Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightമുനവ്വറലി തങ്ങൾ...

മുനവ്വറലി തങ്ങൾ തണലായി; കുവൈത്തിൽ മരണശിക്ഷ കാത്ത്​ കിടന്ന അർജുൻ ജീവിതത്തിലേക്ക്​

text_fields
bookmark_border
മുനവ്വറലി തങ്ങൾ തണലായി; കുവൈത്തിൽ മരണശിക്ഷ കാത്ത്​ കിടന്ന അർജുൻ ജീവിതത്തിലേക്ക്​
cancel

മലപ്പുറം: ‘‘നീങ്ക സെഞ്ച ഉദവി നാൻ മറക്കമാ​െട്ട.’’ തമിഴ്​നാട്ടി​ലെ മാവട്ടം പട്ടുകോ​​ൈട്ട അത്തിവെട്ടിയിൽ നിന്നെത്തിയ മാലതി ഇടറിയ ശബ്​ദത്തിൽ ഇതു പറയു​േമ്പാൾ മലപ്പുറം പ്രസ്​ ക്ലബ്​ മനുഷ്യപ്പറ്റി​​​െൻറ മഹത്തായ മാതൃകക്ക്​ സാക്ഷിയാവുകയായിരുന്നു. കുവൈത്തിൽ വധശിക്ഷ വിധിക്കപ്പെട്ട്​ കഴിയുന്ന മാലതിയുടെ ഭർത്താവ്​ അർജു​​​െൻറ മോചനത്തിനാവശ്യമായ 25 ലക്ഷം രൂപയു​െട ചെക്കുകൾ ബുധനാഴ്​ച രാവിലെ നടന്ന ചടങ്ങിൽ പാണക്കാട്​ ഹൈദരലി ശിഹാബ്​ തങ്ങളിൽ നിന്ന്​ വിറക്കുന്ന കൈകളിൽ വാങ്ങിയ ശേഷം മാധ്യമ പ്രവർത്തകരോട്​ സംസാരിച്ച അവർക്ക്​ വാക്കുകൾ മുറിഞ്ഞു. 

​ആദ്യമായി ഒരു ചടങ്ങിൽ സംസാരിക്കുന്നതി​​​െൻറ അങ്കലാപ്പ്​ ആ മുഖത്തുണ്ടായിരുന്നു. ഒന്നുരണ്ടു വാചകങ്ങളിൽ അത്​ അവസാനിച്ചു. മാലതിയുടെ പുരുഷനെ ജീവിതത്തിലേക്ക്​ മരണത്തി​​​െൻറ മുന്നിൽ നിന്ന്​ തിരിച്ചു നടത്തിക്കുന്നതിന്​ ഒപ്പം നിന്ന പാണക്കാട്​ മുനവ്വറലി തങ്ങളുടെ സാന്നിധ്യത്തിൽ മാലതിയുടെയും അച്ചൻ ദുരൈ രാജി​​​െൻറയും കണ്ണുകൾ പലപ്പോഴും നിറഞ്ഞു. ഏക മകൾ പൂജക്ക്​ അച്ഛനെ തിരിച്ചു നൽകുന്നതിന്​ കാരണക്കാരായവരെ അവർ കണ്ണിമ വെട്ടാതെ നോക്കിയിരുന്നു. തമിഴ്​നാട്ടിൽ നിന്നുള്ള കുടുംബത്തെ കേരളത്തിലെത്തിച്ച മാവട്ടം സ്വദേശി മുഹമ്മദലിയും ചടങ്ങിൽ സന്നിഹിതനായിരുന്നു. 

