മുല്ലപ്പെരിയാർ: തമിഴ്​നാട്​ മന്ത്രിമാരുടെ സന്ദർശനത്തിന്​ പിന്നാലെ ഷട്ടറുകൾ അടച്ചു

കു​മ​ളി: മു​ല്ല​പ്പെ​രി​യാ​ർ സ​ന്ദ​ർ​ശ​നം ക​ഴി​ഞ്ഞ് ത​മി​ഴ്​​നാ​ട്​ മ​ന്ത്രി​മാ​ർ മ​ട​ങ്ങി​ 24 മ​ണി​ക്കൂ​ർ തി​ക​യും​മു​മ്പ്​ സ്​​പി​ൽ​വേ ഷ​ട്ട​റു​ക​ൾ ത​മി​ഴ്​​നാ​ട്​ അ​ട​ച്ചു. വെ​ള്ളി​യാ​ഴ്​​ച​യാ​ണ്​ ത​മി​ഴ്നാ​ട് ജ​ല​വി​ഭ​വ മ​ന്ത്രി ദു​രൈ മു​രു​ക​െൻറ നേ​തൃ​ത്വ​ത്തി​ലു​ള്ള സം​ഘം അ​ണ​ക്കെ​ട്ട് സ​ന്ദ​ർ​ശി​ച്ച​ത്.

ത​മി​ഴ്​​നാ​ട്​ ഉ​ന്ന​ത​ത​ല സം​ഘം അ​ണ​ക്കെ​ട്ട് സ​ന്ദ​ർ​ശി​ക്കു​ന്ന വേ​ള​യി​ൽ സ്​​പി​ൽ​വേ​യി​ലെ ആ​റ്​ ഷ​ട്ട​ർ വ​ഴി ഇ​ടു​ക്കി​യി​ലേ​ക്ക് 2736 ഘ​ന അ​ടി ജ​ല​മാ​ണ് ഒ​ഴു​കി​യി​രു​ന്ന​ത്. 138.65 അ​ടി​യാ​യി​രു​ന്നു ജ​ല​നി​ര​പ്പ്. എ​ന്നാ​ൽ, ജ​ല​നി​ര​പ്പി​ൽ കാ​ര്യ​മാ​യ കു​റ​വി​ല്ലാ​തി​രി​ക്കെ ശ​നി​യാ​ഴ്​​ച രാ​വി​ലെ 11 ഓ​ടെ​യാ​ണ് സ്​​പി​ൽ​വേ ഷ​ട്ട​റു​ക​ൾ പൂ​ർ​ണ​മാ​യും അ​ട​ച്ച് ഇ​ടു​ക്കി​യി​ലേ​ക്ക് ജ​ലം ഒ​ഴു​ക്കു​ന്ന​ത് നി​ർ​ത്തി​യ​ത്. മ​ന്ത്രി​മാ​ർ പോ​യ​തി​ന്​ പി​ന്നാ​ലെ ആ​റ്​ ഷ​ട്ട​റു​ക​ളി​ൽ അ​ഞ്ച്​ എ​ണ്ണ​വും അ​ട​ച്ചി​രു​ന്നു. ശേ​ഷി​ച്ച ഒ​രെ​ണ്ണം വ​ഴി ഇ​ടു​ക്കി​യി​ലേ​ക്ക് 176 ഘ​ന അ​ടി ജ​ലം മാ​ത്ര​മാ​ണ് ഒ​ഴു​കി​യി​രു​ന്ന​ത്.

അ​ണ​ക്കെ​ട്ടി​ലെ ജ​ല​നി​ര​പ്പ് 138.75 അ​ടി​യാ​യി ഉ​യ​ർ​ന്ന​തി​നെ തു​ട​ർ​ന്ന് ക​ഴി​ഞ്ഞ​മാ​സം 29ന് ​രാ​വി​ലെ ഏ​ഴി​നാ​ണ് മു​ല്ല​പ്പെ​രി​യാ​ർ ഷ​ട്ട​റു​ക​ൾ തു​റ​ന്ന​ത്. അ​ണ​ക്കെ​ട്ടി​ലി​പ്പോ​ൾ 138.50 അ​ടി​യാ​ണ് ജ​ല​നി​ര​പ്പ്.