിനും കാരണമായതെന്ന് പറയുന്നു. സംഗീതി​െൻറ മൃതദേഹം സംസ്കരിച്ചു. മാതാവ്​: ബിന്ദു.