Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമുല്ലപ്പെരിയാർ:...

മുല്ലപ്പെരിയാർ: നടപടിയാവശ്യപ്പെട്ട്​ സ്റ്റാലിന്​ മുഖ്യമന്ത്രിയുടെ കത്ത്​

text_fields
bookmark_border
Mullaperiyar Dam
cancel

തിരുവനന്തപുരം: നീ​രൊഴുക്ക്​ ശക്തമായ മുല്ലപ്പെരിയാറിൽ ജലനിരപ്പ്​ കുറക്കാൻ നടപടിയെടുക്കാൻ നിർദേശിക്കണമെന്നും സ്വീകരിക്കുന്ന നടപടികൾ 24 മണിക്കൂർ മുൻകൂട്ടി കേരളത്തെ അറിയിക്കണമെന്നും ആവശ്യപ്പെട്ട്​ മുഖ്യമന്ത്രി പിണറായി വിജയൻ തമിഴ്​നാട്​ മുഖ്യമന്ത്രി എം.കെ. സ്റ്റാലിന്​ കത്തയച്ചു.

കുറെ ദിവസങ്ങളിലായി കേരളത്തിൽ കനത്ത ​മഴ പെയ്യുകയാണ്​. ഇടുക്കിയടക്കം നിരവധി ജില്ലകൾ റെഡ്​ അലർട്ടിലാണ്​. മുല്ലപ്പെരിയാറിലെ ജലനിരപ്പ്​ 136 അടിയായി. അണക്കെട്ടിലേക്ക്​ നീരൊഴുക്ക്​ ശക്തിപ്പെട്ടാൽ ജലനിരപ്പ്​​ അതിവേഗം ഉയരും.​

മഴ മുന്നറിയിപ്പിന്‍റെ സാഹചര്യത്തിൽ ജലനിരപ്പ്​ അടിയന്തരമായി സുരക്ഷിത തലത്തിലേക്ക്​ താഴ്ത്താൻ അടിയന്തര ഇടപെടൽ വേണം. അണക്കെട്ട്​ തുറക്കുന്ന വിവരം 24 മണിക്കൂർ മുമ്പ്​ അറിയിക്കണം.​ താഴ്​ഭാഗത്തുള്ള ജനങ്ങളുടെ സുരക്ഷ ഉറപ്പാക്കാനാവശ്യമായ നടപടി സ്വീകരിക്കാൻ വേണ്ടിയാണിതെന്നും മുഖ്യമന്ത്രി കത്തിൽ വ്യക്തമാക്കി. വിഷയത്തിൽ ചീഫ്​ സെക്രട്ടറിയും ജലവിഭവ മന്ത്രിയും കഴിഞ്ഞ ദിവസം തമിഴ്​നാടിന്​ കത്ത്​ നൽകിയിരുന്നു.

കഴിഞ്ഞ വർഷം കൃത്യമായ മുന്നറിയിപ്പുകൾ നൽകാതെ രാത്രി സമയത്ത്​ തമിഴ്നാട്​ മുല്ലപ്പെരിയാർ ഷട്ടറുകൾ തുറന്നത്​ ജനങ്ങൾക്ക്​ ബുദ്ധിമുട്ടുണ്ടാക്കിയിരുന്നു. പുഴയിലെ ജലനിരപ്പ്​ ​ വർധിച്ച്​ പല വീടുകളിലും വെള്ളം കയറിയിരുന്നു.

Show Full Article
TAGS:Mullaperiyar Dam MK Stalin Pinarayi Vijayan 
News Summary - Mullaperiyar: Chief Minister's letter to MK Stalin asking for action
Next Story