മുനമ്പം നിവാസികളെ കുടിയൊഴിപ്പിക്കുക പ്രായോഗികമല്ല; സമവായത്തിലൂടെ പ്രശ്നം പരിഹരിക്കണം, കോടതി വിധി എതിരായാൽ ഭൂമി സർക്കാർ ഏറ്റെടുക്കണം -ശിപാർശകൾ വിവരിച്ച് ജസ്റ്റിസ് രാമചന്ദ്രൻ നായർ

കൊച്ചി: മുനമ്പം വഖഫ് ഭൂമിയുമായി ബന്ധപ്പെട്ട് പ്രദേശവാസികളെ കുടിയൊഴിപ്പിക്കുന്നത് പ്രായോഗികമല്ലെന്ന് വസ്തുതാന്വേഷണ കമീഷന്‍. സംസ്ഥാന വഖഫ് ബോർഡുമായി സമവായ ചർച്ചകളിലൂടെ പ്രശ്ന പരിഹാരം ഉണ്ടാക്കണമെന്ന് കമീഷൻ ശിപാർശ ചെയ്യും.

കോടതി വിധി എതിരായാൽ പൊതുതാൽപര്യം മുൻനിർത്തി ഭൂമി ഏറ്റെടുക്കാൻ സംസ്ഥാന സർക്കാറിന് നിയമതടസമില്ലെന്ന് ജസ്റ്റിസ് സി.എൻ. രാമചന്ദ്രൻ നായർ വ്യക്തമാക്കി. മുനമ്പം വഖഫ് ഭൂമിയുമായി ബന്ധപ്പെട്ട് വസ്തുതാന്വേഷണ കമീഷന്‍റെ റിപ്പോർട്ട് അടുത്തയാഴ്ച മുഖ്യമന്ത്രിക്ക് സമർപ്പിക്കും.

കമീഷന്‍റെ പ്രധാന ശിപാർശകൾ:

1. മുനമ്പത്ത് കുടിയൊഴിപ്പിക്കൽ പ്രായോഗികമല്ല, സംസ്ഥാന സർക്കാർ മറ്റ് വഴികൾ തേടണം

2. വഖഫ് ബോർഡും ഫറൂഖ് കോളജ് മാനേജ്മെന്‍റും തമ്മിൽ സർക്കാർ സമവായ ശ്രമങ്ങൾ നടത്തണം

3. ഭൂമി വഖഫ് എന്ന് കണ്ടെത്തിയാൽ അടിയന്തര ഇടപെടൽ വേണം

4. ഭൂമി നിയമപരമായി ഏറ്റെടുത്താൽ ആവശ്യമായ നഷ്ടപരിഹാരം ഉറപ്പാക്കണം

5. മുനമ്പത്തുകാരുടെ ഭൂമിക്ക് എല്ലാ അവകാശങ്ങളും അടിയന്തരമായി പുനഃസ്ഥാപിക്കണം.

മുനമ്പം നിവാസികളെ കുടിയൊഴുപ്പിക്കരുതെന്നാണ് സർക്കാർ നിലപാട്. പുനരധിവാസം പ്രായോഗികമല്ല. നിവാസികളെ മുനമ്പത്ത് തന്നെ നിലനിർത്തേണ്ടതുണ്ട്. ഒന്നെങ്കിൽ മുനമ്പം നിവാസികൾ കേസിൽ തോൽക്കണം, അല്ലെങ്കിൽ വഖഫ് ബോർഡ് ജയിക്കണം. പുതിയ നിയമപ്രകാരം പുറത്താക്കാൻ വഖഫ് ബോർഡിന് അവകാശം കിട്ടിയാൽ സർക്കാർ മുനമ്പം നിവാസികളെ സംരക്ഷിക്കണം. മുനമ്പം നിവാസികളെ എങ്ങനെ സംരക്ഷിക്കാമെന്നാണ് കമീഷൻ ശിപാർശ ചെയ്യുന്നത് -ജസ്റ്റിസ് രാമചന്ദ്രൻ വ്യക്തമാക്കി.

കേസിന് രണ്ട് തലങ്ങളാണുള്ളത്. ഭൂമി വഖഫ് ആണോ അല്ലയോ എന്ന് തീരുമാനിക്കുകയാണ് ഒന്നാമത്തേത്. വഖഫ് ആണെങ്കിൽ പ്രദേശവാസികളെ ഒഴിപ്പിക്കാനും കൈവശപ്പെടുത്താനും അവകാശമുണ്ടെന്ന് കോടതി പറയുകയാണ് രണ്ടാമത്തേത്. ഇത് രണ്ടും കഴിഞ്ഞാൽ പ്രദേശവാസികളെ പുറത്താക്കാതെ ഏത് രീതിയിൽ സംരക്ഷിക്കുക എന്നതാണ് സർക്കാർ നോക്കുക.

