ശശി തരൂരിനെ പിന്തുണച്ച്​ മുനവ്വറലി തങ്ങൾ

തിരുവനന്തപുരം: മോദി അനുകൂല പരാമർശത്തിൽ ശശി തരൂരിനെ പിന്തുണച്ച്​ യൂത്ത്​ ലീഗ്​ സംസ്ഥാന പ്രസിഡൻറ്​ മുനവ്വറല ി ശിഹാബ്​ തങ്ങൾ. ശശി തരൂരിൻെറ പുസ്​തകം വായിക്കുന്ന ചിത്രം ഫേസ്​ബുക്കിൽ പോസ്​റ്റ്​ ചെയ്​താണ്​ മുനവ്വറലി പിന്തുണ അറിയിച്ചത്​.

ഫാസിസത്തിൻെറ സ്വഭാവവും അത്​ എ​ങ്ങനെയാണ്​​ ഇന്ത്യൻ ജനാധിപത്യത്തിന്​ അന്ത്യം കുറിക്കുന്നതെന്നും തരൂർ പുസ്​തകത്തിൽ കൃത്യമായി വിവരിക്കുന്നുണ്ട്​. കേന്ദ്രസർക്കാറും പ്രധാനമന്ത്രിയും നടത്തുന്ന നീതി നിഷേധങ്ങൾക്കെതിരെ പാർലമ​െൻറിനകത്തും പുറത്തും നിരന്തരമായി ശബ്​ദിച്ചയാളാണ്​ തരൂർ. അദ്ദേഹത്തിൻെറ നിലപാട്​ ശക്​തമാണ്​​. ഒരു ഗൂഢാലോചനക്കും തരൂരിനെ തകർക്കാൻ സാധിക്കില്ലെന്ന്​ മുനവ്വറലി ഫേസ്​ബുക്കിൽ കുറിച്ചു.