മൂന്നാറിലെ കൈ​േയറ്റ ഭൂമി തിരിച്ചുപിടിച്ച ശ്രീറാം വെങ്കിട്ടരാമ​േൻറത്​ ധീരമായ നടപടി -വി.എസ്​

തിരുവനന്തപുരം:  മൂന്നാറിലെ കൈയേറ്റ ഭൂമി തിരിച്ചുപിടിക്കാൻ ശ്രീറാം വെങ്കട്ടരാമൻ നടത്തിയത്​ ധീരമായ നടപടികളെന്ന്​ ഭരണപരിഷ്​കാര കമീഷൻ അധ്യക്ഷൻ വി.എസ്. അച്യുതാനന്ദൻ. മൂന്നാറിലെ ഭൂമി തിരിച്ചുപിടിക്കാൻ  2006 ലെ എൽ.‌ഡി.എഫ്. സർക്കാറാണ്​ ശ്രമം ആരംഭിച്ചത്​.  പലകാരണങ്ങളാൽ അതു മുടങ്ങിപ്പോവുകയായിരുന്നു. എന്നാൽ, പല തലത്തിൽനിന്നുണ്ടായ എതിർപ്പുകൾ അവഗണിച്ചാണ്​ ശ്രീറാം  ആ ഭൂമി തിരികെ പിടിക്കാനായി ധീരമായി രംഗത്തിറങ്ങിയതെന്ന്​ വി.എസ്​ പറഞ്ഞു. ഉമ്മാശ്ശേരി മാധവൻ ചാരിറ്റബിൾ ട്രസ്‌റ്റ് ഏർപ്പെടുത്തിയ പുരസ്‌കാരം എംപ്ലോയ്​മ​​െൻറ്​ ഡയറക്​ടർ ശ്രീറാം വെങ്കിട്ടരാമന് നൽകി സംസാരിക്കുകയായിരുന്നു അച്യുതാനന്ദൻ. ജനങ്ങളോടുള്ള പ്രതിബദ്ധതയും ആത്മാർഥതയും സ്വന്തം കഴിവിനെ നയിക്കു​േമ്പാൾ ആരും പേടിക്കേണ്ടതില്ല. മൂന്നാറിൽ സർക്കാറി​​​െൻറ ഏക്കറുകണക്കിന്​ ഭൂമി ചെറുകിട, വൻകിട കൈയേറ്റക്കാ’ർ വച്ചിരിക്കുമ്പോൾ പതിനായിരക്കണക്കിന് ദലിതരും ആദിവാസികളും ഭൂമിയില്ലാതെ അലയുകയാണ്​. 

മറയൂരിലെ 2500ലേറെ ആദിവാസി കുട്ടികൾക്ക് ജനന സർട്ടിഫിക്കറ്റ് നൽകാൻ ശ്രീറാം നടപടിയെടുത്തതും​ ശ്രദ്ധേയമാണ്​. തങ്ങൾ ഇവിടെ ജീവിക്കുന്നു എന്നതി​​​െൻറ തെളിവിനായി സർക്കാർ ഒാഫിസുകളിൽ കയിറിയിറങ്ങി ജീവിതം ‘തുരുമ്പെടുത്ത’ ആദിവാസികൾക്കാണ് ഇൗ നടപടിയിലൂടെ അദ്ദേഹം പുതിയ പ്രതീക്ഷ നൽകിയത്.  ചുരുങ്ങിയ കാലം കൊണ്ട്  എങ്ങനെ ജനങ്ങൾക്ക് പ്രയോജനകരമായ കാര്യങ്ങൾ ചെയ്യാമെന്നത് കാട്ടിത്തന്നിരിക്കുകയാണ് ശ്രീറാം വെങ്കിട്ടരാമനെന്നും വി.എസ് പറഞ്ഞു. 

ത​​​െൻറ ജീവിതത്തിലെ ഏറ്റവും നിർണായകമായ നിമിഷമാണിതെന്ന്​ പുരസ്​കാരം ഏറ്റുവാങ്ങിയ ശ്രീറാം വെങ്കിട്ടരാമൻ പറഞ്ഞു. വിദ്യാർഥിയായിരുന്ന കാലം മുതൽ വി.എസ്​. അച്യുതാനന്ദനെ കാണണമെന്ന്​ ആഗ്രഹിച്ചിരുന്നു. ഇപ്പോൾ അദ്ദേഹത്തി​​​െൻറ കൈയിൽനിന്ന്​ പുരസ്​കാരം വാങ്ങാൻ സാധിച്ചത്​ മറക്കാനാകാത്ത അനുഭവമാണെന്നും കൂട്ടി​േച്ചർത്തു. 
ട്രസ്‌റ്റ് ചെയർമാൻ ബാബു ഉമ്മാശ്ശേരി അധ്യക്ഷതവഹിച്ചു. മുൻ ചീഫ് സെക്രട്ടറി സി.പി. നായർ , ധന്യാരാമൻ, ചുനക്കര ജനാർദനൻ നായർ എന്നിവർ പങ്കെടുത്തു. ചടങ്ങിൽ മുൻ പുരസ്‌കാര ജേതാക്കളായ തെരുവോരം മുരുകൻ, പുനലൂർ സോമരാജൻ, അശ്വതി ജ്വാല എന്നിവരെ ആദരിച്ചു. പ്രസിഡൻറ്​  ജെ. സോമൻ സ്വാഗതവും  സെക്രട്ടറി രാജേന്ദ്രൻ അക്ഷര നന്ദിയും പറഞ്ഞു.