Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമനുഷ്യക്കടത്ത്​:...

മനുഷ്യക്കടത്ത്​: രാജ്യാന്തര സഹായം തേടി; ​ശ്രീകാന്തൻ കേരളം വി​െട്ടന്ന്​ സൂചന

text_fields
bookmark_border
മനുഷ്യക്കടത്ത്​: രാജ്യാന്തര സഹായം തേടി; ​ശ്രീകാന്തൻ കേരളം വി​െട്ടന്ന്​ സൂചന
cancel

കൊച്ചി: മുനമ്പം വഴി വിദേശത്തേക്ക്​ ഇരുന്നൂറോളംപേരെ കടത്തിയ സംഭവത്തിൽ കസ്​റ്റഡിയിലുള്ളവരെ കേന്ദ്ര ഏജൻസികൾ ചോദ്യം ചെയ്യുന്നത്​ തുടരുന്നു. മുഖ്യപ്രതിയെന്ന്​ സംശയിക്കുന്ന തിരുവനന്തപുരം സ്വദേശി ശ്രീകാന്തൻ കേരളം വിട് ടതായാണ്​ സൂചന. കഴിഞ്ഞദിവസം ഡൽഹിയിൽനിന്ന്​ കസ്​റ്റഡിയിലായ പ്രഭു ദണ്ഡപാണിയാണ്​ അന്വേഷണ സംഘത്തിന്​ ഇതുസംബന്ധി ച്ച വിവരങ്ങൾ കൈമാറിയത്​. കസ്​റ്റഡിയിലുള്ള ഇടനിലക്കാരെ ​െഎ.ബി ഉദ്യോഗസ്​ഥരടക്കം വിശദമായി ചോദ്യം ചെയ്യു​കയാണ ്​. ഇവർ നൽകിയ വിവരങ്ങളും പരിശോധിച്ചുവരുന്നു.

സംസ്‌ഥാന സ്‌പെഷൽ ബ്രാഞ്ച് സംഘത്തിനുപുറമെ തമിഴ്‌നാട് ക്യൂ ബ് രാഞ്ച്, ഐ.ബി, മിലിറ്ററി ഇൻറലിജൻസ് വിഭാഗം എന്നിവരുടെ നേതൃത്വത്തിലാണ്​ കസ്​റ്റഡിയിലുള്ള അനിൽകുമാർ, പ്രഭു, ദീപക്​ എന്നിവരെ ചോദ്യം ചെയ്യുന്നത്​. ശ്രീകാന്തൻ തമിഴ്​നാട്ടിലേക്ക്​ കടന്നതായാണ്​ ചോദ്യം ചെയ്യലിൽ ലഭിച്ച വിവരം. മുനമ്പത്തുനിന്ന്​ പുറപ്പെട്ട സംഘം എത്താൻ സാധ്യതയുള്ള ആസ്​ട്രേലിയ, ഇന്തോനേഷ്യ എന്നിവിടങ്ങളിലെ അധികൃതരുമായി അന്വേഷണസംഘം ആശയവിനിമയം നടത്തിയിരുന്നു. കൂടുതൽ വിവരങ്ങൾ ശേഖരിക്കാൻ രാജ്യാന്തര ഏജൻസികളുടെ സഹായവും​ തേടിയിട്ടുണ്ട്​. മുനമ്പത്തു​നിന്ന്​ പോയവർ ഇന്തോനേഷ്യൻ തീരം വരെ എത്തിയതായി വിവരം ലഭിച്ചിട്ടുണ്ട്​. ഇവരെ തിരിച്ചെത്തിക്കാനുള്ള സാധ്യതയും പരിശോധിച്ചുവരുന്നു.

