സ്വന്തം ഓട്ടോറിക്ഷ ആംബുലൻസാക്കി നഗരസഭ കൗൺസിലർ

പരവൂർ: സ്വന്തം ഓട്ടോറിക്ഷ താത്കാലിക ആംബുലൻസ് ആക്കി സൗജന്യ സേവനത്തിനിറങ്ങിയ യുവാവായ നഗരസഭ കൗൺസിലർ മാതൃകയാകുന്നു. പരവൂർ നഗരസഭയിലെ പെരുമ്പുഴ വാർഡ് കൗൺസിലറായ വിജയ് പരവൂരാണ് തന്‍റെ വാഹനം ആംബുലൻസ് ആക്കിയത്. യൂത്ത്​ കോൺഗ്രസ്​ നേതാവ്​ കൂടിയാണ്​ വിജയ്​.

തന്‍റെ ചെറിയ വരുമാനത്തിൽ നിന്നും തുക ചെലവഴിച്ച് സൗജന്യമായാണ് സേവനം നടത്തുന്നത്. രോഗിയെ ആശുപത്രിയിൽ കൊണ്ടുപോകാനും മറ്റാവശ്യങ്ങൾക്കും എപ്പോൾ വിളിച്ചാലും പി.പി.ഇ കിറ്റ് ധരിച്ച് വിജയ് സ്ഥലത്തേത്തും. ഇത് ഒട്ടേറെ ആളുകൾക്ക് അനുഗ്രഹമാകുന്നുണ്ട്.