മുല്ലപ്പെരിയാർ അണക്കെട്ട് രാത്രി തുറന്നു; വീടുകളിൽ വെള്ളം കയറി

കുമളി: കേരളത്തി​െൻറ നിരന്തര ആവശ്യം തള്ളി തിങ്കളാഴ്​ച രാത്രിയും വൻതോതിൽ ജലം മുല്ലപ്പെരിയാർ അണക്കെട്ടിൽനിന്ന്​ തമിഴ്​നാട്​ അധികൃതർ തുറന്നുവിട്ടു. സെക്കൻഡിൽ 12,654 ഘന അടി ജലമാണ്​ രാത്രി ഒമ്പതോടെ തുറന്നുവിട്ടത്​. ഇതോടെ വള്ളക്കടവിലെ മിക്കവീട്ടിലും വെള്ളം കയറി. പ്രദേശത്ത് പ്രളയ സമാനസ്ഥിതിയാണ് ഉണ്ടായതെന്ന് നാട്ടുകാർ പറയുന്നു.

സ്ഥിതിഗതി വിലയിരുത്താൻ മന്ത്രി റോഷി അഗസ്​റ്റിൻ രാത്രി വള്ളക്കടവ്, കറുപ്പുപാലം പ്രദേശത്തെത്തി. പകൽ മുഴുവൻ ജലം ഒഴുക്കുന്നത് കുറച്ചശേഷമാണ് രാത്രി ജലനിരപ്പ് ഉയർന്നതി​െൻറ പേരിൽ സ്പിൽവേയിലെ ഒമ്പത്​ ഷട്ടർ 120 സെ.മീ ഉയർത്തി ഇടുക്കിയിലേക്ക് കൂടുതൽ ജലം തുറന്നുവിട്ടത്.

രാവിലെയോടെ എട്ട് ഷട്ടറുകളും അടച്ചു. തുറന്ന ഒരു ഷട്ടറിലൂടെ 142 ഘനയടി വെള്ളമാണ് ഒഴുക്കുന്നത്. നിലവിൽ ജലനിരപ്പ് 141.85 അടിയാണ്.