2013ലാണ്​ മാലതിയുടെയും മകളുടെയും ജീവിതത്തിൽ ഇരുൾ വീഴ്​ത്തിയ സംഭവമുണ്ടായത്​. ശുചീകരണ ജോലിക്കായി കുവൈത്തിലെത്തിയ ഭർത്താവി​​​െൻറ കൈപ്പിഴയിൽ മലപ്പുറം രാമപുരം സ്വദേശി കൊല്ലപ്പെടുകയായിരുന്നു. അർജുൻ കുവൈത്തിലെത്തി ഏതാനും മാസങ്ങൾക്കകമാണ്​ കൊലപാതകം നടന്നത്​. കോടതി വധശിക്ഷ വിധിക്കുകയും ചെയ്​തു. കൊല്ലപ്പെട്ടയാളുടെ കുടുംബം മാപ്പു നൽകിയാൽ വധശിക്ഷയിൽ നിന്ന്​ രക്ഷപ്പെടുമെന്ന വിവരം കിട്ടിയതോടെ മാലതി അതിനായി ശ്രമം തുടങ്ങിയിരുന്നു. നിർധന കുടുംബത്തി​​​െൻറ ഏക ​ആശ്രയമായിരുന്നു​ അർജു​​​െൻറ കൈപ്പിഴയിൽ ഇല്ലാതായ രാമപുരം സ്വദേശിയും. അതുകൊണ്ട്​ തന്നെ 30 ലക്ഷം രൂപയാണ്​ അവർ നഷ്​ടപരിഹാരമായി ആവശ്യപ്പെട്ടത്​. 

മാലതി എത്ര ഒാടിയിട്ടും ലഭിച്ചത്​ അഞ്ചു ലക്ഷം രൂപയായിരുന്നു. അവരുടെ നിസ്സഹായാവസ്​ഥ വാർത്തയായതോടെയാണ്​ പാണക്കാട്​ മുനവ്വറലി തങ്ങൾ മുന്നിട്ടിറങ്ങിയത്​. പാണക്കാ​െട്ട വീട്ടിലിരുന്ന്​ ​േഫാണിൽ ബന്ധപ്പെട്ടപ്പോൾ ഒറ്റ രാത്രികൊണ്ട്​ തന്നെ ആവശ്യമായ തുക നൽകാൻ മനുഷ്യസ്​നേഹികളായ അദ്ദേഹത്തി​​​െൻറ സുഹൃത്തുക്കൾ സന്നദ്ധരായി. സഹ്​റാനി ഗ്രൂപ്പി​​​െൻറ മേധാവി പട്ടർക്കടവൻ അബ്​ദുറഹ്​മാൻ എന്ന കുഞ്ഞാനും മകൻ റഹീമും 10 ലക്ഷം രൂപയാണ്​ വാഗ്​ദാനം ചെയ്​തത്​. ബംഗളൂരു എം.എൽ.എയും മലയാളിയുമായ എൻ.എ. ഹാരിസ്​ ഫൗണ്ടേഷ​​​െൻറ വക അഞ്ചു ലക്ഷം, തൃ​ശൂർ മാള ആസ്ഥാനമായി പ്രവർത്തിക്കുന്ന എ.എം.പി ഫൗണ്ടേഷൻ, കുവൈത്തിലെ സ്​റ്റെർലിങ്​ ഫൗണ്ടേഷൻ, സാലിം മണി എക്​സ​്​​േചഞ്ച്​, പേരു പരാമർശിക്കാനാഗ്രഹിക്കാത്ത ചിലർ എന്നിവരാണ്​ രക്ഷകരായി എത്തിയത്​. 

വ്യാഴാഴ്​ച പാണക്കാ​െട്ട വസതിയിൽ വെച്ച്​ ഇരുകുടുംബാംഗങ്ങളുടെയും സാന്നിധ്യത്തിൽ തുക കൈമാറും. കുടുംബം മാപ്പു നൽകിയതി​​​െൻറയും പണം കൈമാറിയതി​​​െൻറയും രേഖകൾ എംബസി വഴി കുവൈത്ത്​ അധികൃതർക്ക്​ കൈമാറിയാൽ അർജു​​​െൻറ വധശിക്ഷ ഒഴിവാകും. അധികം വൈകാതെ ഭർത്താവ്​ ജയിൽ മോചിതനായി വരുമെന്ന പ്രതീക്ഷയിലാണ്​ മാലതി തമിഴ്​നാട്ടിലേക്ക്​ മടങ്ങുന്നത്​. 

 

Show Full Article
TAGS:munavvar ali thangal tamil man death penalty kerala news malayalam news 
Next Story