Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅമ്മയുടെ...

അമ്മയുടെ മദ്യപാനത്തിനിടെ ചോർന്നു;​ മകനെ കൊന്ന്​ കുഴിച്ച്​ മൂടിയത്​: കൊലപാതക വിവരം പുറത്തായതിങ്ങനെ

text_fields
bookmark_border
അമ്മയുടെ മദ്യപാനത്തിനിടെ ചോർന്നു;​ മകനെ കൊന്ന്​ കുഴിച്ച്​ മൂടിയത്​: കൊലപാതക വിവരം പുറത്തായതിങ്ങനെ
cancel
camera_alt

കൊല്ലപ്പെട്ട ഷാജി

അഞ്ചൽ: മൂന്ന് വർഷത്തോളം മൂടപ്പെട്ടുകിടന്ന കൊലപാതകത്തിന്​ കാരണമായതും ഒടുവിൽ തുമ്പുണ്ടായതും മദ്യലഹരിയിൽ. 2018ലെ തിരുവോണനാളിൽ ഏരൂരിലെ കുടുംബവീട്ടിൽ മാതാവ്​ പൊന്നമ്മയേയും ജ്യേഷ്ഠനെയും സന്ദർശിക്കാനെത്തിയതായിരുന്നു സജിൻ പീറ്ററും ഭാര്യ ആര്യയും. ഉച്ചയൂണിന് ശേഷം ജ്യേഷ്ഠാനുജന്മാർ മദ്യപിച്ചു. അമിതമായി മദ്യപിച്ച അവിവാഹിതനായ ഷാജി പീറ്റർ അനുജ​െൻറ ഭാര്യയോട് അപമര്യാദയായി പെരുമാറിയത് സജിൻ പീറ്റർ ചോദ്യം ചെയ്തതിനെത്തുടർന്ന്​ വാക്കേറ്റമുണ്ടായി. തുടർന്നുണ്ടായ സംഘർഷത്തിലാണ് ഷാജി പീറ്റർ കൊല്ലപ്പെടുന്നത്.

പൊന്നമ്മയുടെ വീട്ടിലെത്തിയ പത്തനംതിട്ട സ്വദേശിയും ബന്ധുവുമായ റോയിയുടെ വെളിപ്പെടുത്തലാണ് കൊലപാതകത്തിന് ഇപ്പോൾ തുമ്പായത്. ഏതാനും ദിവസംമുമ്പ് ഭാരതീപുരത്തെ വീട്ടിലെത്തിയ റോയിയും പൊന്നമ്മയും മദ്യപിക്കുകയുണ്ടായി. ഇരുവരുടെയും സംഭാഷണമധ്യേയാണ് പൊന്നമ്മ കൊലപാതകവിവരം റോയിയോട് പറയുന്നത്.

പിറ്റേന്നുമുതൽ ഈ വിവരം മനസ്സിൽ കൊണ്ടുനടന്നെങ്കിലും മനസ്സമാധാനം കിട്ടാതെയാണ് റോയി വിവരം പത്തനംതിട്ട എസ്.പി ഓഫിസിലെത്തി അറിയിക്കുന്നത്. സഹോദരനേപ്പോലെ കരുതിയ ഷാജിയെ താൻ സ്വപ്നം കണ്ടുവെന്നും സ്വപ്നത്തിൽ ഷാജി തന്നോട് കൊലപാതകവിവരം പറ​െഞ്ഞന്നുമാണ് റോയിയുടെ വെളിപ്പെടുത്തലുണ്ടായത്. പൊന്നമ്മയുടെയും സജിൻ പീറ്ററുടെയും അറസ്​റ്റ്​ രേഖപ്പെടുത്തി. ഇന്ന് കോടതിയിൽ ഹാജരാക്കും. ദൃക്സാക്ഷിയായ ആര്യയിൽനിന്നും കൂടുതൽ തെളിവുകൾ ശേഖരിക്കാനുണ്ടെന്നും തുടർന്ന് മറ്റ് നടപടിയുണ്ടാകുമെന്നും പൊലീസ് അറിയിച്ചു.

Show Full Article
TAGS:murder 
News Summary - murder information came out while the mother was drinking liquor
Next Story