വഖഫ് ബോർഡും ഫറൂഖ് കോളജ് മാനേജ്മെന്‍റുമായും സർക്കാർ സമവായ ശ്രമങ്ങൾ നടത്തി പ്രശ്നം പരിഹരിക്കണം. ഇത് സാധ്യമായില്ലെങ്കിൽ പൊതുതാൽപര്യം മുൻനിർത്തി വഖഫ് ഭൂമി സർക്കാർ ഏറ്റെടുക്കണം. ഇതിന് വഖഫ് നിയമത്തിൽ വ്യവസ്ഥയുണ്ട്. നിലവിലെ നിയമത്തിലെ അധികാരം കൊണ്ട് മുനമ്പം നിവാസികളെ സംരക്ഷിക്കാൻ സർക്കാറിന് സാധിക്കും. ഭൂമി ഏറ്റെടുക്കുമ്പോൾ വഖഫ് ബോർഡിന് നഷ്ടമുണ്ടാകും. ഈ നഷ്ടം ബോർഡും സർക്കാരും ചർച്ചയിലൂടെ സമവായത്തിൽ എത്തണം. -ജസ്റ്റിസ് രാമചന്ദ്രൻ നായർ ചാനൽ അഭിമുഖത്തിൽ വ്യക്തമാക്കി.

മു​ന​മ്പം വ​ഖ​ഫ്​ ഭൂ​മിയുമായി ബന്ധപ്പെട്ട ഉ​ട​മ​സ്ഥാ​വ​കാ​ശ പ്ര​ശ്ന​ത്തി​ൽ വസ്തുതാന്വേഷണം നടത്താനാണ് ഹൈ​കോ​ട​തി മു​ൻ ആ​ക്ടി​ങ്​ ചീ​ഫ്​ ജ​സ്റ്റി​സ്​ സി.​എ​ൻ. രാ​മ​ച​ന്ദ്ര​ൻ നാ​യരെ ജു​ഡീ​ഷ്യ​ൽ ക​മീ​ഷ​നായി സം​സ്ഥാ​ന സ​ർ​ക്കാ​ർ നിയോഗിച്ചത്. ക​മീ​ഷ​ൻ മു​ന​മ്പം ഭൂ​മി​യി​ലെ ശ​രി​യാ​യ താ​മ​സ​ക്കാ​രു​ടെ അ​വ​കാ​ശ​ങ്ങ​ളും താ​ൽ​പ​ര്യ​ങ്ങ​ളും എ​ങ്ങ​നെ സം​ര​ക്ഷി​ക്കാ​മെ​ന്ന് അ​ന്വേ​ഷി​ച്ച്​​ റി​പ്പോ​ർ​ട്ട്​ ചെ​യ്യു​ക​യും ഇ​ക്കാ​ര്യ​ത്തി​ൽ സ​ർ​ക്കാ​ർ സ്വീ​ക​രി​ക്കേ​ണ്ട ന​ട​പ​ടി​ക​ൾ ശി​പാ​ർ​ശ ചെ​യ്യു​ക​യും വേ​ണം.

പ​ഴ​യ തി​രു​വി​താം​കൂ​ർ സം​സ്ഥാ​ന​ത്തെ, അ​ന്ന​ത്തെ വ​ട​ക്കേ​ക്ക​ര വി​​ല്ലേ​ജി​ലെ പ​ഴ​യ സ​ർ​വേ ന​മ്പ​ർ 18/1ൽ ​ഉ​ൾ​പ്പെ​ട്ട മു​ന​മ്പ​ത്തെ വ​സ്തു​വി​ന്‍റെ നി​ല​വി​ലെ കി​ട​പ്പ്, സ്വ​ഭാ​വം, വ്യാ​പ്തി എ​ന്നി​വ തി​രി​ച്ച​റി​യു​ക എ​ന്ന​തും ക​മീ​ഷ​ന്‍റെ പ​രി​ഗ​ണ​ന വി​ഷ​യ​മാ​യി നി​ശ്ച​യി​ച്ചി​ട്ടു​ണ്ട്. വി​ജ്ഞാ​പ​നം പ്ര​സി​ദ്ധീ​ക​രി​ച്ച തീ​യ​തി മു​ത​ൽ മൂ​ന്നു​ മാ​സ​ത്തി​ന​കം റി​പ്പോ​ർ​ട്ട്​ സ​ർ​ക്കാ​റി​ന്​ സ​മ​ർ​പ്പി​ക്ക​ണമായിരുന്നു നിർദേശം.

