മുരളിയുടെ മണ്ഡല മാറ്റം പ്രചാരണം തുടങ്ങിയ ശേഷം

പേ​രാ​മ്പ്ര: വ​ട​ക​ര ലോ​ക്സ​ഭ മ​ണ്ഡ​ല​ത്തി​ലെ സി​റ്റി​ങ് എം.​പി​യാ​യ കെ. ​മു​ര​ളീ​ധ​ര​ൻ ഇ​ത്ത​വ​ണ​യും വ​ട​ക​ര​യി​ൽ നി​ന്നു​ത​ന്നെ ജ​ന​വി​ധി തേ​ടു​മെ​ന്നു​റ​പ്പി​ച്ച് യു.​ഡി.​എ​ഫ് പ്ര​വ​ർ​ത്ത​ക​ർ നേ​ര​ത്തെ പ്ര​ചാ​ര​ണ രം​ഗ​ത്തി​റ​ങ്ങി​യി​രു​ന്നു. പ​ല​യി​ട​ങ്ങ​ളി​ലും ബോ​ർ​ഡു​ക​ൾ ഉ​ൾ​പ്പെ​ടെ സ്ഥാ​പി​ച്ചു ക​ഴി​ഞ്ഞി​രു​ന്നു. എ​ന്നാ​ൽ, പ​ത്മ​ജ വേ​ണു​ഗോ​പാ​ലി​ന്റെ ബി.​ജെ.​പി​യി​ലേ​ക്കു​ള്ള ചു​വ​ടു​മാ​റ്റ​ത്തെ​ത്തു​ട​ർ​ന്ന് മു​ര​ളി​യെ തൃ​ശൂ​ർ മ​ണ്ഡ​ല​ത്തി​ലേ​ക്ക് മാ​റ്റി​യ​തോ​ടെ അ​ണി​ക​ളു​ടെ ഇ​തു​വ​രെ​യു​ള്ള പ്ര​വ​ർ​ത്ത​നം വൃ​ഥാ​വി​ലാ​യി.

പേ​രാ​മ്പ്ര​യി​ൽ ആ​യി​ര​ത്തോ​ളം ബോ​ർ​ഡു​ക​ളാ​ണ് മു​ര​ളീ​ധ​ര​നാ​യി ഇ​റ​ക്കി​യ​ത്. ഇ​തി​ൽ കു​റ​ച്ചു​ബോ​ർ​ഡു​ക​ൾ സ്ഥാ​പി​ക്കു​ക​യും ചെ​യ്തി​രു​ന്നു. മു​ര​ളി മ​ണ്ഡ​ലം മാ​റു​ന്ന​തി​ൽ ചെ​റി​യ അ​തൃ​പ്തി അ​ണി​ക​ൾ​ക്കു​ണ്ടെ​ങ്കി​ലും ആ​രും പ​ര​സ്യ​മാ​ക്കു​ന്നി​ല്ല. മു​ര​ളി മാ​റി​യ​തി​നെ​ക്കു​റി​ച്ച് പേ​രാ​മ്പ്ര​യി​ലെ ഒ​രു യു.​ഡി.​വൈ.​എ​ഫ് നേ​താ​വി​നോ​ട് ചോ​ദി​ച്ച​പ്പോ​ൾ മു​ര​ളി​യാ​ണെ​ങ്കി​ൽ കു​റ​ച്ച് പ​ണി​യെ​ടു​ത്താ​ൽ മ​തി​യെ​ന്നാ​യി​രു​ന്നു. എ​ന്നാ​ൽ, പു​തി​യ ആ​ളാ​വു​മ്പോ​ൾ ന​ന്നാ​യി അ​ധ്വാ​നി​ക്ക​ണം. ഷാ​ഫി പ​റ​മ്പി​ൽ ആ​ണെ​ങ്കി​ൽ യു​വാ​ക്ക​ൾ​ക്കി​ട​യി​ൽ ഒ​രു ത​രം​ഗ​മു​ണ്ടാ​ക്കു​മെ​ന്നും നേ​താ​വ് പ​റ​ഞ്ഞു. ഇ​ത്ത​രം പ്ര​തി​ക​ര​ണ​ങ്ങ​ൾ അ​ല്ലാ​തെ വ​ലി​യ എ​തി​ർ​പ്പൊ​ന്നും മു​ന്ന​ണി അ​ണി​ക​ൾ​ക്കി​ട​യി​ൽ കാ​ണാ​നി​ല്ല.

മു​ര​ളീ​ധ​ര​ന്റെ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് എ​ത്തി​ച്ച ര​ണ്ടു​കെ​ട്ട് ബാ​ന​റു​ക​ൾ വെ​ള്ളി​യാ​ഴ്ച രാ​വി​ലെ പേ​രാ​മ്പ്ര ബ​സ് സ്റ്റാ​ൻ​ഡി​നു​സ​മീ​പ​ത്ത് അ​നാ​ഥ​മാ​യി കി​ട​ന്നി​രു​ന്നു. യു.​ഡി.​എ​ഫി​ൽ അ​നി​ശ്ചി​ത​ത്വം തു​ട​രു​മ്പോ​ഴും എ​ൽ.​ഡി.​എ​ഫ് സ്ഥാ​നാ​ർ​ഥി കെ.​കെ. ശൈ​ല​ജ മ​ണ്ഡ​ല​ത്തി​ൽ സ​ജീ​വ​മാ​ണ്. പേ​രാ​മ്പ്ര മ​ണ്ഡ​ല​ത്തി​ൽ അ​വ​ർ ആ​ദ്യ ഘ​ട്ട പ്ര​ചാ​ര​ണം ന​ട​ത്തി.