ഇതിനിടെ, സംഘം പുറപ്പെട്ട ‘ദയാമാത’ ബോട്ട്​ മുനമ്പത്ത്​ മത്സ്യബന്ധനം നടത്തിയ സമയത്തെ ദൃശ്യങ്ങൾ പുറത്തുവന്നിട്ടുണ്ട്​. ഇടനിലക്കാരനെന്ന്​ സംശയിക്കുന്ന ​െശൽവൻ അടക്കമുള്ളവർ ഇൗ ദൃ​ശ്യങ്ങളിലുണ്ട്​. അമ്പതോളം പേർക്ക്​ സഞ്ചരിക്കാവുന്ന ബോട്ടിലാണ്​ കൂടുതൽ ആളുകളെ കുത്തിനിറച്ച്​ കൊണ്ടുപോയത്​. ബോട്ടി​​​െൻറ അടിത്തട്ടിൽപോലും ആളുകളെ ഇരുത്തിയിട്ടുണ്ടെന്നും വെള്ളം നിറക്കുന്ന ടാങ്കിലാണ്​ ഇന്ധനം നിറ​ച്ചതെന്നും​ കസ്​റ്റഡിയിലുള്ളവർ മൊഴി നൽകിയിരുന്നു. 20 ദിവസത്തേക്കുള്ള അരിയും സാധനങ്ങളുമാണ്​ ബോട്ടിൽ കരുതിയിട്ടുള്ളത്​. അന്വേഷണം നല്ലരീതിയിൽ മുന്നോട്ട്​ പോകുകയാണെന്നും കൂടുതലൊന്നും ഇപ്പോൾ വെളിപ്പെടുത്താനാവില്ലെന്നും റൂറൽ എസ്​.പി രാഹുൽ ആർ. നായർ പറഞ്ഞു.

മനുഷ്യക്കടത്ത്​: അന്വേഷണം സി.ബി.​െഎക്ക്​ വിടണമെന്ന ഹരജിയിൽ വിശദീകരണം തേടി
​െകാച്ചി: വിദേശത്ത്​ ജോലി വാഗ്​ദാനം ചെയ്​ത്​ മനുഷ്യക്കടത്ത്​ നടത്തിയ കേസിലെ അന്വേഷണം സി.ബി.​െഎക്ക്​ വിടണമെന്ന ഹരജിയിൽ ഹൈകോടതി സർക്കാറി​​​െൻറ വിശദീകരണം തേടി. വ്യാജ തൊഴിൽ വിസ നൽകി കബളിപ്പിച്ച്​ യു.എ.ഇയിൽ ​എത്തിച്ച്​ വഞ്ചിച്ച കേസ്​ സി.ബി.​െഎക്ക്​ വിടണമെന്നാവശ്യപ്പെട്ട്​ കൊല്ലം ഒാച്ചിറ സ്വദേശി യു. ​േഗാപകുമാർ, ചവറ സ്വദേശി ഒ. ശ്രീകുമാർ, കരുനാഗപ്പള്ളി സ്വദേശി സജീവ്​ കരുണാകരൻ, ഒാച്ചിറ സ്വദേശിനി സീമ മോൾ എന്നിവർ നൽകിയ ഹരജിയാണ്​ കോടതി പരിഗണിച്ചത്​.

ഉയർന്ന ശമ്പളം ലഭിക്കുന്ന തൊഴിലാണെന്ന് പറഞ്ഞു പറ്റിച്ച്​ വ്യാജ തൊഴിൽ വിസ നൽകി കായംകുളത്തെ സ്വകാര്യ സ്ഥാപനം മുഖേന ഹബീബ് എന്ന വ്യക്തിയാണ് തങ്ങളെ വിദേശത്തേക്ക്​ അയച്ചതെന്ന്​ ഹരജിയിൽ പറയുന്നു. വിസക്കായി ഒരു ലക്ഷം രൂപ വീതം വാങ്ങി. യു.എ.ഇയിൽ മതിയായ സൗകര്യങ്ങളില്ലാത്ത ലേബർ ക്യാമ്പുകളിൽ നരക യാതന അനുഭവിക്കേണ്ടി വന്നു.

പിന്നീട്​ സ്​ഥലം എം.പിയുടെയും ഇന്ത്യൻ എംബസിയുടെയും സഹായത്തോടെയാണ് നാട്ടിലെത്താനായത്​. 2015ൽ തങ്ങൾ നൽകിയ പരാതിയിൽ പൊലീസ് അന്വേഷണം നടക്കുന്നു​​ണ്ടെങ്കിലും തൃപ്തികരമല്ല. വിശദമായ അന്വേഷണം നടക്കുന്നില്ല. അപ്രധാന വകുപ്പുകൾ ചേർത്താണ്​ കേസെടുത്തത്​. തട്ടിപ്പ്​ സംഘത്തിന്​ അന്തർസംസ്​ഥാന, അന്തർദേശീയ ബന്ധങ്ങളുണ്ടെന്നതിനാൽ അന്വേഷണം സി.ബി.ഐയ്ക്കു വിടണമെന്ന്​ ആവശ്യപ്പെട്ടു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:human traffickingkerala newsmalayalam newsMunambam Human Trafficking
News Summary - Munambam Human Trafficking -Kerala News
Next Story