മുനമ്പം ഹൈകോടതി വിധി സർക്കാറിനേറ്റ തിരിച്ചടി -വഖഫ്​ സംരക്ഷണ സമിതി; നിരാശജനകം -സമരസമിതി

കൊ​ച്ചി: മു​ന​മ്പ​ത്തെ 404.76 ഏ​ക്ക​ർ വ​ഖ​ഫ്​ ഭൂ​മി​യു​മാ​യി ബ​ന്ധ​പ്പെ​ട്ട് സ​ർ​ക്കാ​ർ നി​യോ​ഗി​ച്ച സി.​എ​ൻ. രാ​മ​ച​ന്ദ്ര​ൻ ക​മീ​ഷ​ന്‍റെ നി​യ​മ​നം റ​ദ്ദ് ചെ​യ്ത ഹൈ​കോ​ട​തി വി​ധി​യെ വ​ഖ​ഫ്​ സം​ര​ക്ഷ​ണ സ​മി​തി ചെ​യ​ർ​മാ​ൻ ഷ​രീ​ഫ് പു​ത്ത​ൻ​പു​ര​യും ക​ൺ​വീ​ന​ർ ടി.​എ. മു​ജീ​ബ് റ​ഹ്മാ​നും സ്വാ​ഗ​തം​ചെ​യ്തു. മു​ന​മ്പം വി​ഷ​യ​ത്തി​ൽ സ​ർ​ക്കാ​ർ നി​ല​പാ​ട് തെ​റ്റാ​ണെ​ന്ന് ബോ​ധ്യ​പ്പെ​ടു​ത്തു​ന്ന വി​ധി​യാ​ണ് കോ​ട​തി​യി​ൽ​നി​ന്ന്​ ഉ​ണ്ടാ​യ​ത്.

വ​ഖ​ഫ്​ ഭൂ​മി​യാ​ണെ​ന്ന മു​ൻ​കാ​ല കോ​ട​തി വി​ധി​ക​ളും 2008ൽ ​സ​ർ​ക്കാ​ർ​ത​ന്നെ നി​യോ​ഗി​ച്ച നി​സാ​ർ ക​മീ​ഷ​ൻ റി​പ്പോ​ർ​ട്ടും അ​വ​ഗ​ണി​ച്ച് പു​തി​യ അ​ന്വേ​ഷ​ണ ക​മീ​ഷ​നെ നി​യ​മി​ച്ച സ​ർ​ക്കാ​ർ ന​ട​പ​ടി തെ​റ്റാ​ണെ​ന്ന് കോ​ട​തി വ്യ​ക്ത​മാ​ക്കി​യ സാ​ഹ​ച​ര്യ​ത്തി​ൽ റി​സോ​ർ​ട്ടു​ക​ൾ ഉ​ൾ​പ്പെ​ടെ​യു​ള്ള കൈ​യേ​റ്റ​ക്കാ​രെ ഒ​ഴി​പ്പി​ച്ച് മു​ന​മ്പ​ത്തെ വ​ഖ​ഫ്​ ഭൂ​മി സം​ര​ക്ഷി​ക്കാ​ൻ സ​ർ​ക്കാ​ർ ത​യാ​റാ​ക​ണ​മെ​ന്ന് വ​ഖ​ഫ്​ സം​ര​ക്ഷ​ണ സ​മി​തി ആ​വ​ശ്യ​പ്പെ​ട്ടു.

വിധി നിരാശജനകം -സമരസമിതി

കൊ​ച്ചി: മു​ന​മ്പം ജു​ഡീ​ഷ്യ​ൽ ക​മീ​ഷ​ൻ നി​യ​മ​നം റ​ദ്ദാ​ക്കി​യ ഹൈ​കോ​ട​തി വി​ധി നി​രാ​ശ​ജ​ന​ക​മാ​ണെ​ന്ന് മു​ന​മ്പം ഭൂ​സ​മ​ര സ​മി​തി. ഹൈ​കോ​ട​തി വി​ധി​ക്കു​ശേ​ഷം പ്ര​തി​ക​രി​ക്കു​ക​യാ​യി​രു​ന്നു അ​വ​ർ. വി​ധി ആ​ശ​ങ്ക​ജ​ന​ക​മാ​ണ്. സ​ർ​ക്കാ​റി​നു​ള്ള അ​ധി​കാ​ര​ങ്ങ​ൾ ഉ​പ​യോ​ഗി​ച്ച് ഭൂ​മി​യു​ടെ ഉ​ട​മ​സ്ഥാ​വ​കാ​ശം ഭൂ​വു​ട​മ​ക​ൾ​ക്ക് തി​രി​ച്ചു​ന​ൽ​ക​ണം.

