തപാൽ വോട്ട്​ ക്രമക്കേടില്‍ ജുഡീഷ്യല്‍ അന്വേഷണംവേണം -മുല്ലപ്പള്ളി

തിരുവനന്തപുരം: പൊലീസ്​ തപാൽ വോട്ട്​ ക്രമക്കേടിൽ ഉന്നത പൊലീസ്​ഉദ്യോഗസ്ഥരും സി.പി.എം നേതൃത്വവും മന്ത്രിതലത്തിലുമുള്ളവര്‍ ഉള്‍പ്പെട്ടതിനാല്‍ ജുഡീഷ്യല്‍ അന്വേഷണം വേണമെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രന്‍. ക്രൈംബ്രാഞ്ച് അന്വേഷണത്തിലൂടെ യഥാർഥ പ്രതികള്‍ നിയമത്തിനുമുന്നില്‍ വരില്ല. അട്ടിമറിയില്‍ സംസ്ഥാന പൊലീസ് മേധാവിക്ക് പങ്കില്ലെന്ന് പറയാന്‍ സാധ്യമല്ല. അദ്ദേഹത്തി​​െൻറ അറിവും സമ്മതവുമില്ലാതെ പൊലീസ് വോട്ടുകളില്‍ കൃത്രിമം നടക്കില്ല. ഉന്നതരുടെ പങ്ക് തെളിയിക്കേണ്ടതുണ്ടെന്നും അത് ജുഡീഷ്യല്‍ അന്വേഷണത്തിലൂടെ മാത്രമേ സാധ്യമാകൂവെന്നും മുല്ലപ്പള്ളി പറഞ്ഞു.