Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകൊലപാതക കേസിലെ പ്രതി...

കൊലപാതക കേസിലെ പ്രതി കഞ്ചാവുമായി പിടിയിൽ

text_fields
bookmark_border
കൊലപാതക കേസിലെ പ്രതി കഞ്ചാവുമായി പിടിയിൽ
cancel

കൊല്ലം: കൊലപാതകം ഉൾപ്പെടെ നിരവധി ക്രിമിനൽ കേസുകളിലെ പ്രതിയെ കഞ്ചാവുമായി എക്സൈസ് പിടികൂടി. ഒന്നര കിലോയോളം കഞ്ചാവുമായി പ്രാക്കുളം ചന്തമുക്ക് വിളയിൽശ്ശേരി വീട്ടിൽ രാജേഷിനെ (39-രാജപ്പൻ) ആണ് കൊല്ലം എക്‌സൈസ് സർക്കിൾ ഇൻസ്പെക്ടറും സംഘവും സാഹസികമായി പിടികൂടിയത്. ഗോസ്തലക്കാവ് കൊലപാതക കേസ് ഉൾപ്പെടെ നിരവധി ക്രിമിനൽ കേസിലെ പ്രതിയാണ് രാ​േജഷ്​.

എക്സൈസ് സംഘം കാഞ്ഞാവെളി കൊന്നമുക്കിന് സമീപം വാഹനപരിശോധന നടത്തവെ കാഞ്ഞാവെളി ഭാഗത്ത് നിന്ന് ബുള്ളറ്റിൽ കഞ്ചാവുമായി വന്ന രാജേഷ് വെട്ടിച്ചു കടന്നുകളയാൻ ശ്രമിച്ചെങ്കിലും പിന്തുടർന്ന് കീഴ്പ്പെടുത്തി. രണ്ടു കിലോ കഞ്ചാവ് 50000 രൂപക്ക്​ തമിഴ്നാട്ടുകാരനിൽ നിന്നും വാങ്ങി ഗ്രാമിന്​ 500 രൂപ നിരക്കിലാണ് വിൽപന നടത്തിവന്നിരുന്നത്.

കോവിഡി​​െൻറ പശ്ചാത്തലത്തിൽ ട്രെയിൻ ഗതാഗതം സുഗമമല്ലാത്തതിനാൽ തമിഴ്നാട്ടിൽ പോയി വൻതോതിൽ കഞ്ചാവ് കടത്തി വിൽപന നടത്തി വന്നിരുന്നവരുടെ പക്കൽ ശേഖരം കുറവാണ്​. ഇതുകാരണം മറ്റ് മാർഗങ്ങളിലൂടെ അയൽസംസ്ഥാനങ്ങളിൽ നിന്നും മറ്റും കടത്തിക്കൊണ്ടുവരുന്നതിന്​ വൻ ഡിമാൻഡാണുള്ളത്. 

വിഡിയോകോൺഫറൻസ് മുഖാന്തരം കോടതിയിൽ ഹാജരാക്കിയ പ്രതിയെ റിമാൻഡ്​ ചെയ്തു.എക്സൈസ് ഇൻസ്പെക്ടർ ടി. രാജീവ്, സിവിൽ എക്സൈസ് ഓഫിസർമാരായ ശ്രീനാഥ്, വിഷ്ണു, കബീർ, ഡ്രൈവർ നിതിൻ എന്നിവരും പരിശോധകസംഘത്തിലുണ്ടായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala news
News Summary - murder case accused arrested with ganjaa -kerala news
Next Story