പ്ര​ശ്ന​ത്തി​ന് പ​രി​ഹാ​ര​മാ​കു​മെ​ന്ന് പ്ര​തീ​ക്ഷി​ച്ച ഘ​ട്ട​ത്തി​ലാ​ണ് സ​ർ​ക്കാ​ർ ക​മീ​ഷ​നെ നി​യോ​ഗി​ച്ച​ത്. ക​മീ​ഷ​ൻ നി​യ​മ​ന​ത്തി​ന്‍റെ തു​ട​ക്ക​ത്തി​ൽ​ത​ന്നെ ത​ങ്ങ​ൾ ആ​ശ​ങ്ക പ്ര​ക​ടി​പ്പി​ച്ചി​രു​ന്നു. എ​ന്നാ​ൽ, മു​ഖ്യ​മ​ന്ത്രി ന​ൽ​കി​യ ഉ​റ​പ്പി​ലാ​ണ് ത​ങ്ങ​ൾ സ​ഹ​ക​രി​ച്ച​തെ​ന്നും ഭാ​ര​വാ​ഹി​ക​ൾ കൂ​ട്ടി​ച്ചേ​ർ​ത്തു.

സ്വാഗതാർഹം -ദക്ഷിണ കേരള ജംഇയ്യതുൽ ഉലമ

കൊ​ച്ചി: മു​ന​മ്പം വ​ഖ​ഫ് ഭൂ​മി സം​ബ​ന്ധി​ച്ച് സ​ർ​ക്കാ​ർ നി​യ​മി​ച്ച ജ​സ്റ്റി​സ് സി.​എ​ൻ. രാ​മ​ച​ന്ദ്ര​ൻ ക​മീ​ഷ​നെ അ​സാ​ധു​വാ​ക്കി​യ ഹൈ​കോ​ട​തി വി​ധി സ്വാ​ഗ​താ​ർ​ഹ​മാ​ണെ​ന്ന് ദ​ക്ഷി​ണ കേ​ര​ള ജം​ഇ​യ്യ​തു​ൽ ഉ​ല​മ-​ജ​മാ​അ​ത്ത് ഫെ​ഡ​റേ​ഷ​ൻ സം​യു​ക്ത നേ​തൃ​യോ​ഗം അ​ഭി​പ്രാ​യ​പ്പെ​ട്ടു. മു​ന​മ്പ​ത്തേ​ത് വ​ഖ​ഫ് ഭൂ​മി അ​ല്ലെ​ന്ന് പ​റ​ഞ്ഞ​വ​ർ​ക്കു​ള്ള തി​രു​ത്തു​കൂ​ടി​യാ​ണ് കോ​ട​തി​വി​ധി. മു​ന​മ്പം വി​ഷ​യ​ത്തി​ന്റെ പേ​രി​ൽ സാ​മൂ​ഹി​ക സൗ​ഹാ​ർ​ദം ത​ക​ർ​ത്ത് രാ​ഷ്ട്രീ​യ​നേ​ട്ടം കൊ​യ്യാ​മെ​ന്ന് ക​രു​തി​യ​വ​ർ ഇ​നി​യെ​ങ്കി​ലും അ​തി​ൽ​നി​ന്ന് പി​ന്തി​രി​യ​ണം. ഈ ​വി​ഷ​യ​ത്തി​ൽ​ ഇ​നി​യു​ണ്ടാ​കു​ന്ന എ​ല്ലാ വ്യ​വ​ഹാ​ര​ങ്ങ​ളി​ലും ക​ക്ഷി​ചേ​രും. ജ​മാ​അ​ത്ത് ഫെ​ഡ​റേ​ഷ​ൻ സം​സ്ഥാ​ന പ്ര​സി​ഡ​ൻ​റ് ക​ട​യ്ക്ക​ൽ അ​ബ്ദു​ൽ അ​സീ​സ് മൗ​ല​വി അ​ധ്യ​ക്ഷ​ത വ​ഹി​ച്ചു.

എന്താണ് ചെയ്യേണ്ടതെന്ന് കോടതിതന്നെ പറയട്ടെ -എം.വി. ഗോവിന്ദൻ

ക​ണ്ണൂ​ർ: മു​ന​മ്പം വി​ഷ​യ​ത്തി​ൽ സ​ർ​ക്കാ​ർ ഇ​നി എ​ന്താ​ണ് ചെ​യ്യേ​ണ്ട​തെ​ന്ന് കോ​ട​തി ത​ന്നെ പ​റ​യ​ട്ടെ​യെ​ന്ന് സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. മു​ന​മ്പം ജു​ഡീ​ഷ്യ​ൽ ക​മീ​ഷ​നെ അ​സാ​ധു​വാ​ക്കി​യ കോ​ട​തി ന​ട​പ​ടി​യോ​ട് ക​ണ്ണൂ​രി​ൽ മാ​ധ്യ​മ​ങ്ങ​ളോ​ട് പ്ര​തി​ക​രി​ക്കു​ക​യാ​യി​രു​ന്നു അ​​ദ്ദേ​ഹം. ഇ​നി എ​ന്തു​വേ​ണ​മെ​ന്ന് കോ​ട​തി ത​ന്നെ പ​റ​ഞ്ഞാ​ൽ പി​ന്നീ​ട് പ്ര​ശ്ന​മു​ണ്ടാ​കി​ല്ല​ല്ലോ​യെ​ന്നും അ​ദ്ദേ​ഹം പ​റ​ഞ്ഞു.