ക​മീ​ഷ​ൻ​സ്​ ഓ​ഫ്​ എ​ൻ​ക്വ​യ​റി ആ​ക്ടി​ലെ അ​ഞ്ചാം വ​കു​പ്പി​ന്‍റെ ര​ണ്ട് മു​ത​ൽ അ​ഞ്ച് വ​രെ​യു​ള്ള ഉ​പ​വ​കു​പ്പു​ക​ൾ പ്ര​കാ​ര​മു​ള്ള അ​ധി​കാ​ര​ങ്ങ​ൾ ക​മീ​ഷ​നു​ണ്ടാ​യി​രി​ക്കും. പ്ര​സ​ക്ത​മാ​യ​തോ​ ഉ​പ​കാ​ര​പ്പെ​ടു​ന്ന​തോ ആ​യ വി​വ​ര​ങ്ങ​ൾ ഏ​തൊ​രു വ്യ​ക്തി​യി​ൽ നി​ന്ന്​ ആ​വ​ശ്യ​പ്പെ​ടാ​നോ ഹാ​ജ​രാ​ക്കാ​ൻ നി​ർ​ദേ​ശി​ക്കാ​നോ ഈ ​വ​കു​പ്പു​ക​ൾ പ്ര​കാ​രം ക​മീ​ഷ​ന്​ അ​ധി​കാ​ര​മു​ണ്ടാ​യി​രി​ക്കും. സി​വി​ൽ കോ​ട​തി​യു​ടെ അ​ധി​കാ​ര​ത്തോ​ടെ​യാ​യി​രി​ക്കും ക​മീ​ഷ​ൻ പ്ര​വ​ർ​ത്തി​ക്കു​ക എന്നും സർക്കാർ വിജ്ഞാപനത്തിൽ പറയുന്നു.

അതേസമയം, മു​ന​മ്പം വ​ഖ​ഫ് ഭൂ​മി വി​ഷ​യ​ത്തി​ൽ കേ​ര​ള വ​ഖ​ഫ് സം​ര​ക്ഷ​ണ വേ​ദി​യ​ട​ക്കം ഫ​യ​ൽ ചെ​യ്ത ഹ​ര​ജി​യി​ൽ മാ​ർ​ച്ച്​ 17ന് ജു​ഡീ​ഷ്യ​ൽ ക​മീ​ഷ​ൻ നി​യ​മ​നം ഹൈകോടതി സിം​ഗി​ൾ ബെ​ഞ്ച്​ റ​ദ്ദാ​ക്കി​യിരുന്നു. എന്നാൽ, സർക്കാറിന്‍റെ അപ്പീലിൽ ക​മീ​ഷ​ൻ നി​യ​മ​നം റ​ദ്ദാ​ക്കി​യ സിം​ഗി​ൾ​ ബെ​ഞ്ച്​ ഉ​ത്ത​ര​വ്​ സ്​​റ്റേ ചെയ്ത ഡി​വി​ഷ​ൻ ബെ​ഞ്ച് ജു​ഡീ​ഷ്യ​ൽ ക​മീ​ഷ​ന്‍റെ പ്ര​വ​ർ​ത്ത​നം തു​ട​രാ​ൻ താ​ൽ​ക്കാ​ലി​കാ​നു​മ​തി ന​ൽ​കി. എന്നാൽ, ക​മീ​ഷ​ൻ സ​മ​ർ​പ്പി​ക്കു​ന്ന റി​പ്പോ​ർ​ട്ടി​ൽ കോ​ട​തി അ​നു​മ​തി​യി​ല്ലാ​തെ സ​ർ​ക്കാ​ർ ന​ട​പ​ടി സ്വീ​ക​രി​ക്ക​രു​തെ​ന്നും​ ഡി​വി​ഷ​ൻ ബെ​ഞ്ച്​ വ്യ​ക്ത​മാ​ക്കി.

മു​ന​മ്പം ഭൂ​മി വ​ഖ​ഫ്​ ആ​ണോ അ​ല്ല​യോ എ​ന്ന​ല്ല, വ​സ്തു​താ​ന്വേ​ഷ​ണം ന​ട​ത്താ​നാ​ണ്​ ജ​സ്റ്റി​സ് സി.​എ​ൻ. രാ​മ​ച​ന്ദ്ര​നെ നി​യ​മി​ച്ച​തെ​ന്നാ​ണ് സ​ർ​ക്കാ​ർ ഹൈകോടതിയെ അ​റി​യി​ച്ച​ത്. ഈ ​ഭൂ​മി​യി​ൽ വ​ർ​ഷ​ങ്ങ​ളാ​യി താ​മ​സി​ക്കു​ന്ന​വ​രു​ടെ പ്ര​ശ്നം എ​ങ്ങ​നെ പ​രി​ഹ​രി​ക്കാ​മെ​ന്ന​ത്​ സം​ബ​ന്ധി​ച്ചാ​ണ്​ പ​രി​ശോ​ധി​ക്കു​ന്ന​തെ​ന്ന സ​ർ​ക്കാ​ർ വാ​ദ​ത്തി​ൽ പ്ര​ഥ​മ​ദൃ​ഷ്ട്യാ ക​ഴ​മ്പു​ണ്ടെ​ന്നും ഹൈകോ​ട​തി വി​ല​യി​രു​ത്തി.