വധശ്രമം: ലീഗ് പ്രവര്‍ത്തകന് മുന്‍കൂര്‍ ജാമ്യം നിഷേധിച്ചു

മഞ്ചേരി: സി.പി.എം പ്രവര്‍ത്തകനെ വധിക്കാൻ ശ്രമിച്ച കേസില്‍ ഒളിവില്‍ കഴിയുന്ന മുസ്​ലിം ലീഗ് പ്രവര്‍ത്തക​​െൻറ മുൻകൂർ ജാമ്യാപേക്ഷ മഞ്ചേരി ജില്ല സെഷന്‍സ് കോടതി തള്ളി. കൊളത്തൂര്‍ പള്ളിയാല്‍കുളമ്പ് മേപ്പറമ്പില്‍ ജാബിറി​​െൻറ (30) ജാമ്യഹരജിയാണ് തള്ളിയത്. 

2017 നവംബര്‍ എട്ടിന് വൈകീട്ട് 7.30ന് പള്ളിയാല്‍കുളമ്പിലാണ് കേസിനാസ്പദമായ സംഭവം. ജാബിര്‍ കടം വാങ്ങിയ പണം തിരികെ ചോദിച്ചതിലുള്ള വിരോധം കാരണം പരാതിക്കാരനും സി.പി.എം പ്രവര്‍ത്തകനുമായ കൂട്ടപ്പിലാവില്‍ മുസ്തഫയെ ലീഗിനെതിരെ പ്രവര്‍ത്തിക്കുന്നെന്നാരോപിച്ച് കൊലപ്പെടുത്താന്‍ ശ്രമിച്ചെന്നാണ് കേസ്.