ആ​ശാ വ​ർ​ക്ക​ർ​മാ​രു​ടെ സ​മ​രം കൈ​കാ​ര്യം ചെ​യ്യു​ന്ന​ത് ജ​മാ​അ​ത്തെ ഇ​സ്‍ലാ​മി​യും എ​സ്.​ഡി.​പി.​ഐ​യും എ​സ്.​യു.​സി.​ഐ​യു​മാ​ണെ​ന്ന് എം.​വി. ഗോ​വി​ന്ദ​ൻ ആ​വ​ർ​ത്തി​ച്ചു. സ​മ​ര​ത്തെ സി.​പി.​എം എ​തി​ർ​ക്കു​ന്നി​ല്ല. സ​മ​ര​വേ​ള​യി​ൽ ആ​ശാ വ​ർ​ക്ക​ർ​മാ​ർ​ക്ക് പ​രി​ശീ​ല​നം നി​ശ്ച​യി​ച്ച​തി​നു​പി​ന്നി​ൽ അ​സ്വാ​ഭാ​വി​ക​ത​യൊ​ന്നു​മി​ല്ലെ​ന്നും അ​ദ്ദേ​ഹം പ്ര​തി​ക​രി​ച്ചു.

കൈ​യേ​റ്റ​ക്കാ​രെ ഒ​ഴി​പ്പി​ക്ക​ണ​ം -പി.​ഡി.​പി

കൊ​ച്ചി: മു​ന​മ്പം ക​മീ​ഷ​നെ നി​യ​മി​ച്ച ന​ട​പ​ടി റ​ദ്ദാ​ക്കി​യ ഹൈ​കോ​ട​തി വി​ധി സ്വാ​ഗ​താ​ര്‍ഹ​മാ​ണെ​ന്ന് പി.​ഡി.​പി കേ​ന്ദ്ര ക​മ്മി​റ്റി. മു​ന്‍ കോ​ട​തി വി​ധി​ക​ളും നി​സാ​ര്‍ ക​മീ​ഷ​ന്‍ ക​ണ്ടെ​ത്തി​യ വ​സ്തു​ത​ക​ളും നി​ല​നി​ല്‍ക്കെ മ​റ്റൊ​രു ക​മീ​ഷ​ന് നി​യ​മ​സാ​ധു​ത ഇ​ല്ലെ​ന്ന കോ​ട​തി​യു​ടെ വി​ധി സ​ര്‍ക്കാ​ര്‍ ഗൗ​ര​വ​മാ​യി കാ​ണ​ണം. കൈ​യേ​റ്റ​ക്കാ​രെ ഒ​ഴി​പ്പി​ച്ച് വ​ഖ​ഫ് സ്വ​ത്ത് തി​രി​ച്ചു​പി​ടി​ക്ക​ണ​മെ​ന്നും പി.​ഡി.​പി വൈ​സ് ചെ​യ​ര്‍മാ​ന്‍ അ​ഡ്വ. മു​ട്ടം നാ​സ​ര്‍ ആ​വ​ശ്യ​പ്പെ​ട്ടു.

ബി.ജെ.പി നിലപാട് ശരിയെന്ന് തെളിഞ്ഞു -വി. മുരളീധരൻ

തി​രു​വ​ന​ന്ത​പു​രം: മു​ന​മ്പം വ​ഖ​ഫ് വി​ഷ​യ​ത്തി​ൽ സി.​എ​ൻ. രാ​മ​ച​ന്ദ്ര​ൻ ക​മീ​ഷ​ൻ അ​സാ​ധു​വാ​ണെ​ന്ന് ഹൈ​കോ​ട​തി പ​റ​ഞ്ഞ​തോ​ടെ, ബി.​ജെ.​പി നി​ല​പാ​ട് ശ​രി​യെ​ന്ന് തെ​ളി​ഞ്ഞ​താ​യി മു​ൻ കേ​ന്ദ്ര​മ​ന്ത്രി വി. ​മു​ര​ളീ​ധ​ര​ൻ. മു​ന​മ്പ​ത്തെ പ്ര​ശ്ന​ത്തി​ന് ശാ​ശ്വ​ത​പ​രി​ഹാ​രം കേ​ന്ദ്ര​നി​യ​മ​ത്തി​ലെ ഭേ​ദ​ഗ​തി​യി​ലൂ​ടെ മാ​ത്ര​മേ സാ​ധ്യ​മാ​കൂ​യെ​ന്നും അ​ദ്ദേ​ഹം മാ​ധ്യ​മ​ങ്ങ​ളോ​ട് പ്ര​തി​ക​രി​ച്ചു. വ​ഖ​ഫു​മാ​യി ബ​ന്ധ​പ്പെ​ട്ട് കേ​ര​ള നി​യ​മ​സ​ഭ പാ​സാ​ക്കി​യ പ്ര​മേ​യം പി​ൻ​വ​ലി​ക്ക​ണ​മെ​ന്നും മു​ര​ളീ​ധ​ര​ൻ ആ​വ​ശ്യ​പ്പെ​ട്ടു.