പെരിയക്കുടി കൊലപാതകം; പ്രതിയുമായി തെളിവെടുപ്പ് നടത്തി

മ​റ​യൂ​ർ: പെ​രി​യ​ക്കു​ടി​യി​ൽ ഉ​റ​ങ്ങി​ക്കി​ട​ന്ന യു​വാ​വി​നെ ത​ല​ക്ക​ടി​ച്ചും വാ​യി​ൽ ക​മ്പി കു​ത്തി​യി​റ​ക്കി​യും കൊ​ല​പ്പെ​ടു​ത്തി​യ പ്ര​തി​യു​മാ​യി പൊ​ലീ​സ് തെ​ളി​വെ​ടു​പ്പ് ന​ട​ത്തി. കാ​ന്ത​ല്ലൂ​ര്‍ തീ​ര്‍ഥ​മ​ല മു​തു​വാ​ക്കു​ടി സ്വ​ദേ​ശി ര​മേ​ശി​നെ​ (27) കൊ​ല​പ്പെ​ടു​ത്തി​യ പ്ര​തി​യും ര​മേ​ശി​ന്‍റെ അ​മ്മാ​വ​ന്‍ സു​ബ്ബ​രാ​ജി​ന്‍റെ മ​ക​നു​മാ​യ സു​രേ​ഷു​മാ​യാ​ണ്​ (23) ഞാ​യ​റാ​ഴ്ച മ​റ​യൂ​ർ എ​സ്.​എ​ച്ച്.​ഒ പി.​ടി. ബി​ജോ​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം തെ​ളി​വെ​ടു​പ്പ് ന​ട​ത്തി​യ​ത്.

കൊ​ല​പാ​ത​ക ​ശേ​ഷം ച​ന്ദ​ന റി​സ​ർ​വി​നു​ള്ളി​ൽ ഒ​ളി​പ്പി​ച്ചു​വെ​ച്ച ക​മ്പി തെ​ളി​വെ​ടു​പ്പി​നി​ടെ പൊ​ലീ​സ്​ ക​ണ്ടെ​ടു​ത്തു. വെ​ള്ളി​യാ​ഴ്ച രാ​ത്രി പ​ത്ത​ര​യോ​ടെ​യാ​ണ് സു​രേ​ഷ് ര​മേ​ശി​നെ അ​തി​ദാ​രു​ണ​മാ​യി കൊ​ല​പ്പെ​ടു​ത്തു​ന്ന​ത്. ഒ​രു​മാ​സ​മാ​യി പെ​രി​യ​ക്കു​ടി​യി​ൽ താ​മ​സി​ച്ച്​ കൃ​ഷി​സ്ഥ​ല​ത്ത് കൃ​ഷി​യി​റ​ക്കി വ​ര​വെ​യാ​ണ് സു​രേ​ഷ്​ ര​മേ​ശി​ന്‍റെ വീ​ട്ടി​ൽ താ​മ​സം തു​ട​ങ്ങി​യ​ത്.

രാ​ത്രി ഇ​രു​വ​രും ത​മ്മി​ൽ വാ​ക്​​ത​ർ​ക്കമുണ്ടായി. പി​ന്നീ​ട്​ ര​ണ്ടു​പേ​രും പി​രി​ഞ്ഞു​പോ​യെ​ങ്കി​ലും രാ​ത്രി പ​ത്ത​ര​യോ​ടെ ഉ​റ​ങ്ങി​ക്കി​ട​ന്ന ര​മേ​ശി​നെ നി​ർ​മാ​ണ​ത്തി​ലി​രി​ക്കു​ന്ന വീ​ട്ടി​ൽ​നി​ന്ന് സം​ഘ​ടി​പ്പി​ച്ച ക​മ്പി​ക​ഷ്ണ​ങ്ങ​ൾ ഉ​പ​യോ​ഗി​ച്ച് മു​ഖ​ത്ത​ടി​ച്ച് ച​ത​ക്കു​ക​യും വാ​യി​ൽ ഒ​രു ക​മ്പി കു​ത്തി​യി​റ​ക്കു​ക​യു​മാ​യി​രു​ന്നു. വൈ​കീ​ട്ടോ​ടെ കോ​ട​തി​യി​ൽ ഹാ​ജ​രാ​ക്കി.